헬라어 문장 검색 - Διοδορ́Λιβραρψ́6́39́

(디오도로스 시켈로스, Library, book xiii, chapter 66)

τούτων δὲ πραττομένων Ἀλκιβιάδησ καὶ Θρασύβουλοσ Λάμψακον τειχίσαντεσ, ἐν μὲν ταύτῃ τὴν ἱκανὴν φυλακὴν κατέλιπον, αὐτοὶ δὲ μετὰ τῆσ δυνάμεωσ ἐξέπλευσαν πρὸσ Θηραμένην, ὃσ ἐπόρθει τὴν Χαλκηδόνα ναῦσ μὲν ἔχων ἑβδομήκοντα, στρατιώτασ δὲ πεντακισχιλίουσ. ἀθροισθεισῶν δὲ τῶν δυνάμεων εἰσ ἕνα τόπον ἀπετείχισαν τὴν πόλιν ἀπὸ θαλάττησ εἰσ θάλατταν ξυλίνῳ τείχει. ὁ δ’ ἐν τῇ πόλει καθεσταμένοσ ὑπὸ Λακεδαιμονίων Ἱπποκράτησ ἡγεμών, ὃν οἱ Λάκωνεσ ἁρμοστὴν ἐκάλουν, τούσ τ’ ἰδίουσ στρατιώτασ προσήγαγε καὶ τοὺσ Χαλκηδονίουσ ἅπαντασ.

γενομένησ δὲ καρτερᾶσ μάχησ, καὶ τῶν περὶ τὸν Ἀλκιβιάδην ἐρρωμένωσ ἀγωνισαμένων, ὅ τε Ἱπποκράτησ ἔπεσε καὶ τῶν λοιπῶν οἱ μὲν ἀνῃρέθησαν, οἱ δὲ κατατρωθέντεσ συνέφυγον εἰσ τὴν πόλιν. μετὰ δὲ ταῦτα Ἀλκιβιάδησ μὲν εἰσ Ἑλλήσποντον καὶ Χερρόνησον ἐξέπλευσε, βουλόμενοσ ἀθροῖσαι χρήματα, οἱ δὲ περὶ τὸν Θηραμένην ὁμολογίαν ἐποιήσαντο πρὸσ Χαλκηδονίουσ φόρον λαμβάνειν παρ’ αὐτῶν ὅσον καὶ πρότερον.

ἐντεῦθεν δὲ τὰσ δυνάμεισ ἀπαγαγόντεσ πρὸσ Βυζάντιον ἐπολιόρκουν τὴν πόλιν καὶ μετὰ πολλῆσ σπουδῆσ ἀποτειχίζειν ἐπεχείρησαν. Ἀλκιβιάδησ δὲ ἀθροίσασ χρήματα πολλοὺσ αὑτῷ τῶν Θρᾳκῶν ἔπεισε συστρατεῦσαι, παρέλαβε δὲ καὶ τοὺσ Χερρόνησον οἰκοῦντασ πανδημεί, καὶ μετὰ πάσησ τῆσ δυνάμεωσ ἀναζεύξασ πρῶτον μὲν Σηλυβρίαν διὰ προδοσίασ εἷλεν, ἐξ ἧσ πολλὰ χρήματα πραξάμενοσ ἐν μὲν ταύτῃ φρουρὰν κατέλιπεν, αὐτὸσ δὲ διὰ τάχουσ ἧκε πρὸσ τοὺσ περὶ Θηραμένην εἰσ Βυζάντιον.

ἀθροισθεισῶν δὲ τῶν δυνάμεων, οὗτοι μὲν τὰ πρὸσ πολιορκίαν ἡτοιμάζοντο·

ἤμελλον γὰρ νικήσειν πόλιν βάροσ ἔχουσαν καὶ γέμουσαν τῶν ὑπὲρ αὐτῆσ ἀμυνομένων· χωρὶσ γὰρ τῶν Βυζαντίων, πολλῶν ὄντων, Κλέαρχοσ ὁ Λακεδαιμόνιοσ ἁρμοστὴσ εἶχε πολλοὺσ ἐν τῇ πόλει τῶν Πελοποννησίων καὶ μισθοφόρουσ. μέχρι μὲν οὖν τινοσ προσβολὰσ ποιούμενοι, κακὸν οὐδὲν ἀξιόλογον δρῶντεσ τοὺσ ἔνδον διετέλουν·

