헬라어 문장 검색 - Διοδορ́Λιβραρψ́6́06́

(디오도로스 시켈로스, Library, book xiii, chapter 10)

τῆσ δὲ ναυμαχίασ τοιοῦτο τέλοσ λαβούσησ, οἱ μὲν Ἀθηναῖοι πυνθανόμενοι τὸν μετὰ Δημοσθένουσ στόλον ἐν ὀλίγαισ ἡμέραισ ἥξειν, ἔκριναν μηκέτι διακινδυνεύειν, ἑώσ ἂν ἡ δύναμισ ἐκείνη παραγένηται, οἱ δὲ Συρακόσιοι τοὐναντίον βουλόμενοι πρὶν ἐλθεῖν τὴν μετὰ Δημοσθένουσ στρατιὰν περὶ τῶν ὅλων διακριθῆναι, καθ’ ἡμέραν ἐπιπλέοντεσ ταῖσ τῶν Ἀθηναίων ναυσὶν ἐξήπτοντο τῆσ μάχησ. συμβουλεύσαντοσ δ’ αὐτοῖσ Ἀρίστωνοσ τοῦ Κορινθίου κυβερνήτου τὰσ πρῴρασ τῶν νεῶν ποιῆσαι βραχυτέρασ καὶ ταπεινοτέρασ, πεισθέντεσ οἱ Συρακόσιοι πολλὰ διὰ ταύτην τὴν αἰτίαν ἐν τοῖσ μετὰ ταῦτα κινδύνοισ ἐπλεονέκτησαν.

αἱ μὲν γὰρ Ἀττικαὶ τριήρεισ ἦσαν ἀσθενεστέρασ ἔχουσαι τὰσ πρῴρασ καὶ μετεώρουσ·

διὸ συνέβαινεν αὐτῶν τὰσ ἐμβολὰσ τιτρώσκειν τοὺσ ὑπερέχοντασ τῆσ θαλάττησ τόπουσ, ὥστε τοὺσ πολεμίουσ μὴ μεγάλοισ ἐλαττώμασι περιπίπτειν· αἱ δὲ τῶν Συρακοσίων τὸν περὶ τὴν πρῴραν τόπον ἰσχυρὸν ἔχουσαι καὶ ταπεινόν, κατὰ τὰσ τῶν ἐμβολῶν δόσεισ μιᾷ πολλάκισ πληγῇ κατέδυον τὰσ τῶν Ἀθηναίων τριήρεισ. ἐπὶ μὲν οὖν συχνὰσ ἡμέρασ οἱ Συρακόσιοι τῇ παρεμβολῇ τῶν πολεμίων καὶ κατὰ γῆν καὶ κατὰ θάλατταν προσβάλλοντεσ οὐδὲν ἤνυον, τῶν Ἀθηναίων ἀγόντων ἡσυχίαν·

ἐπειδὴ δέ τινεσ τῶν τριηράρχων οὐκέτι δυνάμενοι καρτερεῖν τὴν τῶν Συρακοσίων καταφρόνησιν ἀντανήχθησαν τοῖσ πολεμίοισ ἐν τῷ μεγάλῳ λιμένι, συνέστη πασῶν τῶν τριήρων ναυμαχία. οἱ μὲν οὖν Ἀθηναῖοι ταχυναυτούσασ ἔχοντεσ τριήρεισ, καὶ ταῖσ κατὰ θάλατταν ἐμπειρίαισ, ἔτι δὲ ταῖσ τῶν κυβερνητῶν τέχναισ προτεροῦντεσ, ἄπρακτον εἶχον τὴν ἐν τούτοισ ὑπεροχήν, τῆσ ναυμαχίασ ἐν στενῷ τόπῳ γινομένησ·

οἱ δὲ Συρακόσιοι συμπλεκόμενοι καὶ τοῖσ πολεμίοισ οὐδεμίαν διδόντεσ ἀναστροφήν, τούσ τε ἐπὶ τῶν καταστρωμάτων ἠκόντιζον καὶ λιθοβολοῦντεσ λιπεῖν ἠνάγκαζον τὰσ πρῴρασ, ἁπλῶσ δὲ πολλαῖσ τῶν ἐμπιπτουσῶν νεῶν ἐμβολὰσ διδόντεσ καὶ εἰσ τὰσ τῶν ἐναντίων ναῦσ εἰσαλλόμενοι πεζομαχίαν ἐν ταῖσ ναυσὶ συνίσταντο. θλιβόμενοι δὲ πανταχόθεν οἱ Ἀθηναῖοι πρὸσ φυγὴν ὡρ́μησαν·

