헬라어 문장 검색 - Διοδορ́Λιβραρψ́6́18́

(디오도로스 시켈로스, Library, book xiii, chapter 34)

ἐπ’ ἄρχοντοσ δ’ Ἀθήνησι Καλλίου Ῥωμαῖοι μὲν ἀντὶ τῶν ὑπάτων χιλιάρχουσ κατέστησαν τέτταρασ, Πόπλιον Κορνήλιον Γάιον Φάβιον, Ὀλυμπιὰσ δ’ ἤχθη παρ’ Ἠλείοισ δευτέρα πρὸσ ταῖσ ἐνενήκοντα, καθ’ ἣν ἐνίκα στάδιον Ἐξαίνετοσ Ἀκραγαντῖνοσ. ἐπὶ δὲ τούτων Ἀθηναίων περὶ Σικελίαν ἐπταικότων συνέβη τὴν ἡγεμονίαν αὐτῶν καταφρονηθῆναι· εὐθὺσ γὰρ Χῖοι καὶ Σάμιοι καὶ Βυζάντιοι καὶ πολλοὶ τῶν συμμάχων ἀπέστησαν πρὸσ τοὺσ Λακεδαιμονίουσ.

διόπερ ὁ δῆμοσ ἀθυμήσασ ἐξεχώρησεν ἑκουσίωσ τῆσ δημοκρατίασ, ἑλόμενοσ δὲ ἄνδρασ τετρακοσίουσ, τούτοισ τὴν διοίκησιν ἐπέτρεψε τῶν κοινῶν. οἱ δὲ τῆσ ὀλιγαρχίασ προεστῶτεσ ναυπηγησάμενοι πλείουσ τριήρεισ ἀπέστειλαν τεσσαράκοντα καὶ στρατηγούσ. οὗτοι δὲ στασιάζοντεσ πρὸσ ἀλλήλουσ εἰσ Ὠρωπὸν ἐξέπλευσαν·

ἐκεῖ γὰρ ὡρ́μουν αἱ τῶν πολεμίων τριήρεισ. γενομένησ οὖν ναυμαχίασ ἐνίκων οἱ Λακεδαιμόνιοι, καὶ σκαφῶν εἴκοσι καὶ δυεῖν ἐκυρίευσαν. Συρακόσιοι δὲ καταλελυκότεσ τὸν πρὸσ Ἀθηναίουσ πόλεμον, τοὺσ μὲν Λακεδαιμονίουσ συμμαχήσαντασ, ὧν ἦρχε Γύλιπποσ, ἐτίμησαν τοῖσ ἐκ τοῦ πολέμου λαφύροισ, συναπέστειλαν δ’ αὐτοῖσ εἰσ Λακεδαίμονα συμμαχίαν εἰσ τὸν πρὸσ Ἀθηναίουσ πόλεμον τριάκοντα καὶ πέντε τριήρεισ, ὧν ἦρχεν Ἑρμοκράτησ ὁ πρωτεύων τῶν πολιτῶν.

αὐτοὶ δὲ τὰσ ἐκ τοῦ πολέμου γενομένασ ὠφελείασ ἀθροίσαντεσ τοὺσ μὲν ναοὺσ ἀναθήμασι καὶ σκύλοισ ἐκόσμησαν, τῶν δὲ στρατιωτῶν τοὺσ ἀριστεύσαντασ ταῖσ προσηκούσαισ δωρεαῖσ ἐτίμησαν.

μετὰ δὲ ταῦτα τῶν δημαγωγῶν ὁ πλεῖστον παρ’ αὐτοῖσ ἰσχύσασ Διοκλῆσ ἔπεισε τὸν δῆμον μεταστῆσαι τὴν πολιτείαν εἰσ τὸ κλήρῳ τὰσ ἀρχὰσ διοικεῖσθαι, ἑλέσθαι δὲ καὶ νομοθέτασ εἰσ τὸ τὴν πολιτείαν διατάξαι καὶ νόμουσ καινοὺσ ἰδίᾳ συγγράψαι.

