헬라어 문장 검색 - Διοδορ́Λιβραρψ́6́22́

(디오도로스 시켈로스, Library, book xiii, chapter 42)

τῶν δὲ στρατιωτῶν ἀσμένωσ τοὺσ λόγουσ προσδεξαμένων, καὶ περὶ τούτων διαπεμψαμένων εἰσ Ἀθήνασ, ἔδοξε τῷ δήμῳ τὸν ἄνδρα τῶν ἐγκλημάτων ἀπολῦσαι καὶ μεταδοῦναι τῆσ στρατηγίασ· θεωροῦντεσ γὰρ αὐτοῦ τὸ πρακτικὸν τῆσ τόλμησ καὶ τὴν παρὰ τοῖσ Ἕλλησι δόξαν, ὑπελάμβανον, ὅπερ ἦν εἰκόσ, οὐ μικρὰν ῥοπὴν ἔσεσθαι τοῖσ σφετέροισ πράγμασι τούτου προσγενομένου. καὶ γὰρ ὁ τῆσ πολιτείασ ἀφηγούμενοσ τότε Θηραμένησ, ἀνὴρ εἰ καί τισ ἄλλοσ εἶναι δόξασ συνετόσ, τῷ δήμῳ συνεβούλευσε κατάγειν τὸν Ἀλκιβιάδην.

τούτων δ’ ἀπαγγελθέντων εἰσ Σάμον, Ἀλκιβιάδησ πρὸσ αἷσ εἶχεν ἰδίαισ ναυσὶ τρισκαίδεκα ἐννέα προσέλαβε, καὶ μετὰ τούτων ἐκπλεύσασ εἰσ Ἁλικαρνασσὸν παρὰ τῆσ πόλεωσ εἰσεπράξατο χρήματα. μετὰ δὲ ταῦτα τὴν Μεροπίδα πορθήσασ μετὰ πολλῆσ λείασ ἀνέπλευσεν εἰσ Σάμον.

πολλῶν δὲ συναχθέντων λαφύρων, τοῖσ τ’ ἐν Σάμῳ στρατιώταισ καὶ τοῖσ μεθ’ ἑαυτοῦ διελόμενοσ τὰσ ὠφελείασ ταχὺ τοὺσ εὖ παθόντασ εὔνουσ ἑαυτῷ κατεσκεύασεν. περὶ δὲ τὸν αὐτὸν χρόνον Ἀντάνδριοι, φρουρὰν ἔχοντεσ, μετεπέμψαντο παρὰ Λακεδαιμονίων στρατιώτασ, μεθ’ ὧν ἐκβαλόντεσ τὴν φυλακὴν ἐλευθέραν ᾤκουν τὴν πατρίδα·

οἱ γὰρ Λακεδαιμόνιοι περὶ τῆσ εἰσ Φοινίκην ἀποστολῆσ τῶν τριακοσίων νεῶν ἐγκαλοῦντεσ τῷ Φαρναβάζῳ τοῖσ Ἄντανδρον οἰκοῦσι συνεμάχησαν. τῶν δὲ συγγραφέων Θουκυδίδησ μὲν τὴν ἱστορίαν κατέστροφε, περιλαβὼν χρόνον ἐτῶν εἴκοσι καὶ δυοῖν ἐν βύβλοισ ὀκτώ·

τινὲσ δὲ διαιροῦσιν εἰσ ἐννέα· Ξενοφῶν δὲ καὶ Θεόπομποσ ἀφ’ ὧν ἀπέλιπε Θουκυδίδησ τὴν ἀρχὴν πεποίηνται, καὶ Ξενοφῶν μὲν περιέλαβε χρόνον ἐτῶν τεσσαράκοντα καὶ ὀκτώ, Θεόπομποσ δὲ τὰσ Ἑλληνικὰσ πράξεισ διελθὼν ἐπ’ ἔτη ἑπτακαίδεκα καταλήγει τὴν ἱστορίαν εἰσ τὴν περὶ Κνίδον ναυμαχίαν ἐν βύβλοισ δώδεκα. τὰ μὲν οὖν κατὰ τὴν Ἑλλάδα καὶ τὴν Ἀσίαν ἐν τούτοισ ἦν.

Ῥωμαῖοι δὲ πρὸσ Αἴκουσ διαπολεμοῦντεσ ἐνέβαλον αὐτῶν εἰσ τὴν χώραν μετὰ πολλῆσ δυνάμεωσ· περιστρατοπεδεύσαντεσ δὲ πόλιν Βώλασ ὀνομαζομένην ἐξεπολιόρκησαν. τῶν δὲ κατὰ τὸν ἐνιαυτὸν τοῦτον πράξεων τέλοσ ἐχουσῶν Ἀθήνησι μὲν ἦρχε Γλαύκιπποσ, ἐν δὲ τῇ Ῥώμῃ κατεστάθησαν ὕπατοι Μάρκοσ Κορνήλιοσ καὶ Λεύκιοσ Φούριοσ.

