헬라어 문장 검색 - ΗεροδόΤηεΗιστ́7́157́

(헤로도토스, The Histories, book 7, chapter 139)

ἐνθαῦτα ἀναγκαίῃ ἐξέργομαι γνώμην ἀποδέξασθαι ἐπίφθονον μὲν πρὸσ τῶν πλεόνων ἀνθρώπων, ὅμωσ δὲ τῇ γέ μοι φαίνεται εἶναι ἀληθὲσ οὐκ ἐπισχήσω. εἰ Ἀθηναῖοι καταρρωδήσαντεσ τὸν ἐπιόντα κίνδυνον ἐξέλιπον τὴν σφετέρην, ἢ καὶ μὴ ἐκλιπόντεσ ἀλλὰ μείναντεσ ἔδοσαν σφέασ αὐτοὺσ Ξέρξῃ, κατὰ τὴν θάλασσαν οὐδαμοὶ ἂν ἐπειρῶντο ἀντιούμενοι βασιλέι.

εἰ τοίνυν κατὰ τὴν θάλασσαν μηδεὶσ ἠντιοῦτο Ξέρξῃ, κατά γε ἂν τὴν ἤπειρον τοιάδε ἐγίνετο· εἰ καὶ πολλοὶ τειχέων κιθῶνεσ ἦσαν ἐληλαμένοι διὰ τοῦ Ἰσθμοῦ Πελοποννησίοισι, προδοθέντεσ ἂν Λακεδαιμόνιοι ὑπὸ τῶν συμμάχων οὐκ ἑκόντων ἀλλ’ ὑπ’ ἀναγκαίησ, κατὰ πόλισ ἁλισκομένων ὑπὸ τοῦ ναυτικοῦ στρατοῦ τοῦ βαρβάρου, ἐμουνώθησαν, μουνωθέντεσ δὲ ἂν καὶ ἀποδεξάμενοι ἔργα μεγάλα ἀπέθανον γενναίωσ.

ἢ ταῦτα ἂν ἔπαθον, ἢ πρὸ τοῦ ὁρῶντεσ ἂν καὶ τοὺσ ἄλλουσ Ἕλληνασ μηδίζοντασ ὁμολογίῃ ἂν ἐχρήσαντο πρὸσ Ξέρξην.

καὶ οὕτω ἂν ἐπ’ ἀμφότερα ἡ Ἑλλὰσ ἐγίνετο ὑπὸ Πέρσῃσι. τὴν γὰρ ὠφελίην τὴν τῶν τειχέων τῶν διὰ τοῦ Ἰσθμοῦ ἐληλαμένων οὐ δύναμαι πυθέσθαι ἥτισ ἂν ἦν, βασιλέοσ ἐπικρατέοντοσ τῆσ θαλάσσησ. νῦν δὲ Ἀθηναίουσ ἄν τισ λέγων σωτῆρασ γενέσθαι τῆσ Ἑλλάδοσ οὐκ ἂν ἁμαρτάνοι τὸ ἀληθέσ.

οὗτοι γὰρ ἐπὶ ὁκότερα τῶν πρηγμάτων ἐτράποντο, ταῦτα ῥέψειν ἔμελλε· ἑλόμενοι δὲ τὴν Ἑλλάδα περιεῖναι ἐλευθέρην, τοῦτο τὸ Ἑλληνικὸν πᾶν τὸ λοιπόν, ὅσον μὴ ἐμήδισε, αὐτοὶ οὗτοι ἦσαν οἱ ἐπεγείραντεσ καὶ βασιλέα μετά γε θεοὺσ ἀνωσάμενοι. οὐδὲ σφέασ χρηστήρια φοβερὰ ἐλθόντα ἐκ Δελφῶν καὶ ἐσ δεῖμα βαλόντα ἔπεισε ἐκλιπεῖν τὴν Ἑλλάδα, ἀλλὰ καταμείναντεσ ἀνέσχοντο τὸν ἐπιόντα ἐπὶ τὴν χώρην δέξασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 139

(헤로도토스, The Histories, book 7, chapter 139)

상위

목록

SEARCH

MENU NAVIGATION