헬라어 문장 검색 - Διοδορ́Λιβραρψ́6́51́

(디오도로스 시켈로스, Library, book xiii, chapter 88)

μετὰ δὲ τὴν ἐκκλησίαν οἱ περὶ τὸν Δαφναῖον προαγαγόντεσ τὰσ δυνάμεισ ἐπεχείρουν μὲν πολιορκεῖν τὴν παρεμβολὴν τῶν Καρχηδονίων, πολυτελῶσ δ’ αὐτὴν ὁρῶντεσ ὠχυρωμένην ταύτησ μὲν τῆσ ἐπιβολῆσ ἀπέστησαν, τὰσ δ’ ὁδοὺσ ἱππαζόμενοι τούσ τ’ ἐν ταῖσ προνομαῖσ αὐτῶν κατελάμβανον καὶ τῶν σιτοπομπιῶν ἀποκλείοντεσ εἰσ πολλὴν ἀπορίαν ἦγον. οἱ δὲ Καρχηδόνιοι παρατάττεσθαι μὲν οὐ τολμῶντεσ, τῇ δὲ σιτοδείᾳ δεινῶσ πιεζούμενοι, μεγάλοισ ἀτυχήμασι περιέπιπτον.

τῶν μὲν γὰρ στρατιωτῶν πολλοὶ διὰ τὴν σπάνιν ἀπέθνησκον, οἱ δὲ Καμπανοὶ μετὰ τῶν ἄλλων μισθοφόρων σχεδὸν ἅπαντεσ ἐπὶ τὴν Ἰμίλκα σκηνὴν ὠθούμενοι τὰσ σιτομετρίασ τὰσ προτεταγμένασ ᾔτουν· εἰ δὲ μή, διηπειλοῦντο μεταβάλλεσθαι πρὸσ τοὺσ πολεμίουσ. ὁ δ’ Ἰμίλκασ ἦν ἀκηκοώσ τινοσ, ὅτι Συρακόσιοι πλῆθοσ σίτου παρακομίζοιεν εἰσ Ἀκράγαντα κατὰ θάλατταν.

διόπερ ταύτην μόνην ἔχων ἐλπίδα σωτηρίασ, τοὺσ μὲν στρατιώτασ ἔπεισεν ὀλίγασ ἐπισχεῖν ἡμέρασ, ἐνέχυρα δοὺσ τὰ παρὰ τῶν ἐκ Καρχηδόνοσ στρατευομένων ποτήρια. καὶ αὐτὸσ μὲν ἐκ Πανόρμου καὶ Μοτύησ μεταπεμψάμενοσ τεσσαράκοντα τριήρεισ ἐπέθετο τοῖσ τὴν ἀγορὰν παρακομίζουσιν·

οἱ δὲ Συρακόσιοι, τὸν ἔμπροσθεν χρόνον τῶν βαρβάρων τῆσ θαλάττησ παρακεχωρηκότων καὶ τοῦ χειμῶνοσ ἐνεστηκότοσ ἤδη, κατεφρόνουν τῶν Καρχηδονίων, ὡσ οὐκέτι τολμησόντων πληροῦν τὰσ τριήρεισ. διόπερ ὀλιγώρωσ αὐτῶν παραπεμψάντων τὴν ἀγοράν, Ἰμίλκασ ἐκπλεύσασ τεσσαράκοντα τριήρεσιν ἄφνω κατέδυσε μὲν τῶν μακρῶν νεῶν ὀκτώ, τὰσ δ’ ἄλλασ εἰσ τὸν αἰγιαλὸν κατεδίωξεν·

τῶν δ’ ἄλλων πλοίων ἁπάντων κυριεύσασ, τοσοῦτον εἰσ τοὐναντίον τὰσ ἑκατέρων ἐλπίδασ μεταπεσεῖν ἐποίησεν, ὥστε τοὺσ παρὰ τοῖσ Ἀκραγαντίνοισ Καμπανοὺσ καταγνόντασ τῆσ τῶν Ἑλλήνων ὑποθέσεωσ πεντεκαίδεκα ταλάντοισ φθαρῆναι καὶ μεταβαλέσθαι πρὸσ τοὺσ Καρχηδονίουσ. οἱ δὲ Ἀκραγαντῖνοι τὸ μὲν πρῶτον κακῶσ ἀπαλλαττόντων τῶν Καρχηδονίων ἀφθόνωσ ἀπήλαυον τοῦ τε σίτου καὶ τῶν ἄλλων ἐπιτηδείων, ἀεὶ προσδοκῶντεσ ταχέωσ λυθήσεσθαι τὴν πολιορκίαν·

