헬라어 문장 검색 - Διοδορ́Λιβραρψ́6́23́

(디오도로스 시켈로스, Library, book xiii, chapter 44)

μετὰ δὲ τὴν ἐπάνοδον τῶν πρεσβευτῶν Καρχηδόνιοι μὲν τοῖσ Αἰγεσταίοισ ἀπέστειλαν Λίβυάσ τε πεντακισχιλίουσ καὶ τῶν Καμπανῶν ὀκτακοσίουσ. οὗτοι δ’ ἦσαν ὑπὸ τῶν Χαλκιδέων τοῖσ Ἀθηναίοισ εἰσ τὸν πρὸσ Συρακοσίουσ πόλεμον μεμισθωμένοι, καὶ μετὰ τὴν ἧτταν καταπεπλευκότεσ οὐκ εἶχον τοὺσ μισθοδοτήσοντασ·

οἱ δὲ Καρχηδόνιοι πᾶσιν ἵππουσ ἀγοράσαντεσ καὶ μισθοὺσ ἀξιολόγουσ δόντεσ εἰσ τὴν Αἴγεσταν κατέστησαν. οἱ δὲ Σελινούντιοι κατ’ ἐκείνουσ τοὺσ χρόνουσ εὐδαιμονοῦντεσ, καὶ τῆσ πόλεωσ αὐτοῖσ πολυανδρούσησ, κατεφρόνουν τῶν Αἰγεσταίων.

καὶ τὸ μὲν πρῶτον ἐν τάξει τὴν ὅμορον χώραν ἐπόρθουν, πολὺ προέχοντεσ ταῖσ δυνάμεσι, μετὰ δὲ ταῦτα καταφρονήσαντεσ κατὰ πᾶσαν τὴν χώραν ἐσκεδάσθησαν. οἱ δὲ τῶν Αἰγεσταίων στρατηγοὶ παρατηρήσαντεσ αὐτοὺσ ἐπέθεντο μετὰ τῶν Καρχηδονίων καὶ τῶν Καμπανῶν.

ἀπροσδοκήτου δὲ τῆσ ἐφόδου γενομένησ ῥᾳδίωσ ἐτρέψαντο τοὺσ Σελινουντίουσ, καὶ τῶν μὲν στρατιωτῶν ἀνεῖλον περὶ χιλίουσ, τῆσ δὲ λείασ πάσησ ἐκυρίευσαν. μετὰ δὲ τὴν μάχην εὐθέωσ ἀπέστειλαν πρέσβεισ, οἱ μὲν Σελινούντιοι πρὸσ Συρακοσίουσ, οἱ δ’ Αἰγεσταῖοι πρὸσ Καρχηδονίουσ, περὶ βοηθείασ. ἑκατέρων δ’ ἐπαγγειλαμένων συμμαχήσειν, ὁ μὲν Καρχηδονιακὸσ πόλεμοσ ταύτην ἔλαβεν ἀρχήν·

οἱ δὲ Καρχηδόνιοι προορώμενοι τὸ μέγεθοσ τοῦ πολέμου, τὴν ἐπιτροπὴν ἔδωκαν Ἀννίβᾳ τῷ στρατηγῷ περὶ τοῦ μεγέθουσ τῆσ δυνάμεωσ, καὶ πάντα προθύμωσ ὑπηρέτουν. ὁ δὲ Ἀννίβασ τό τε θέροσ ἐκεῖνο καὶ τὸν συνάπτοντα χειμῶνα πολλοὺσ μὲν ἐξ Ἰβηρίασ ἐξενολόγησεν, οὐκ ὀλίγουσ δὲ καὶ τῶν πολιτῶν κατέγραφεν·

ἐπῄει δὲ καὶ τὴν Λιβύην ἐπιλεγόμενοσ ἐξ ἁπάσησ πόλεωσ τοὺσ κρατίστουσ, καὶ ναῦσ παρεσκευάζετο, διανοούμενοσ τῆσ ἐαρινῆσ ὡρ́ασ ἐνισταμένησ διαβιβάζειν τὰσ δυνάμεισ. τὰ μὲν οὖν κατὰ τὴν Σικελίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 44

(디오도로스 시켈로스, Library, book xiii, chapter 44)

상위

목록

SEARCH

MENU NAVIGATION