헬라어 문장 검색 - Διοδορ́Λιβραρψ́6́37́

(디오도로스 시켈로스, Library, book xiii, chapter 62)

οἱ δ’ ἐν τῇ πόλει καταλειφθέντεσ διενυκτέρευον μὲν ἐν τοῖσ ὅπλοισ ἐπὶ τῶν τειχῶν· ἅμα δ’ ἡμέρᾳ τῶν Καρχηδονίων περιστρατοπεδευσάντων τὴν πόλιν καὶ πυκνὰσ προσβολὰσ ποιουμένων, οἱ καταλειφθέντεσ τῶν Ἱμεραίων ἀφειδῶσ ἠγωνίζοντο, προσδοκῶντεσ τὴν τῶν νεῶν παρουσίαν. ἐκείνην μὲν οὖν τὴν ἡμέραν διεκαρτέρησαν, τῇ δ’ ὑστεραίᾳ τῶν τριήρων ἐπιφαινομένων ἤδη συνέβαινε τὸ μὲν τεῖχοσ πεσεῖν ὑπὸ τῶν μηχανῶν, τοὺσ δ’ Ἴβηρασ ἀθρόουσ παρεισπεσεῖν εἰσ τὴν πόλιν.

τῶν δὲ βαρβάρων οἱ μὲν ἠμύνοντο τοὺσ παραβοηθοῦντασ τῶν Ἱμεραίων, οἱ δὲ καταλαμβανόμενοι τὰ τείχη παρεδέχοντο τοὺσ ἰδίουσ. κατὰ κράτοσ οὖν ἁλούσησ τῆσ πόλεωσ, ἐπὶ πολὺν χρόνον οἱ βάρβαροι πάντασ ἐφόνευον τοὺσ καταλαμβανομένουσ ἀσυμπαθῶσ.

τοῦ δ’ Ἀννίβα ζωγρεῖν παραγγείλαντοσ ὁ μὲν φόνοσ ἔληξεν, ἡ δ’ ἐκ τῶν οἰκιῶν εὐδαιμονία διεφορεῖτο. ὁ δ’ Ἀννίβασ τὰ μὲν ἱερὰ συλήσασ καὶ τοὺσ καταφυγόντασ ἱκέτασ ἀποσπάσασ ἐνέπρησε, καὶ τὴν πόλιν εἰσ ἔδαφοσ κατέσκαψεν, οἰκισθεῖσαν ἔτη διακόσια τεσσαράκοντα·

τῶν δ’ αἰχμαλώτων γυναῖκασ καὶ παῖδασ διαδοὺσ εἰσ τὸ στρατόπεδον παρεφύλαττε, τῶν δ’ ἀνδρῶν τοὺσ ἁλόντασ εἰσ τρισχιλίουσ ὄντασ παρήγαγεν ἐπὶ τὸν τόπον, ἐν ᾧ πρότερον Ἀμίλκασ ὁ πάπποσ αὐτοῦ ὑπὸ Γέλωνοσ ἀνῃρέθη, καὶ πάντασ αἰκισάμενοσ κατέσφαξεν. μετὰ δὲ ταῦτα διαλύσασ τὸ στρατόπεδον, τοὺσ μὲν ἀπὸ Σικελίασ συμμάχουσ ἀπέστειλεν εἰσ τὰσ πατρίδασ, μεθ’ ὧν καὶ Καμπανοὶ συνηκολούθησαν, ἐγκαλοῦντεσ τοῖσ Καρχηδονίοισ ὡσ αἰτιώτατοι μὲν τῶν εὐημερημάτων γεγενημένοι, οὐκ ἀξίασ δὲ χάριτασ εἰληφότεσ τῶν πεπραγμένων·

ὁ δ’ Ἀννίβασ εἰσ τὰσ μακρὰσ ναῦσ καὶ φορτηγοὺσ ἐμβιβάσασ τὴν δύναμιν, καὶ τοὺσ ἱκανοὺσ τοῖσ συμμάχοισ ἀπολιπὼν στρατιώτασ, ἐξέπλευσεν ἐκ τῆσ Σικελίασ.

ἐπεὶ δ’ εἰσ Καρχηδόνα κατέπλευσε μετὰ πολλῶν λαφύρων, ἀπήντων αὐτῷ πάντεσ δεξιούμενοι καὶ τιμῶντεσ ὡσ ἐν ὀλίγῳ χρόνῳ μείζονα πράξαντα τῶν πρότερον στρατηγῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 62

(디오도로스 시켈로스, Library, book xiii, chapter 62)

상위

목록

SEARCH

MENU NAVIGATION