호흡부호 보기
강세부호 보기
장단부호 보기
작은 Iota 보기
모든 부호 보기
ὡσ δὲ διέβησαν πάντεσ, ἐσ ὁδὸν ὁρμημένοισι τέρασ σφι ἐφάνη μέγα, τὸ Ξέρξησ ἐν οὐδενὶ λόγῳ ἐποιήσατο καίπερ εὐσύμβλητον ἐόν· ἵπποσ γὰρ ἔτεκε λαγόν. εὐσύμβλητον ὦν τῇδε τοῦτο ἐγένετο, ὅτι ἔμελλε μὲν ἐλᾶν στρατιὴν ἐπὶ τὴν Ἑλλάδα Ξέρξησ ἀγαυρότατα καὶ μεγαλοπρεπέστατα, ὀπίσω δὲ περὶ ἑωυτοῦ τρέχων ἥξειν ἐσ τὸν αὐτὸν χῶρον. ἐγένετο δὲ καὶ ἕτερον αὐτῷ τέρασ ἐόντι ἐν Σάρδισι· ἡμίονοσ γὰρ ἔτεκε ἡμίονον διξὰ ἔχουσαν αἰδοῖα, τὰ μὲν ἔρσενοσ τὰ δὲ θηλέησ·
κατύπερθε δὲ ἦν τὰ τοῦ ἔρσενοσ. τῶν ἀμφοτέρων λόγον οὐδένα ποιησάμενοσ τὸ πρόσω ἐπορεύετο, σὺν δέ οἱ ὁ πεζὸσ στρατόσ.
호흡부호 보기
강세부호 보기
장단부호 보기
작은 Iota 보기
모든 부호 보기