헬라어 문장 검색 - Διοδορ́Λιβραρψ́6́21́

(디오도로스 시켈로스, Library, book xiii, chapter 40)

τῶν γὰρ Πελοποννησίων ὑπερεχόντων τῷ πλήθει τῶν νεῶν καὶ ταῖσ τῶν ἐπιβατῶν ἀρεταῖσ, ἡ τέχνη τῶν κυβερνητῶν ἄχρηστον τὴν ὑπεροχὴν τῶν ἐναντίων ἐποίει. ὁπότε γὰρ οἱ Πελοποννήσιοι κατὰ σπουδὴν ἀθρόαισ ταῖσ ναυσὶν εἰσ ἐμβολὴν ἐπιφέροιντο, τὰσ ἑαυτῶν οὕτωσ φιλοτέχνωσ καθίστανον, ὥστε τοῦ μὲν ἄλλου μέρουσ αὐτὰσ μὴ δύνασθαι θιγεῖν, τοῖσ δὲ στόμασι τῶν ἐμβόλων μόνοισ ἀναγκάζεσθαι συμβάλλειν. διόπερ ὁ Μίνδαροσ ὁρῶν ἄπρακτον οὖσαν τὴν ἐκ τῶν ἐμβολῶν βίαν, κατ’ ὀλίγασ καὶ κατὰ μίαν ἐκέλευσε συμπλέκεσθαι.

οὐ μὴν οὐδ’ ἐνταῦθα τὴν τῶν κυβερνητῶν τέχνην ἄπρακτον εἶναι συνέβαινεν, ἀλλ’ εὐφυῶσ ἐκκλίνοντεσ τὰσ τῶν νεῶν ἐπιφερομένασ ἐμβολὰσ πλαγίαισ ἐνέσειον καὶ πολλὰσ κατετίτρωσκον. φιλοτιμίασ δ’ ἐμπεσούσησ εἰσ ἀμφοτέρουσ, οὐ μόνον ταῖσ ἐμβολαῖσ διεκινδύνευον, ἀλλὰ συμπλεκόμενοι τοῖσ ἐπιβάταισ διηγωνίζοντο.

πολλὰ δ’ ὑπὸ τῆσ τοῦ ῥοῦ βίασ διακωλυόμενοι πράττειν ἐφ’ ἱκανὸν χρόνον διεκινδύνευον, οὐδετέρων δυναμένων τυχεῖν τῆσ νίκησ. ἰσορρόπου δὲ τῆσ μάχησ οὔσησ, ἐπεφάνησαν ὑπέρ τινοσ ἄκρασ ναῦσ εἴκοσι πέντε παρὰ τῶν συμμάχων ἀπεσταλμέναι τοῖσ Ἀθηναίοισ.

φοβηθέντεσ δὲ οἱ Πελοποννήσιοι πρὸσ τὴν Ἄβυδον ἔφυγον, ἐξαπτομένων τῶν Ἀθηναίων καὶ φιλοτιμότερον διωξάντων. τῆσ δὲ ναυμαχίασ τοιοῦτον τέλοσ λαβούσησ, Ἀθηναῖοι ναῦσ ἔλαβον ὀκτὼ μὲν Χίων, πέντε δὲ Κορινθίων, Ἀμβρακιωτῶν δὲ δύο, Συρακοσίων δὲ καὶ Πελληνέων καὶ Λευκαδίων μίαν ἐξ ἑκάστων·

αὐτοὶ δὲ πέντε ναῦσ ἀπέβαλον, ἃσ πάσασ βυθισθῆναι συνέβη. μετὰ δὲ ταῦθ’ οἱ περὶ τὸν Θρασύβουλον ἔστησαν τρόπαιον ἐπὶ τῆσ ἄκρασ, οὗ τὸ τῆσ Ἑκάβησ ἐστὶ μνημεῖον, καὶ τοὺσ ἀπαγγελοῦντασ τὴν νίκην εἰσ Ἀθήνασ ἔπεμψαν, αὐτοὶ δὲ μετὰ παντὸσ τοῦ στόλου τὸν πλοῦν ἐπὶ Κύζικον ἐποιήσαντο·

