헬라어 문장 검색 - Διοδορ́Λιβραρψ́6́40́

(디오도로스 시켈로스, Library, book xiii, chapter 68)

τοῦ δ’ ἔτουσ διελθόντοσ Ἀθηναῖοι μὲν Εὐκτήμονι παρέδωκαν τὴν ἀρχήν, Ῥωμαῖοι δ’ ὑπάτουσ κατέστησαν Μάρκον Παπίριον καὶ Σπόριον Ναύτιον, Ὀλυμπιὰσ δ’ ἐγένετο τρίτη πρὸσ ταῖσ ἐνενήκοντα, καθ’ ἣν ἐνίκα στάδιον Εὔβατοσ Κυρηναῖοσ. περὶ δὲ τούτουσ τοὺσ χρόνουσ οἱ τῶν Ἀθηναίων στρατηγοὶ Βυζαντίου κυριεύσαντεσ ἐπῆλθον τὸν Ἑλλήσποντον, καὶ τὰσ ἐν αὐτῷ πόλεισ πλὴν Ἀβύδου πάσασ εἷλον. μετὰ δὲ ταῦτα Διόδωρον καὶ Μαντίθεον ἐπιμελητὰσ μετὰ τῆσ ἱκανῆσ δυνάμεωσ κατέλιπον, αὐτοὶ δὲ μετὰ τῶν νεῶν καὶ τῶν λαφύρων ἔπλεον εἰσ Ἀθήνασ, πολλὰ καὶ μεγάλα κατειργασμένοι τῇ πατρίδι.

ὡσ δ’ ἐγγὺσ ἦσαν, ὁ δῆμοσ ἅπασ ἀπήντα περιχαρὴσ ἐπὶ τοῖσ εὐημερήμασι· συνέδραμον δ’ εἰσ τὸν Πειραιέα πολλοὶ καὶ τῶν ξένων, ἔτι δὲ παίδων καὶ γυναικῶν. εἶχε γὰρ πολλὴν κατάπληξιν τῶν στρατηγῶν ὁ κατάπλουσ·

ἦγον γὰρ τῶν ἡλωκυιῶν νεῶν οὐκ ἐλάττουσ διακοσίων, αἰχμαλώτων δὲ ἀνδρῶν καὶ λαφύρων πλῆθοσ· εἶχον δὲ τὰσ ἰδίασ τριήρεισ ὅπλοισ ἐπιχρύσοισ καὶ στεφάνοισ, ἔτι δὲ λαφύροισ καὶ τοῖσ ἄλλοισ ἅπασιν ἐπιμελῶσ κεκοσμημένασ. πλεῖστοι δ’ ἐπὶ τὴν Ἀλκιβιάδου θέαν συνέδραμον ἐπὶ τοὺσ λιμένασ, ὥστε παντελῶσ ἐρημωθῆναι τὴν πόλιν, συμφιλοτιμουμένων τοῖσ ἐλευθέροισ τῶν δούλων. κατ’ ἐκείνουσ γὰρ τοὺσ χρόνουσ οὕτω συνέβη θαυμασθῆναι τὸν ἄνδρα τοῦτον, ὥσθ’ οἱ μὲν ὑπερέχοντεσ τῶν Ἀθηναίων μόγισ ἐνόμιζον εὑρηκέναι δυνατὸν ἄνδρα τὸν φανερῶσ καὶ θρασέωσ ἀντιτάξασθαι τῷ δήμῳ δυνάμενον, οἱ δ’ ἄποροι ὑπειλήφεισαν συναγωνιστὴν ἕξειν ἄριστον τὸν ἀπονενοημένωσ συνταράξοντα τὴν πόλιν καὶ τὴν ἑαυτῶν ἐπανορθώσοντα πενίαν.

θράσει γὰρ πολὺ διέφερε τῶν ἄλλων, καὶ δεινότατοσ ἦν εἰπεῖν, καὶ κατὰ μὲν τὴν στρατηγίαν ἄριστοσ, κατὰ δὲ τὴν τόλμαν πρακτικώτατοσ·

ἦν δὲ καὶ τὴν ὄψιν καθ’ ὑπερβολὴν εὐπρεπὴσ καὶ τὴν ψυχὴν λαμπρὸσ καὶ μεγαλεπίβολοσ. καθόλου δὲ τηλικαύτην ὑπόληψιν εἶχον ὑπὲρ αὐτοῦ σχεδὸν ἅπαντεσ, ὥσθ’ ἅμα τῇ κείνου καθόδῳ καὶ τὴν τῶν πραγμάτων εὐτυχίαν εἰσ τὴν πόλιν ἥκειν διελάμβανον.