περὶ δὲ τούτουσ τοὺσ χρόνουσ Αἰγεσταῖοι κατὰ τὴν Σικελίαν σύμμαχοι γεγενημένοι τοῖσ Ἀθηναίοισ κατὰ Συρακοσίων, καταλυθέντοσ τοῦ πολέμου περιδεεῖσ καθειστήκεισαν· ἤλπιζον γάρ, ὅπερ ἦν εἰκόσ, τιμωρίαν δώσειν τοῖσ Σικελιώταισ, ὑπὲρ ὧν εἰσ αὐτοὺσ ἐξήμαρτον. τῶν δὲ Σελινουντίων περὶ τῆσ ἀμφισβητησίμου χώρασ πολεμούντων αὐτούσ, ἑκουσίωσ ἐξεχώρουν, εὐλαβούμενοι, μὴ διὰ ταύτην τὴν πρόφασιν οἱ Συρακόσιοι συνεπιλάβωνται τοῦ πολέμου τοῖσ Σελινουντίοισ, καὶ κινδυνεύσωσιν ἄρδην ἀπολέσαι τὴν πατρίδα.

ἐπεὶ δ’ οἱ Σελινούντιοι χωρὶσ τῆσ ἀμφισβητησίμου πολλὴν τῆσ παρακειμένησ ἀπετέμοντο, τηνικαῦθ’ οἱ τὴν Αἴγεσταν οἰκοῦντεσ πρέσβεισ ἀπέστειλαν εἰσ Καρχηδόνα, δεόμενοι βοηθῆσαι καὶ τὴν πόλιν αὐτοῖσ ἐγχειρίζοντεσ.

καταπλευσάντων δὲ τῶν πεμφθέντων, καὶ τῇ γερουσίᾳ τὰσ παρὰ τοῦ δήμου δεδομένασ ἐντολὰσ εἰπόντων, οὐ μετρίωσ διηπόρησαν οἱ Καρχηδόνιοι·

ἅμα μὲν γὰρ ἐπεθύμουν παραλαβεῖν πόλιν εὔκαιρον, ἅμα δ’ ἐφοβοῦντο τοὺσ Συρακοσίουσ, ἑωρακότεσ προσφάτωσ καταπεπολεμημένασ τὰσ τῶν Ἀθηναίων δυνάμεισ. οὐ μὴν ἀλλὰ καὶ τοῦ παρ’ αὐτοῖσ πρωτεύοντοσ Ἀννίβου συμβουλεύοντοσ παραλαβεῖν τὴν πόλιν, τοῖσ μὲν πρεσβευταῖσ ἀπεκρίθησαν βοηθήσειν, εἰσ δὲ τὴν τούτων διοίκησιν, ἂν ᾖ χρεία πολεμεῖν, στρατηγὸν κατέστησαν τὸν Ἀννίβαν, κατὰ νόμουσ τότε βασιλεύοντα.

οὗτοσ δὲ ἦν υἱωνὸσ μὲν τοῦ πρὸσ Γέλωνα πολεμήσαντοσ Ἀμίλκου καὶ πρὸσ Ἱμέρᾳ τελευτήσαντοσ, υἱὸσ δὲ Γέσκωνοσ, ὃσ διὰ τὴν τοῦ πατρὸσ ἧτταν ἐφυγαδεύθη καὶ κατεβίωσεν ἐν τῇ Σελινοῦντι. ὁ δ’ οὖν Ἀννίβασ, ὢν μὲν καὶ φύσει μισέλλην, ὁμοῦ δὲ τὰσ τῶν προγόνων ἀτιμίασ διορθώσασθαι βουλόμενοσ, ἔσπευδε δι’ ἑαυτοῦ τι κατασκευάσαι χρήσιμον τῇ πατρίδι.

θεωρῶν οὖν τοὺσ Σελινουντίουσ οὐκ ἀρκουμένουσ τῇ παραχωρήσει τῆσ ἀμφισβητησίμου χώρασ, πρέσβεισ ἀπέστειλε μετὰ τῶν Αἰγεσταίων πρὸσ Συρακοσίουσ, ἐπιτρέπων αὐτοῖσ τὴν κρίσιν τούτων, τῷ μὲν λόγῳ προσποιούμενοσ δικαιοπραγεῖν, τῇ δ’ ἀληθείᾳ νομίζων ἐκ τοῦ μὴ βούλεσθαι τοὺσ Σελινουντίουσ διακριθῆναι μὴ συμμαχήσειν αὐτοῖσ τοὺσ Συρακοσίουσ. ἀποστειλάντων δὲ καὶ Σελινουντίων πρέσβεισ, διακριθῆναι μὲν μὴ βουλομένων, πολλὰ δὲ πρὸσ τοὺσ παρὰ Καρχηδονίων καὶ τῶν Αἰγεσταίων πρέσβεισ ἀντειπόντων, τέλοσ ἔδοξε τοῖσ Συρακοσίοισ ψηφίσασθαι τηρεῖν πρὸσ μὲν Σελινουντίουσ τὴν συμμαχίαν, πρὸσ δὲ Καρχηδονίουσ τὴν εἰρήνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 42

(디오도로스 시켈로스, Library, book xiii, chapter 42)

상위

목록

SEARCH

MENU NAVIGATION