Diodorus Siculus, Library, book xiii, chapter 49 3:

ὁ μὲν οὖν Ἀρχέλαοσ φιλοτιμότερον πολιορκήσασ τὴν Πύδναν καὶ κρατήσασ μετῴκισεν αὐτὴν ἀπὸ θαλάττησ ὡσ εἴκοσι στάδια. ὁ δὲ Μίνδαροσ, ἤδη τοῦ χειμῶνοσ λήγοντοσ, συνήγαγε τὰσ πανταχόθεν τριήρεισ· ἔκ τε γὰρ τῆσ Πελοποννήσου πολλαὶ παρεγενήθησαν καὶ παρὰ τῶν ἄλλων συμμάχων ὁμοίωσ. οἱ δ’ ἐν Σηστῷ τῶν Ἀθηναίων στρατηγοί, πυνθανόμενοι τὸ μέγεθοσ τοῦ συναγομένου τοῖσ πολεμίοισ στόλου, περιδεεῖσ ἦσαν, μήποτε πάσαισ ταῖσ τριήρεσιν ἐπιπλεύσαντεσ οἱ πολέμιοι κυριεύσωσι τῶν νεῶν.