πρὸσ δὲ τούτοισ, ὥσπερ Λακεδαιμόνιοι τούτου συναγωνιζομένου προετέρουν, οὕτωσ ἑαυτοὺσ πάλιν κατορθώσειν ἤλπιζον σύμμαχον ἔχοντεσ τὸν ἄνδρα τοῦτον. ἐπεὶ δ’ οὖν κατέπλευσεν ὁ στόλοσ, ἐπέστρεψε τὸ πλῆθοσ ἐπὶ τὴν Ἀλκιβιάδου ναῦν, ἐξ ἧσ ἐκβάντα τὸν ἄνδρα πάντεσ ἐδεξιοῦντο, τοῖσ εὐημερήμασιν ἅμα καὶ τῇ καθόδῳ συγχαίροντεσ.

ὁ δ’ ἀσπασάμενοσ τὰ πλήθη φιλανθρώπωσ ἐκκλησίαν συνήγαγε, καὶ πολλὰ τῶν καθ’ ἑαυτὸν ἀπολογησάμενοσ εἰσ τοσαύτην εὔνοιαν τοὺσ ὄχλουσ ἤγαγεν, ὥστε ὁμολογεῖν πάντασ τὴν πόλιν αἰτίαν γεγονέναι τῶν κατ’ ἐκείνου ψηφισμάτων. διόπερ αὐτῷ τήν τε οὐσίαν ἀπέδωκαν ἣν ἐδήμευσαν, ἔπειτα δὲ τὰσ στήλασ κατεπόντισαν, ἐν αἷσ ἦν ἡ καταδίκη καὶ τἄλλα τὰ κατ’ ἐκείνου κυρωθέντα·

ἐψηφίσαντο δὲ καὶ τοὺσ Εὐμολπίδασ ἆραι τὴν ἀράν, ἣν ἐποιήσαντο κατ’ αὐτοῦ καθ’ ὃν καιρὸν ἔδοξεν ἀσεβεῖν περὶ τὰ μυστήρια. τὸ δὲ τελευταῖον αὐτὸν στρατηγὸν καταστήσαντεσ αὐτοκράτορα καὶ κατὰ γῆν καὶ κατὰ θάλατταν, ἁπάσασ τὰσ δυνάμεισ ἐνεχείρισαν αὐτῷ.

εἵλαντο δὲ καὶ στρατηγοὺσ ἑτέρουσ οὓσ ἐκεῖνοσ ἤθελεν, Ἀδείμαντον καὶ Θρασύβουλον. ὁ δ’ Ἀλκιβιάδησ ἑκατὸν ναῦσ πληρώσασ ἐξέπλευσεν εἰσ Ἄνδρον, καὶ καταλαβόμενοσ Γαύριον φρούριον ἐτείχισεν.

ἐξελθόντων δὲ τῶν Ἀνδρίων πανδημεὶ μετὰ τῶν παραφυλαττόντων τὴν πόλιν Πελοποννησίων ἐγενήθη μάχη, καθ’ ἣν ἐνίκησαν Ἀθηναῖοι· τῶν δ’ ἐκ τῆσ πόλεωσ πολλοὶ μὲν ἀνῃρέθησαν, τῶν δὲ διασωθέντων οἱ μὲν κατὰ τὴν χώραν διεσκεδάσθησαν, οἱ δ’ ἐντὸσ τῶν τειχῶν συνέφυγον. αὐτὸσ δ’ Ἀλκιβιάδησ προσβολὰσ ποιησάμενοσ τῇ πόλει, ἐν μὲν τῷ πεφρουρημένῳ τείχει τὴν ἱκανὴν φυλακὴν κατέλιπε καὶ Θρασύβουλον ἡγεμόνα κατέστησεν, αὐτὸσ δὲ μετὰ τῆσ δυνάμεωσ ἐκπλεύσασ τήν τε Κῶν καὶ Ῥόδον ἐδῄωσε, καὶ συχνὰσ ὠφελείασ ἤθροισε πρὸσ τὰσ τῶν στρατιωτῶν διατροφάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 68

(디오도로스 시켈로스, Library, book xiii, chapter 68)

상위

목록

SEARCH

MENU NAVIGATION