헬라어 문장 검색 - Διοδορ́Λιβραρψ́6́42́

(디오도로스 시켈로스, Library, book xiii, chapter 71)

Ἀλκιβιάδησ δὲ πυθόμενοσ ἐν Ἐφέσῳ τὸν Λύσανδρον ἐξαρτύειν τὸν στόλον, ἀνήχθη μετὰ πασῶν τῶν νεῶν εἰσ Ἔφεσον. ἐπιπλεύσασ δὲ τοῖσ λιμέσιν,ὡσ οὐδεὶσ ἀντανήγετο, τὰσ μὲν πολλὰσ ναῦσ καθώρμισε περὶ τὸ Νότιον, τὴν ἡγεμονίαν αὐτῶν παραδοὺσ Ἀντιόχῳ τῷ ἰδίῳ κυβερνήτῃ, διακελευσάμενοσ αὐτῷ μὴ ναυμαχεῖν, ἑώσ ἂν αὐτὸσ παραγένηται, τὰσ δὲ στρατιώτιδασ ναῦσ ἀνέλαβε καὶ κατὰ σπουδὴν ἔπλευσεν εἰσ Κλαζομενάσ· αὕτη γὰρ ἡ πόλισ σύμμαχοσ Ἀθηναίων οὖσα κακῶσ ἔπασχεν ὑπό τινων φυγάδων πορθουμένη. ὁ δ’ Ἀντίοχοσ ὢν τῇ φύσει πρόχειροσ, καὶ σπεύδων δι’ ἑαυτοῦ τι πρᾶξαι λαμπρόν, τῶν μὲν Ἀλκιβιάδου λόγων ἠμέλησε, δέκα δὲ ναῦσ τὰσ ἀρίστασ πληρώσασ, καὶ τὰσ ἄλλασ τοῖσ τριηράρχοισ παραγγείλασ ἑτοίμασ ἔχειν, ἂν ἦ χρεία ναυμαχεῖν, ἐπέπλευσε τοῖσ πολεμίοισ, προκαλεσόμενοσ εἰσ ναυμαχίαν.

ὁ δὲ Λύσανδροσ πεπυσμένοσ παρά τινων αὐτομόλων τὴν ἄφοδον Ἀλκιβιάδου καὶ τῶν ἀρίστων μετ’ αὐτοῦ στρατιωτῶν, καιρὸν εἶναι διέλαβε πρᾶξαί τι τῆσ Σπάρτησ ἄξιον.

διόπερ πάσαισ ταῖσ ναυσὶν ἀνταναχθεὶσ μίαν μὲν τὴν προπλέουσαν τῶν δέκα, καθ’ ἣν Ἀντίοχοσ ἦν ἀντιτεταγμένοσ, κατέδυσε, τὰσ δ’ ἄλλασ τρεψάμενοσ ἐδίωξε, μέχρισ οὗ τὰσ ἄλλασ πληρώσαντεσ οἱ τριήραρχοι τῶν Ἀθηναίων παρεβοήθησαν ἐν οὐδεμιᾷ τάξει. γενομένησ δὲ ναυμαχίασ ἀθρόαισ ταῖσ ναυσὶν οὐ μακρὰν τῆσ γῆσ, Ἀθηναῖοι διὰ τὴν ἀταξίαν ἠλαττώθησαν καὶ ναῦσ ἀπέβαλον δύο πρὸσ ταῖσ εἴκοσι·

τῶν δ’ ἐν αὐταῖσ ἀνδρῶν ὀλίγοι μὲν ἐζωγρήθησαν,οἱ δὲ λοιποὶ πρὸσ τὴν γῆν διενήξαντο. Ἀλκιβιάδησ δὲ πυθόμενοσ τὸ γεγενημένον διὰ σπουδῆσ ἀνέκαμψεν εἰσ τὸ Νότιον, καὶ πάσασ τὰσ τριήρεισ πληρώσασ ἐπέπλευσε τοῖσ λιμέσι τῶν πολεμίων· οὐ τολμῶντοσ δ’ ἀνταναχθῆναι τοῦ Λυσάνδρου τὸν πλοῦν εἰσ Σάμον ἐποιήσατο. τούτων δὲ πραττομένων Θρασύβουλοσ ὁ τῶν Ἀθηναίων στρατηγὸσ μετὰ νεῶν πεντεκαίδεκα πλεύσασ ἐπὶ Θάσον ἐνίκησε μάχῃ τοὺσ ἐκ τῆσ πόλεωσ καὶ περὶ διακοσίουσ αὐτῶν ἀνεῖλεν·

ἐγκλείσασ δ’ αὐτοὺσ εἰσ πολιορκίαν ἠνάγκασε τοὺσ φυγάδασ τοὺσ τὰ τῶν Ἀθηναίων φρονοῦντασ καταδέχεσθαι, καὶ φρουρὰν λαβόντασ συμμάχουσ Ἀθηναίων εἶναι. μετὰ δὲ ταῦτα πλεύσασ εἰσ Ἄβδηρα προσηγάγετο πόλιν ἐν ταῖσ δυνατωτάταισ οὖσαν τότε τῶν ἐπὶ Θρᾴκησ.

