헬라어 문장 검색 - ΗεροδόΤηεΗιστ́7́064́

(헤로도토스, The Histories, book 7, chapter 46)

μαθὼν δέ μιν Ἀρτάβανοσ ὁ πάτρωσ, ὃσ τὸ πρῶτον γνώμην ἀπεδέξατο ἐλευθέρωσ οὐ συμβουλεύων Ξέρξῃ στρατεύεσθαι ἐπὶ τὴν Ἑλλάδα, οὗτοσ ὡνὴρ φρασθεὶσ Ξέρξην δακρύσαντα εἴρετο τάδε. "ὦ βασιλεῦ, ὡσ πολλὸν ἀλλήλων κεχωρισμένα ἐργάσαο νῦν τε καὶ ὀλίγῳ πρότερον· μακαρίσασ γὰρ σεωυτὸν δακρύεισ. ὁ δὲ εἶπε "ἐσῆλθε γάρ με λογισάμενον κατοικτεῖραι ὡσ βραχὺσ εἰή ὁ πᾶσ ἀνθρώπινοσ βίοσ, εἰ τούτων γε ἐόντων τοσούτων οὐδεὶσ ἐσ ἑκατοστὸν ἔτοσ περιέσται.

" ὁ δὲ ἀμείβετο λέγων "ἕτερα τούτου παρὰ τὴν ζόην πεπόνθαμεν οἰκτρότερα. ἐν γὰρ οὕτω βραχέι βίῳ οὐδεὶσ οὕτω ἄνθρωποσ ἐὼν εὐδαίμων πέφυκε οὔτε τούτων οὔτε τῶν ἄλλων, τῷ οὐ παραστήσεται πολλάκισ καὶ οὐκὶ ἅπαξ τεθνάναι βούλεσθαι μᾶλλον ἢ ζώειν.

αἵ τε γὰρ συμφοραὶ προσπίπτουσαι καὶ αἱ νοῦσοι συνταράσσουσαι καὶ βραχὺν ἐόντα μακρὸν δοκέειν εἶναι ποιεῦσι τὸν βίον. οὕτω ὁ μὲν θάνατοσ μοχθηρῆσ ἐούσησ τῆσ ζόησ καταφυγὴ αἱρετωτάτη τῷ ἀνθρώπῳ γέγονε, ὁ δὲ θεὸσ γλυκὺν γεύσασ τὸν αἰῶνα φθονερὸσ ἐν αὐτῷ εὑρίσκεται ἐών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 46

(헤로도토스, The Histories, book 7, chapter 46)

상위

목록

SEARCH

MENU NAVIGATION