헬라어 문장 검색 - Διοδορ́Λιβραρψ́6́27́

(디오도로스 시켈로스, Library, book xiii, chapter 50)

αὐτοὶ δ’ εἰσ τρία μέρη διείλαντο τὸ ναυτικόν, καὶ τοῦ μὲν ἦρχεν Ἀλκιβιάδησ, τοῦ δὲ Θηραμένησ, τοῦ δὲ τρίτου Θρασύβουλοσ. Ἀλκιβιάδησ μὲν οὖν μετὰ τοῦ καθ’ αὑτὸν μέρουσ πολὺ προέπλευσε τῶν ἄλλων, βουλόμενοσ προκαλέσασθαι τοὺσ Λακεδαιμονίουσ εἰσ ναυμαχίαν· Θηραμένησ δὲ καὶ Θρασύβουλοσ ἐφιλοτέχνουν εἰσ τὸ κυκλώσασθαι καὶ τῆσ εἰσ τὴν πόλιν ἐπανόδου τοὺσ ἐκπλεύσαντασ εἶρξαι. Μίνδαροσ δὲ τὰσ μὲν Ἀλκιβιάδου ναῦσ εἴκοσι μόνασ ὁρῶν προσφερομένασ, τὰσ δ’ ἄλλασ ἀγνοῶν, κατεφρόνησε, καὶ ναυσὶν ὀγδοήκοντα θρασέωσ ἐκ τῆσ πόλεωσ τὸν ἐπίπλουν ἐποιήσατο.

ὡσ δὲ πλησίον ἐγένετο τῶν περὶ τὸν Ἀλκιβιάδην, οἱ μὲν Ἀθηναῖοι, καθάπερ ἦν αὐτοῖσ παρηγγελμένον, προσεποιοῦντο φεύγειν, οἱ δὲ Πελοποννήσιοι περιχαρεῖσ ὄντεσ ἠκολούθουν κατὰ σπουδὴν ὡσ νικῶντεσ. ὁ δὲ Ἀλκιβιάδησ ἐπειδὴ τῆσ πόλεωσ αὐτοὺσ ἀπέσπασε πορρωτέρω, τὸ σύσσημον ἦρεν·

οὗ γενηθέντοσ αἱ μετ’ Ἀλκιβιάδου τριήρεισ ἐξαίφνησ πρὸσ ἕνα καιρὸν ἐπέστρεψαν ἀντίπρῳροι τοῖσ πολεμίοισ, Θηραμένησ δὲ καὶ Θρασύβουλοσ ἔπλεον ἐπὶ τὴν πόλιν καὶ τὸν ἀπόπλουν τῶν Λακεδαιμονίων ὑπετέμοντο. οἱ δὲ μετὰ τοῦ Μινδάρου καθορῶντεσ ἤδη τὸ πλῆθοσ τῶν πολεμίων νεῶν, καὶ μαθόντεσ ἑαυτοὺσ κατεστρατηγημένουσ, περίφοβοι καθειστήκεισαν.

τέλοσ δὲ τῶν Ἀθηναίων πανταχόθεν ἐπιφαινομένων καὶ τῆσ εἰσ τὴν πόλιν ἐφόδου τοὺσ Πελοποννησίουσ ἀποκλεισάντων, ὁ Μίνδαροσ ἠναγκάσθη καταφυγεῖν τῆσ χώρασ πρὸσ τοὺσ καλουμένουσ Κλήρουσ, ὅπου καὶ Φαρνάβαζοσ εἶχε τὴν δύναμιν. Ἀλκιβιάδησ δὲ κατὰ σπουδὴν διώκων ἃσ μὲν κατέδυεν, ἃσ δὲ κατατιτρώσκων ὑποχειρίουσ ἐλάμβανε, τὰσ δὲ πλείστασ πρὸσ αὐτῇ τῇ γῇ καθωρμισμένασ καταλαβὼν ἐπέβαλλε σιδηρᾶσ χεῖρασ, καὶ ταύταισ ἀποσπᾶν ἀπὸ τῆσ γῆσ ἐπειρᾶτο.

παραβοηθούντων δὲ τῶν πεζῶν ἀπὸ τῆσ γῆσ τοῖσ Πελοποννησίοισ πολὺσ ἐγένετο φόνοσ, ὡσ ἂν τῶν μὲν Ἀθηναίων διὰ τὸ προτέρημα θρασύτερον ἢ συμφορώτερον ἀγωνιζομένων, τῶν δὲ Πελοποννησίων πολὺ τοῖσ πλήθεσιν ὑπεραγόντων·

καὶ γὰρ τὸ τοῦ Φαρναβάζου στρατόπεδον παρεβοήθει τοῖσ Λακεδαιμονίοισ, καὶ τὴν μάχην ἐκ τῆσ γῆσ ποιούμενον τὴν στάσιν εἶχεν ἀσφαλεστέραν. Θρασύβουλοσ δὲ θεωρῶν τοὺσ πεζοὺσ τοῖσ πολεμίοισ βοηθοῦντασ, καὶ τοὺσ λοιποὺσ τῶν ἐπιβατῶν ἀπεβίβασεν εἰσ τὴν γῆν, σπεύδων βοηθῆσαι τοῖσ περὶ τὸν Ἀλκιβιάδην·

τῷ δὲ Θηραμένει παρεκελεύσατο τοῖσ περὶ Χαιρέαν πεζοῖσ συνάψαντα τὴν ταχίστην ἥκειν, ὅπωσ πεζῇ διαγωνίσωνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 50

(디오도로스 시켈로스, Library, book xiii, chapter 50)

상위

목록

SEARCH

MENU NAVIGATION