οἱ μὲν οὖν στρατηγοὶ τῶν Ἀθηναίων ταῦτα ἔπραξαν μετὰ τὸν οἴκοθεν ἔκπλουν.

Ἆγισ δ’ ὁ τῶν Λακεδαιμονίων βασιλεὺσ ἔτυχε μὲν ἐν τῇ Δεκελείᾳ διατρίβων μετὰ τῆσ δυνάμεωσ, πυνθανόμενοσ δὲ τοὺσ κρατίστουσ τῶν Ἀθηναίων μετ’ Ἀλκιβιάδου στρατευομένουσ, νυκτὸσ ἀσελήνου τὸ στρατόπεδον ἤγαγεν ἐπὶ τὰσ Ἀθήνασ.

εἶχε δὲ πεζοὺσ δισμυρίουσ ὀκτακισχιλίουσ, ὧν ἦσαν οἱ μὲν ἡμίσεισ ὁπλῖται κατ’ ἐκλογήν, οἱ δ’ ἡμίσεισ ψιλοί·

κατηκολούθουν δ’ αὐτῷ καὶ τῶν ἱππέων εἰσ χιλίουσ διακοσίουσ, ὧν ἐννακοσίουσ μὲν Βοιωτοὶ παρείχοντο, τοὺσ δὲ λοιποὺσ Πελοποννήσιοι συνεξέπεμψαν. ὡσ δ’ ἐγγὺσ ἐγενήθη τῆσ πόλεωσ, ἔλαθε ταῖσ προφυλακαῖσ ἐγγίσασ, καὶ ῥᾳδίωσ αὐτοὺσ τρεψάμενοσ διὰ τὸ παράδοξον, ὀλίγουσ μὲν ἀνεῖλε, τοὺσ δ’ ἄλλουσ συνεδίωξεν ἐντὸσ τῶν τειχῶν. οἱ δ’ Ἀθηναῖοι μαθόντεσ τὸ γεγενημένον, ἅπασι παρήγγειλαν τοῖσ πρεσβυτέροισ καὶ τοῖσ μεγίστοισ παισὶν ἀπαντᾶν μετὰ τῶν ὅπλων·

οἱ δὲ στρατηγοὶ τῶν Ἀθηναίων ἅμ’ ἡμέρᾳ θεωροῦντεσ ἐκτεταγμένην τὴν τῶν πολεμίων δύναμιν εἰσ φάλαγγα τὸ μὲν βάθοσ εἰσ τέτταρασ ἄνδρασ, τὸ δὲ μῆκοσ ἐπὶ σταδίουσ ὀκτώ, τότε πρῶτον κατεπλάγησαν, θεωροῦντεσ τὰ δύο μέρη σχεδὸν τοῦ τείχουσ ὑπὸ τῶν πολεμίων περιειλημμένα.

μετὰ δὲ ταῦτα τοὺσ ἱππεῖσ ἐξαπέστειλαν, ὄντασ παραπλησίουσ τὸν ἀριθμὸν τοῖσ ἐναντίοισ·

ὧν πρὸ τῆσ πόλεωσ συστησαμένων ἱππομαχίαν ἐπί τινα χρόνον ἐγένετο καρτερὰ μάχη. ἡ μὲν γὰρ φάλαγξ περὶ πέντε σταδίουσ ἀπεῖχε τοῦ τείχουσ, οἱ δ’ ἱππεῖσ συμπλακέντεσ ἀλλήλοισ πρὸσ αὐτοῖσ τοῖσ τείχεσι διηγωνίζοντο. οἱ μὲν οὖν Βοιωτοὶ καθ’ αὑτοὺσ προνενικηκότεσ ἐπὶ Δηλίῳ τοὺσ Ἀθηναίουσ, δεινὸν ἡγοῦντο τῶν ἡττημένων φανῆναι καταδεέστεροι·

οἱ δ’ Ἀθηναῖοι θεατὰσ ἔχοντεσ τῆσ ἀρετῆσ τοὺσ ἐπὶ τῶν τειχῶν ἐφεστῶτασ καὶ κατὰ ἄνδρα γνωριζόμενοι, πᾶν ὑπέμενον ὑπὲρ τῆσ νίκησ. τέλοσ δὲ βιασάμενοι τοὺσ ἀντιτεταγμένουσ, συχνοὺσ μὲν αὐτῶν ἀνεῖλον, τοὺσ δ’ ἄλλουσ κατεδίωξαν μέχρι τῆσ τῶν πεζῶν φάλαγγοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 71

(디오도로스 시켈로스, Library, book xiii, chapter 71)

상위

목록

SEARCH

MENU NAVIGATION