αὕτη γὰρ πρὸ τῆσ ναυμαχίασ ἦν ἀφεστηκυῖα πρὸσ Φαρνάβαζον τὸν Δαρείου στρατηγὸν καὶ Κλέαρχον τὸν Λακεδαιμονίων ἡγεμόνα. εὑρόντεσ δ’ αὐτὴν ἀτείχιστον ῥᾳδίωσ τῆσ ἐπιβολῆσ ἐκράτησαν, καὶ χρήματα πραξάμενοι τοὺσ Κυζικηνοὺσ ἀπέπλευσαν εἰσ Σηστόν. Μίνδαροσ δ’ ὁ τῶν Λακεδαιμονίων ναύαρχοσ ἀπὸ τῆσ ἥττησ φυγὼν εἰσ Ἄβυδον τάσ τε πεπονηκυίασ ναῦσ ἐπεσκεύασε καὶ πρὸσ τὰσ ἐν Εὐβοίᾳ τριήρεισ ἀπέστειλεν Ἐπικλέα τὸν Σπαρτιάτην, προστάξασ ἄγειν τὴν ταχίστην.

ὃσ ἐπεὶ κατέπλευσεν εἰσ Εὔβοιαν, ἀθροίσασ τὰσ ναῦσ οὔσασ πεντήκοντα κατὰ σπουδὴν ἀνήχθη·

καὶ κατὰ τὸν Ἄθω γενομένων τῶν τριήρων ἐπεγενήθη χειμὼν τηλικοῦτοσ ὥστε τὰσ μὲν ναῦσ ἁπάσασ ἀπολέσθαι, τῶν δὲ ἀνδρῶν δώδεκα μόνον διασωθῆναι. δηλοῖ δὲ τὰ περὶ τούτων ἀνάθημα κείμενον ἐν τῷ περὶ Κορώνειαν νεῷ, καθάπερ φησὶν Ἔφοροσ, τὴν ἐπιγραφὴν ἔχον ταύτην·

οἵδ’ ἀπὸ πεντήκοντα νεῶν θάνατον προφυγόντεσ πρὸσ σκοπέλοισιν Ἄθω σώματα γῇ πέλασαν δώδεκα, τοὺσ δ’ ἄλλουσ ὄλεσεν μέγα λαῖτμα θαλάσσησ, νῆάσ τε στυγεροῖσ πνεύμασι χρησαμένασ. περὶ δὲ τὸν αὐτὸν καιρὸν Ἀλκιβιάδησ ἔχων τρισκαίδεκα τριήρεισ κατέπλευσε πρὸσ τοὺσ ἐν Σάμῳ διατρίβοντασ, οἳ πάλαι προακηκοότεσ ἦσαν, ὅτι πεπεικὼσ εἰή τὸν Φαρνάβαζον μηκέτι ταῖσ τριακοσίαισ ναυσὶ βοηθεῖν τοῖσ Λακεδαιμονίοισ.

φιλοφρόνωσ δ’ αὐτὸν ἀποδεξαμένων τῶν ἐν τῇ Σάμῳ, διελέγετο πρὸσ αὐτοὺσ περὶ τῆσ καθόδου, πολλὰ κατεπαγγελλόμενοσ χρήσιμοσ ἔσεσθαι τῇ πατρίδι, ὁμοίωσ καὶ τὰ καθ’ ἑαυτὸν ἀπολογησάμενοσ, καὶ πολλὰ τὴν ἑαυτοῦ δακρύσασ τύχην, ὅτι τὴν ἰδίαν ἀρετὴν ὑπὸ τῶν ἐχθρῶν ἠνάγκασται κατὰ τῆσ πατρίδοσ ἐνδείξασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 40

(디오도로스 시켈로스, Library, book xiii, chapter 40)

상위

목록

SEARCH

MENU NAVIGATION