호흡부호 보기
강세부호 보기
장단부호 보기
작은 Iota 보기
모든 부호 보기
ὁρμημένῳ δὲ Ξέρξῃ στρατηλατέειν μετὰ ταῦτα τρίτη ὄψισ ἐν τῷ ὕπνῳ ἐγένετο, τὴν οἱ Μάγοι ἔκριναν ἀκούσαντεσ φέρειν τε ἐπὶ πᾶσαν γῆν δουλεύσειν τέ οἱ πάντασ ἀνθρώπουσ. ἡ δὲ ὄψισ ἦν ἥδε· ἐδόκεε ὁ Ξέρξησ ἐστεφανῶσθαι ἐλαίησ θαλλῷ, ἀπὸ δὲ τῆσ ἐλαίησ τοὺσ κλάδουσ γῆν πᾶσαν ἐπισχεῖν, μετὰ δὲ ἀφανισθῆναι περὶ τῇ κεφαλῇ κείμενον τὸν στέφανον. κρινάντων δὲ ταῦτα τῶν Μάγων, Περσέων τε τῶν συλλεχθέντων αὐτίκα πᾶσ ἀνὴρ ἐσ τὴν ἀρχὴν ἑωυτοῦ ἀπελάσασ εἶχε προθυμίην πᾶσαν ἐπὶ τοῖσι εἰρημένοισι, θέλων αὐτὸσ ἕκαστοσ τὰ προκείμενα δῶρα λαβεῖν, καὶ Ξέρξησ τοῦ στρατοῦ οὕτω ἐπάγερσιν ποιέεται, χῶρον πάντα ἐρευνῶν τῆσ ἠπείρου.
호흡부호 보기
강세부호 보기
장단부호 보기
작은 Iota 보기
모든 부호 보기