διόπερ οἱ Συρακόσιοι τοὺσ φρονήσει διαφέροντασ τῶν πολιτῶν εἵλοντο νομοθέτασ, ὧν ἦν ἐπιφανέστατοσ Διοκλῆσ.

τοσοῦτο γὰρ τῶν ἄλλων διήνεγκε συνέσει καὶ δόξῃ, ὥστε τῆσ νομοθεσίασ ὑπὸ πάντων κοινῇ γραφείσησ ὀνομασθῆναι τοὺσ νόμουσ Διοκλέουσ. οὐ μόνον δὲ τὸν ἄνδρα τοῦτον ζῶντα ἐθαύμασαν οἱ Συρακόσιοι, ἀλλὰ καὶ τελευτήσαντα τιμαῖσ ἡρωικαῖσ ἐτίμησαν καὶ νεὼν ᾠκοδόμησαν δημοσίᾳ τὸν ὕστερον ὑπὸ Διονυσίου κατὰ τὴν τειχοποιίαν καθαιρεθέντα.

ἐθαυμάσθη δὲ ὁ ἀνὴρ οὗτοσ καὶ παρὰ τοῖσ ἄλλοισ Σικελιώταισ· πολλαὶ γοῦν τῶν κατὰ τὴν νῆσον πόλεων χρώμεναι διετέλεσαν τοῖσ τούτου νόμοισ, μέχρι ὅτου πάντεσ οἱ Σικελιῶται τῆσ Ῥωμαίων πολιτείασ ἠξιώθησαν.

οἱ δ’ οὖν Συρακόσιοι κατὰ τοὺσ νεωτέρουσ χρόνουσ κατὰ μὲν Τιμολέοντα νομοθετήσαντοσ αὐτοῖσ Κεφάλου, κατὰ δὲ τὸν Ιἕρωνα τὸν βασιλέα Πολυδώρου, οὐδέτερον αὐτῶν ὠνόμασαν νομοθέτην, ἀλλ’ ἢ ἐξηγητὴν τοῦ νομοθέτου, διὰ τὸ τοὺσ νόμουσ γεγραμμένουσ ἀρχαίᾳ διαλέκτῳ δοκεῖν εἶναι δυσκατανοήτουσ. μεγάλησ δὲ οὔσησ κατὰ τὴν νομοθεσίαν ἀναθεωρήσεωσ, μισοπόνηροσ μὲν φαίνεται διὰ τὸ πάντων τῶν νομοθετῶν πικρότατα πρόστιμα θεῖναι κατὰ πάντων τῶν ἀδικούντων, δίκαιοσ δ’ ἐκ τοῦ περιττότερον τῶν πρὸ αὐτοῦ κατ’ ἀξίαν ἑκάστῳ τὸ ἐπιτίμιον ὑπάρξαι, πραγματικὸσ δὲ καὶ πολύπειροσ ἐκ τοῦ πᾶν ἔγκλημα καὶ πρᾶγμα δημόσιόν τε καὶ ἰδιωτικὸν ἀμφισβητούμενον ὡρισμένησ ἀξιῶσαι τιμωρίασ·

ἔστι δὲ καὶ κατὰ τὴν λέξιν σύντομοσ καὶ πολλὴν τοῖσ ἀναγινώσκουσιν ἀπολείπων ἀναθεώρησιν. ἐμαρτύρησε δ’ αὐτοῦ τὴν ἀρετὴν καὶ τὴν σκληρότητα τῆσ ψυχῆσ ἡ περὶ τὴν τελευτὴν περιπέτεια.

ταῦτα μὲν οὖν ἀκριβέστερον εἰπεῖν προήχθην διὰ τὸ τοὺσ πλείουσ τῶν συγγραφέων ὀλιγωρότερον περὶ αὐτοῦ διειλέχθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 34

(디오도로스 시켈로스, Library, book xiii, chapter 34)

상위

목록

SEARCH

MENU NAVIGATION