ἐπεὶ δ’ ὁ τῆσ πόλεωσ ἐπιστάτησ ἀπῆλθε πρὸσ Φαρνάβαζον, ὅπωσ λάβῃ χρήματα, τηνικαῦτά τινεσ τῶν Βυζαντίων, μισοῦντεσ τὸ βάροσ τῆσ ἐπιστασίασ ‐ ἦν γὰρ ὁ Κλέαρχοσ χαλεπόσ ‐ , προύδωκαν τὴν πόλιν τοῖσ περὶ τὸν Ἀλκιβιάδην. οὗτοι δὲ ὡσ λύσοντεσ τὴν πολιορκίαν καὶ τὰσ δυνάμεισ ἀπάξοντεσ εἰσ Ιὠνίαν δείλησ ταῖσ ναυσὶ πάσαισ ἐξέπλευσαν, καὶ τὸ πεζὸν στράτευμα μέχρι τινὸσ ἀπαγαγόντεσ, ὡσ ἐπέλαβεν ἡ νύξ, πάλιν ὑπέστρεψαν καὶ περὶ μέσασ νύκτασ προσέμιξαν τῇ πόλει, καὶ τὰσ μὲν τριήρεισ ἀπέστειλαν προστάξαντεσ ἀφέλκειν τὰ πλοῖα καὶ κραυγὴν ποιεῖν, ὡσ ἁπάσησ ἐκεῖ τῆσ δυνάμεωσ οὔσησ, αὐτοὶ δὲ μετὰ τοῦ πεζοῦ στρατεύματοσ πρὸσ τοῖσ τείχεσιν ἐτήρουν τὸ συντεταγμένον παρὰ τῶν ἐνδιδόντων σύσσημον.

τῶν δ’ ἐν ταῖσ τριήρεσι ποιησάντων τὸ προσταχθέν, καὶ τῶν πλοίων τὰ μὲν συντριβόντων ταῖσ ἐμβολαῖσ, τὰ δ’ ἀποσπᾶν πειρωμένων ταῖσ σιδηραῖσ χερσίν, ἔτι δὲ βοὴν ἐξαίσιον ποιούντων, οἱ μὲν κατὰ τὴν πόλιν ὄντεσ Πελοποννήσιοι καὶ πάντεσ οἱ τὴν ἀπάτην ἀγνοοῦντεσ ἐξεβοήθουν ἐπὶ τοὺσ λιμένασ.

διόπερ οἱ τὴν πόλιν προδιδόντεσ ἦραν τὸ σύσσημον ἀπὸ τοῦ τείχουσ, καὶ παρεδέχοντο τοὺσ περὶ τὸν Ἀλκιβιάδην διὰ τῶν κλιμάκων κατὰ πολλὴν ἀσφάλειαν, ὡσ ἂν τοῦ πλήθουσ ἐπὶ τὸν λιμένα συνδεδραμηκότοσ.

οἱ δὲ Πελοποννήσιοι πυθόμενοι τὸ γεγονόσ, τὸ μὲν πρῶτον τοὺσ ἡμίσεισ ἐπὶ τοῦ λιμένοσ ἀπέλιπον, τοῖσ δὲ λοιποῖσ κατὰ σπουδὴν ἐξεβοήθουν ἐπὶ τὰ κατειλημμένα τείχη.

ἤδη δὲ σχεδὸν πάσησ τῆσ δυνάμεωσ τῶν Ἀθηναίων παρεισπεπτωκυίασ, ὅμωσ οὐ κατεπλάγησαν, ἀλλὰ πολὺν χρόνον ἀντιστάντεσ εὐρώστωσ τοὺσ Ἀθηναίουσ ἠμύνοντο συναγωνιζομένων τῶν Βυζαντίων.

καὶ πέρασ οὐκ ἂν ἐκράτησαν Ἀθηναῖοι τῆσ πόλεωσ διὰ μάχησ, εἰ μὴ συννοήσασ τὸν καιρὸν Ἀλκιβιάδησ ἐκήρυξε μηδὲν ἀδίκημα ποιεῖν τοῖσ Βυζαντίοισ· οὕτω γὰρ οἱ πολιτικοὶ μεταβαλλόμενοι τοὺσ Πελοποννησίουσ ἠμύνοντο. ὅθεν οἱ πλεῖστοι μὲν αὐτῶν ἀνῃρέθησαν εὐγενῶσ ἀγωνισάμενοι, οἱ δὲ περιλειφθέντεσ εἰσ πεντακοσίουσ κατέφυγον πρὸσ τοὺσ ἐν τοῖσ ἱεροῖσ βωμούσ.

οἱ δ’ Ἀθηναῖοι τοῖσ μὲν Βυζαντίοισ ἀπέδωκαν τὴν πόλιν, συμμάχουσ αὐτοὺσ ποιησάμενοι, πρὸσ δὲ τοὺσ ἐπὶ τοῖσ βωμοῖσ ὄντασ ἱκέτασ ὁμολογίασ ἔθεντο, τὰ μὲν ὅπλα παραλαβεῖν, τὰ δὲ σώματα εἰσ Ἀθήνασ κομίσαντεσ ἐπιτρέψαι τῷ δήμῳ περὶ αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 66

(디오도로스 시켈로스, Library, book xiii, chapter 66)

상위

목록

SEARCH

MENU NAVIGATION