헬라어 문장 검색 - Διοδορ́Λιβραρψ́6́60́

(디오도로스 시켈로스, Library, book xiii, chapter 102)

τούτων δὲ κυρωθέντων, καὶ μελλόντων αὐτῶν ὑπὸ τῶν δημοσίων ἐπὶ τὸν θάνατον ἄγεσθαι, Διομέδων εἷσ τῶν στρατηγῶν παρῆλθεν εἰσ τὸ μέσον, ἀνὴρ καὶ τὰ περὶ τὸν πόλεμον ἔμπρακτοσ καὶ δικαιοσύνῃ τε καὶ ταῖσ ἄλλαισ ἀρεταῖσ δοκῶν διαφέρειν. σιωπησάντων δὲ πάντων εἶπεν·

ἄνδρεσ Ἀθηναῖοι, τὰ μὲν περὶ ἡμῶν κυρωθέντα συνενέγκαι τῇ πόλει· τὰσ δὲ ὑπὲρ τῆσ νίκησ εὐχὰσ ἐπειδήπερ ἡ τύχη κεκώλυκεν ἡμᾶσ ἀποδοῦναι, καλῶσ ἔχον ὑμᾶσ φροντίσαι, καὶ τῷ Διὶ τῷ σωτῆρι καὶ Ἀπόλλωνι καὶ ταῖσ σεμναῖσ θεαῖσ ἀπόδοτε· τούτοισ γὰρ εὐξάμενοι τοὺσ πολεμίουσ κατεναυμαχήσαμεν. ὁ μὲν οὖν Διομέδων ταῦτα διαλεχθεὶσ ἐπὶ τὸν κυρωθέντα θάνατον ἀπήγετο μετὰ τῶν ἄλλων στρατηγῶν, τοῖσ ἀγαθοῖσ τῶν πολιτῶν πολὺν οἶκτον παραστήσασ καὶ δάκρυα·

τὸν γὰρ ἀδίκωσ τελευτᾶν μέλλοντα τοῦ μὲν καθ’ αὑτὸν πάθουσ μηδ’ ἡντινοῦν ποιεῖσθαι μνείαν, ὑπὲρδὲ τῆσ ἀδικούσησ πόλεωσ ἀξιοῦν τὰσ εὐχὰσ ἀποδιδόναι τοῖσ θεοῖσ, ἐφαίνετ’ ἀνδρὸσ εὐσεβοῦσ ἔργον καὶ μεγαλοψύχου καὶ τῆσ περὶ αὐτὸν τύχησ ἀναξίου. τούτουσ μὲν οὖν οἱ ταχθέντεσ ὑπὸ τῶν νόμων ἕνδεκα ἄρχοντεσ ἀπέκτειναν, οὐχ οἱο͂ν ἠδικηκότασ τι τὴν πόλιν, ἀλλὰ ναυμαχίαν μεγίστην τῶν Ἕλλησι πρὸσ Ἕλληνασ γεγενημένων νενικηκότασ καὶ ἐν ἄλλαισ μάχαισ λαμπρῶσ ἠγωνισμένουσ, καὶ διὰ τὰσ ἰδίασ ἀρετὰσ τρόπαια κατὰ τῶν πολεμίων ἑστακότασ.

οὕτωσ δ’ ὁ δῆμοσ τότε παρεφρόνησε, καὶ παροξυνθεὶσ ἀδίκωσ ὑπὸ τῶν δημαγωγῶν τὴν ὀργὴν ἀπέσκηψεν εἰσ ἄνδρασ οὐ τιμωρίασ, ἀλλὰ πολλῶν ἐπαίνων καὶ στεφάνων ἀξίουσ.

ταχὺ δὲ καὶ τοῖσ πείσασι καὶ τοῖσ πεισθεῖσι μετεμέλησεν, οἱονεὶ νεμεσήσαντοσ τοῦ δαιμονίου·

οἱ μὲν γὰρ ἐξαπατηθέντεσ ἐπίχειρα τῆσ ἀγνοίασ ἔλαβον μετ’ οὐ πολὺν χρόνον καταπολεμηθέντεσ οὐχ ὑφ’ ἑνὸσ δεσπότου μόνον, ἀλλὰ τριάκοντα· ὁ δ’ ἐξαπατήσασ καὶ τὴν γνώμην εἰπὼν Καλλίξενοσ εὐθὺ τοῦ πλήθουσ μεταμεληθέντοσ εἰσ αἰτίαν ἦλθεν ὡσ τὸν δῆμον ἐξηπατηκώσ·

οὐκ ἀξιωθεὶσ δ’ ἀπολογίασ ἐδέθη, καὶ καταβληθεὶσ εἰσ τὴν δημοσίαν φυλακὴν ἔλαθε μετά τινων διορύξασ τὸ δεσμωτήριον καὶ διαδρὰσ πρὸσ τοὺσ πολεμίουσ εἰσ Δεκέλειαν, ὅπωσ διαφυγὼν τὸν θάνατον μὴ μόνον Ἀθήνησιν, ἀλλὰ καὶ παρὰ τοῖσ ἄλλοισ Ἕλλησι δακτυλοδεικτουμένην ἔχῃ τὴν πονηρίαν παρ’ ὅλον τὸν βίον. τὰ μὲν οὖν κατὰ τοῦτον τὸν ἐνιαυτὸν πραχθέντα σχεδὸν ταῦτ’ ἐστίν.

τῶν δὲ συγγραφέων Φίλιστοσ τὴν πρώτην σύνταξιν τῶν Σικελικῶν εἰσ τοῦτον τὸν ἐνιαυτὸν κατέστροφεν, εἰσ τὴν Ἀκράγαντοσ ἅλωσιν, ἐν βύβλοισ ἑπτὰ διελθὼν χρόνον ἐτῶν πλείω τῶν ὀκτακοσίων, τῆσ δὲ δευτέρασ συντάξεωσ τὴν μὲν ἀρχὴν ἀπὸ τῆσ τῆσ προτέρασ τελευτῆσ πεποίηται, γέγραφε δὲ βύβλουσ τέσσαρασ. περὶ δὲ τὸν αὐτὸν χρόνον ἐτελεύτησε Σοφοκλῆσ ὁ Σοφίλου, ποιητὴσ τραγῳδιῶν, ἔτη βιώσασ ἐνενήκοντα, νίκασ δ’ ἔχων ὀκτωκαίδεκα.

φασὶ δὲ τὸν ἄνδρα τοῦτον τὴν ἐσχάτην τραγῳδίαν εἰσαγαγόντα καὶ νικήσαντα χαρᾷ περιπεσεῖν ἀνυπερβλήτῳ, δι’ ἣν καὶ τελευτῆσαι. Ἀπολλόδωροσ δ’ ὁ τὴν χρονικὴν σύνταξιν πραγματευσάμενόσ φησι καὶ τὸν Εὐριπίδην κατὰ τὸν αὐτὸν ἐνιαυτὸν τελευτῆσαι·

τινὲσ δὲ λέγουσι παρ’ Ἀρχελάῳ τῷ βασιλεῖ Μακεδόνων κατὰ τὴν χώραν ἐξελθόντα κυσὶ περιπεσεῖν καὶ διασπασθῆναι μικρῷ πρόσθεν τούτων τῶν χρόνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 102

(디오도로스 시켈로스, Library, book xiii, chapter 102)

상위

목록

SEARCH

MENU NAVIGATION