헬라어 문장 검색 - ΗεροδόΤηεΗιστ́7́067́

(헤로도토스, The Histories, book 7, chapter 49)

ὃ δ’ ἀμείβετο λέγων "ὦ βασιλεῦ, οὔτε στρατὸν τοῦτον, ὅστισ γε σύνεσιν ἔχει, μέμφοιτ’ ἂν οὔτε τῶν νεῶν τὸ πλῆθοσ· ἢν δὲ πλεῦνασ συλλέξῃσ, τὰ δύο τοι τὰ λέγω πολλῷ ἔτι πολεμιώτερα γίνεται. τὰ δὲ δύο ταῦτα ἐστὶ γῆ τε καὶ θάλασσα. οὔτε γὰρ τῆσ θαλάσσησ ἐστὶ λιμὴν τοσοῦτοσ οὐδαμόθι, ὡσ ἐγὼ εἰκάζω, ὅστισ ἐγειρομένου χειμῶνοσ δεξάμενόσ σευ τοῦτο τὸ ναυτικὸν φερέγγυοσ ἔσται διασῶσαι τὰσ νέασ.

καίτοι οὐκὶ ἕνα αὐτὸν δεῖ εἶναι τὸν λιμένα, ἀλλὰ παρὰ πᾶσαν τὴν ἤπειρον παρ’ ἣν δὴ κομίζεαι. οὔκων δὴ ἐόντων τοι λιμένων ὑποδεξίων, μάθε ὅτι αἱ συμφοραὶ τῶν ἀνθρώπων ἄρχουσι καὶ οὐκὶ ὥνθρωποι τῶν συμφορέων.

καὶ δὴ τῶν δύο τοι τοῦ ἑτέρου εἰρημένου τὸ ἕτερον ἔρχομαι ἐρέων. γῆ δὲ πολεμίη τῇδέ τοι κατίσταται·

εἰ θέλει τοι μηδὲν ἀντίξοον καταστῆναι, τοσούτῳ τοι γίνεται πολεμιωτέρη ὅσῳ ἂν προβαίνῃσ ἑκαστέρω, τὸ πρόσω αἰεὶ κλεπτόμενοσ· εὐπρηξίησ δὲ οὐκ ἔστι ἀνθρώποισι οὐδεμία πληθώρη. καὶ δή τοι, ὡσ οὐδενὸσ ἐναντιευμένου, λέγω τὴν χώρην πλεῦνα ἐν πλέονι χρόνῳ γινομένην λιμὸν τέξεσθαι.

ἀνὴρ δὲ οὕτω ἂν εἰή ἄριστοσ, εἰ βουλευόμενοσ μὲν ἀρρωδέοι, πᾶν ἐπιλεγόμενοσ πείσεσθαι χρῆμα, ἐν δὲ τῷ ἔργῳ θρασὺσ εἰή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 49

(헤로도토스, The Histories, book 7, chapter 49)

상위

목록

SEARCH

MENU NAVIGATION