ἐπεὶ δ’ αἱ τῶν βαρβάρων ἐλπίδεσ ἀνέκυψαν καὶ τοσαῦται μυριάδεσ εἰσ μίαν ἠθροίσθησαν πόλιν, ἔλαθεν αὐτοὺσ ὁ σῖτοσ ἐξαναλωθείσ. λέγεται δὲ καὶ Δέξιπποσ ὁ Λακεδαιμόνιοσ πεντεκαίδεκα ταλάντοισ διαφθαρῆναι·

εὐθὺ γὰρ ἀπεκρίνατο πρὸσ τοὺσ τῶν Ἰταλιωτῶν στρατηγούσ, ὅτι συμφέρει τὸν πόλεμον ἐν ἄλλῳ συστήσασθαι τόπῳ· τὴν γὰρ τροφὴν ἐκλιπεῖν. διόπερ οἱ στρατηγοὶ πρόφασιν ἐνέγκαντεσ ὡσ διεληλύθασιν οἱ ταχθέντεσ τῆσ στρατηγίασ χρόνοι, τὰσ δυνάμεισ ἀπήγαγον ἐπὶ τὸν πορθμόν. μετὰ δὲ τὴν τούτων ἀπαλλαγὴν συνελθόντεσ οἱ στρατηγοὶ μετὰ τῶν ἐφ’ ἡγεμονίασ τεταγμένων διέγνωσαν ἐξετάσαι τὸν ἐν τῇ πόλει σῖτον·

ὃν εὑρόντεσ παντελῶσ ὀλίγον ἐθεώρουν ἀναγκαῖον ὑπάρχειν ἐκλιπεῖν τὴν πόλιν. εὐθὺσ οὖν ἐπιγινομένησ τῆσ νυκτὸσ παρήγγειλαν ἀναζευγνύειν ἅπαντασ. τοσούτου δὲ πλήθουσ ἀνδρῶν γυναικῶν παίδων ἐκλιπόντων τὴν πόλιν ἄφνω πολὺσ οἶκτοσ καὶ δάκρυα κατεῖχε τὰσ οἰκίασ.

ἅμα γὰρ ὁ τῶν πολεμίων ἐξέπληττε φόβοσ, ἅμα δὲ διὰ τὴν σπουδὴν ἠναγκάζοντο καταλιπεῖν εἰσ διαρπαγὴν τοῖσ βαρβάροισ ταῦτ’ ἐφ’ οἷσ ἑαυτοὺσ ἐμακάριζον· ἀφαιρουμένησ γὰρ τῆσ τύχησ τὴν ἐξουσίαν τῶν οἴκοι καλῶν, ἀγαπητὸν ἡγοῦντο τὰ σώματα γοῦν αὑτῶν διασῶσαι. οὐ μόνον δὲ τῆσ τοιαύτησ πόλεωσ εὐδαιμονίαν παρῆν ὁρᾶν ἀπολειπομένην, ἀλλὰ καὶ σωμάτων πλῆθοσ.

οἱ μὲν γὰρ ἐν ἀρρωστίαισ ὑπὸ τῶν οἰκείων περιεωρῶντο, τῆσ καθ’ ἑαυτὸν σωτηρίασ ἑκάστου φροντίζοντοσ, οἱ δὲ ταῖσ ἡλικίαισ ἤδη προβεβηκότεσ ὑπὸ τῆσ τοῦ γήρωσ ἀσθενείασ κατελείποντο· πολλοὶ δὲ καὶ τὴν ἀλλαγὴν τῆσ πατρίδοσ θανάτου τιμώμενοι τὰσ χεῖρασ ἑαυτοῖσ προσήνεγκαν, ὅπωσ ταῖσ πατρῴαισ οἰκίαισ ἐναποπνεύσωσιν. οὐ μὴν ἀλλὰ τὸ μὲν ἐκ τῆσ πόλεωσ ἐξιὸν πλῆθοσ οἱ στρατιῶται μετὰ τῶν ὅπλων παρέπεμπον εἰσ τὴν Γέλαν·

ἡ δ’ ὁδὸσ καὶ πάντα τὰ πρὸσ τὴν Γελῴαν ἀποκεκλιμένα τῆσ χώρασ μέρη ἔγεμε γυναικῶν καὶ παίδων ἀναμὶξ παρθένοισ, αἳ τὴν συνήθη τρυφὴν εἰσ ὁδοιπορίαν σύντονον καὶ κακοπάθειαν ὑπεράγουσαν μεταβαλλόμεναι διεκαρτέρουν, τοῦ φόβου τὰσ ψυχὰσ ἐντείνοντοσ. οὗτοι μὲν οὖν ἀσφαλῶσ διασωθέντεσ εἰσ Γέλαν ὕστερον εἰσ Λεοντίνουσ κατῴκησαν, Συρακοσίων αὐτοῖσ δόντων τὴν πόλιν ταύτην οἰκητήριον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 88

(디오도로스 시켈로스, Library, book xiii, chapter 88)

상위

목록

SEARCH

MENU NAVIGATION