헬라어 문장 검색 - ΗεροδόΤηεΗιστ́7́166́

(헤로도토스, The Histories, book 7, chapter 148)

οἱ μέν νυν κατάσκοποι οὕτω θεησάμενοί τε καὶ ἀποπεμφθέντεσ ἐνόστησαν ἐσ τὴν Εὐρώπην, οἱ δὲ συνωμόται Ἑλλήνων ἐπὶ τῷ Πέρσῃ μετὰ τὴν ἀπόπεμψιν τῶν κατασκόπων δεύτερα ἔπεμπον ἐσ Ἄργοσ ἀγγέλουσ. Ἀργεῖοι δὲ λέγουσι τὰ κατ’ ἑωυτοὺσ γενέσθαι ὧδε.

πυθέσθαι γὰρ αὐτίκα κατ’ ἀρχὰσ τὰ ἐκ τοῦ βαρβάρου ἐγειρόμενα ἐπὶ τὴν Ἑλλάδα, πυθόμενοι δέ, καὶ μαθόντεσ ὡσ σφέασ οἱ Ἕλληνεσ πειρήσονται παραλαμβάνοντεσ ἐπὶ τὸν Πέρσην, πέμψαι θεοπρόπουσ ἐσ Δελφοὺσ τὸν θεὸν ἐπειρησομένουσ ὥσ σφι μέλλει ἄριστον ποιέουσι γενέσθαι· νεωστὶ γὰρ σφέων τεθνάναι ἑξακισχιλίουσ ὑπὸ Λακεδαιμονίων καὶ Κλεομένεοσ τοῦ Ἀναξανδρίδεω· τῶν δὴ εἵνεκα πέμπειν. τὴν δὲ Πυθίην ἐπειρωτῶσι αὐτοῖσι ἀνελεῖν τάδε.

ἐχθρὲ περικτιόνεσσι, φίλ’ ἀθανάτοισι θεοῖσιν, εἴσω τὸν προβόλαιον ἔχων πεφυλαγμένοσ ἧσο καὶ κεφαλὴν πεφύλαξο· κάρη δὲ τὸ σῶμα σαώσει. ταῦτα μὲν τὴν Πυθίην χρῆσαι πρότερον· μετὰ δὲ ὡσ ἐλθεῖν τοὺσ ἀγγέλουσ ἐσ δὴ τὸ Ἄργοσ, ἐπελθεῖν ἐπὶ τὸ βουλευτήριον καὶ λέγειν τὰ ἐντεταλμένα. τοὺσ δὲ πρὸσ τὰ λεγόμενα ὑποκρίνασθαι ὡσ ἕτοιμοι εἰσὶ Ἀργεῖοι ποιέειν ταῦτα, τριήκοντα ἔτεα εἰρήνην σπεισάμενοι Λακεδαιμονίοισι καὶ ἡγεόμενοι κατὰ τὸ ἥμισυ πάσησ τῆσ συμμαχίησ.

καίτοι κατά γε τὸ δίκαιον γίνεσθαι τὴν ἡγεμονίην ἑωυτῶν· ἀλλ’ ὅμωσ σφίσι ἀποχρᾶν κατὰ τὸ ἥμισυ ἡγεομένοισι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 148

(헤로도토스, The Histories, book 7, chapter 148)

상위

목록

SEARCH

MENU NAVIGATION