οἱ δὲ Συρακόσιοι διώξαντεσ ἑπτὰ μὲν τριήρεισ κατέδυσαν, πολλὰσ δὲ ἀχρήστουσ ἐποίησαν. τῶν δὲ Συρακοσίων ἐπηρμένων ταῖσ ἐλπίσι διὰ τὸ καὶ κατὰ γῆν καὶ κατὰ θάλατταν τοὺσ πολεμίουσ νενικηκέναι, παρῆν Εὐρυμέδων καὶ Δημοσθένησ, καταπεπλευκότεσ μὲν ἐξ Ἀθηνῶν μετὰ δυνάμεωσ πολλῆσ, ἐν δὲ τῷ παράπλῳ παρὰ Θουρίων καὶ Μεσσαπίων προσειληφότεσ συμμαχίαν.

ἦγον δὲ τριήρεισ πλείουσ τῶν ὀγδοήκοντα, στρατιωτῶν δὲ χωρὶσ τῶν ἐν τοῖσ πληρώμασι πεντακισχιλίουσ·

ὅπλα δὲ καὶ χρήματα, πρὸσ δὲ τούτοισ τὰ πρὸσ πολιορκίαν ὄργανα καὶ τὴν ἄλλην παρασκευὴν ἐν στρογγύλοισ πλοίοισ ἐκόμιζον. δι’ ἣν αἰτίαν οἱ Συρακόσιοι πάλιν ἐταπεινοῦντο ταῖσ ἐλπίσι, νομίζοντεσ μηκέτι ῥᾳδίωσ ἐξισωθῆναι τοῖσ πολεμίοισ δυνήσεσθαι. Δημοσθένησ δὲ πείσασ τοὺσ συνάρχοντασ ἐπιθέσθαι ταῖσ Ἐπιπολαῖσ ‐ ἄλλωσ γὰρ οὐ δυνατὸν ἦν ἀποτειχίσαι τὴν πόλιν ‐ , ἀναλαβὼν μυρίουσ μὲν ὁπλίτασ, ἄλλουσ δὲ τοσούτουσ ψιλούσ, νυκτὸσ ἐπέθετο τοῖσ Συρακοσίοισ.

ἀπροσδοκήτου δὲ γενομένησ τῆσ ἐφόδου φρουρίων τέ τινων ἐκράτησαν καὶ παρεισπεσόντεσ ἐντὸσ τοῦ τειχίσματοσ τῆσ Ἐπιπολῆσ μέροσ τι τοῦ τείχουσ κατέβαλον. τῶν δὲ Συρακοσίων πανταχόθεν συνδραμόντων ἐπὶ τὸν τόπον, ἔτι δὲ Ἑρμοκράτουσ μετὰ τῶν ἐπιλέκτων ἐπιβοηθήσαντοσ, ἐξεώσθησαν οἱ Ἀθηναῖοι καὶ νυκτὸσ οὔσησ διὰ τὴν ἀπειρίαν τῶν τόπων ἄλλοι κατ’ ἄλλουσ τόπουσ ἐσκεδάσθησαν.

οἱ δὲ Συρακόσιοι μετὰ τῶν συμμάχων καταδιώξαντεσ, δισχιλίουσ μὲν καὶ πεντακοσίουσ τῶν πολεμίων ἀποκτείναντεσ, οὐκ ὀλίγουσ δὲ τραυματίασ ποιήσαντεσ, πολλῶν ὅπλων ἐκυρίευσαν.

μετὰ δὲ τὴν μάχην Συρακόσιοι μὲν Σικανὸν ἕνα τῶν στρατηγῶν μετὰ δώδεκα τριήρων ἀπέστειλαν εἰσ τὰσ ἄλλασ πόλεισ, τήν τε νίκην ἀπαγγελοῦντα τοῖσ συμμάχοισ καὶ βοηθεῖν ἀξιοῦντα.

Ἀθηναῖοι δέ, τῶν πραγμάτων αὐτοῖσ ἐπὶ τὸ χεῖρον ἐκβάντων καὶ διὰ τὸ τὸν περικείμενον τόπον ὑπάρχειν ἑλώδη λοιμικῆσ καταστάσεωσ εἰσ τὸ στρατόπεδον ἐμπεσούσησ, ἐβουλεύοντο, πῶσ δεῖ χρῆσθαι τοῖσ πράγμασιν.

Δημοσθένησ μὲν οὖν ᾤετο δεῖν ἀποπλεῖν τὴν ταχίστην εἰσ Ἀθήνασ φάσκων αἱρετώτερον εἶναι πρὸσ Λακεδαιμονίουσ ὑπὲρ τῆσ πατρίδοσ κινδυνεύειν ἢ καθημένουσ εἰσ Σικελίαν μηδὲν τῶν χρησίμων ἐπιτελεῖν·

ὁ δὲ Νικίασ οὐκ ἔφη δεῖν αἰσχρῶσ οὕτωσ ἐγκαταλιπεῖν τὴν πολιορκίαν, καὶ τριήρων καὶ στρατιωτῶν, ἔτι δὲ χρημάτων εὐποροῦντασ· πρὸσ δὲ τούτοισ, ἐὰν ἄνευ τῆσ τοῦ δήμου γνώμησ εἰρήνην ποιησάμενοι πρὸσ τοὺσ Συρακοσίουσ ἀποπλεύσωσιν εἰσ τὴν πατρίδα, κίνδυνον αὐτοῖσ ἐπακολουθήσειν ἀπὸ τῶν εἰωθότων τοὺσ στρατηγοὺσ συκοφαντεῖν. τῶν δὲ εἰσ τὸ συμβούλιον παρειλημμένων οἱ μὲν τῷ Δημοσθένει συγκατέθεντο περὶ τῆσ ἀναγωγῆσ, οἱ δὲ τῷ Νικίᾳ τὴν αὐτὴν γνώμην ἀπεφαίνοντο·

διόπερ οὐδὲν σαφὲσ ἐπικρίναντεσ ἐφ’ ἡσυχίασ ἔμενον. τοῖσ δὲ Συρακοσίοισ παραγενομένησ συμμαχίασ παρά τε Σικελῶν καὶ Σελινουντίων, ἔτι δὲ Γελῴων, πρὸσ δὲ τούτοισ Ἱμεραίων καὶ Καμαριναίων, οἱ μὲν Συρακόσιοι μᾶλλον ἐθάρρουν, οἱ δ’ Ἀθηναῖοι περιδεεῖσ ἐγίνοντο.

τῆσ δὲ νόσου μεγάλην ἐπίτασιν λαμβανούσησ πολλοὶ τῶν στρατιωτῶν ἀπέθνησκον, καὶ πάντεσ μετεμέλοντο διὰ τὸ μὴ πάλαι τὸν ἀπόπλουν πεποιῆσθαι. διὸ καὶ τοῦ πλήθουσ θορυβοῦντοσ, καὶ τῶν ἄλλων πάντων ἐπὶ τὰσ ναῦσ ὁρμώντων, ὁ Νικίασ ἠναγκάσθη συγχωρῆσαι περὶ τῆσ εἰσ οἶκον ἀναγωγῆσ.

ὁμογνωμόνων δὲ ὄντων τῶν στρατηγῶν, οἱ στρατιῶται τὰ σκεύη ἐνετίθεντο καὶ τὰσ τριήρεισ πληρώσαντεσ ᾖρον τὰσ κεραίασ· καὶ παρήγγειλαν οἱ στρατηγοὶ τοῖσ πλήθεσιν, ὅταν σημήνῃ, μηδένα τῶν κατὰ τὸ στρατόπεδον ὑστερεῖν, ὡσ ἀπολειφθησόμενον τὸν βραδύνοντα. μελλόντων δ’ αὐτῶν τῇ ὑστεραίᾳ πλεῖν, ἐξέλιπεν ἡ σελήνη τῆσ ἐπιούσησ νυκτόσ.

διόπερ ὁ Νικίασ, καὶ φύσει δεισιδαίμων ὑπάρχων καὶ διὰ τὴν ἐν τῷ στρατοπέδῳ νόσον εὐλαβῶσ διακείμενοσ, συνεκάλεσε τοὺσ μάντεισ. τούτων δ’ ἀποφηναμένων ἀναγκαῖον εἶναι τὰσ εἰθισμένασ τρεῖσ ἡμέρασ ἀναβαλέσθαι τὸν ἔκπλουν, ἠναγκάσθησαν καὶ οἱ περὶ τὸν Δημοσθένην συγκαταθέσθαι διὰ τὴν πρὸσ τὸ θεῖον εὐλάβειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 10

(디오도로스 시켈로스, Library, book xiii, chapter 10)

상위

목록

SEARCH

MENU NAVIGATION