호흡부호 보기
강세부호 보기
장단부호 보기
작은 Iota 보기
모든 부호 보기
ὡσ δ’ ἐπύθετο Ξέρξησ, δεινὰ ποιεύμενοσ τὸν Ἑλλήσποντον ἐκέλευσε τριηκοσίασ ἐπικέσθαι μάστιγι πληγὰσ καὶ κατεῖναι ἐσ τὸ πέλαγοσ πεδέων ζεῦγοσ. ἤδη δὲ ἤκουσα ὡσ καὶ στιγέασ ἅμα τούτοισι ἀπέπεμψε στίξοντασ τὸν Ἑλλήσποντον. ἐνετέλλετο δὲ ὦν ῥαπίζοντασ λέγειν βάρβαρά τε καὶ ἀτάσθαλα·
"ὦ πικρὸν ὕδωρ, δεσπότησ τοι δίκην ἐπιτιθεῖ τήνδε, ὅτι μιν ἠδίκησασ οὐδὲν πρὸσ ἐκείνου ἄδικον παθόν. καὶ βασιλεὺσ μὲν Ξέρξησ διαβήσεταί σε, ἤν τε σύ γε βούλῃ ἤν τε μή· σοὶ δὲ κατὰ δίκην ἄρα οὐδεὶσ ἀνθρώπων θύει ὡσ ἐόντι καὶ θολερῷ καὶ ἁλμυρῷ ποταμῷ. τήν τε δὴ θάλασσαν ἐνετέλλετο τούτοισι ζημιοῦν καὶ τῶν ἐπεστεώτων τῇ ζεύξι τοῦ Ἑλλησπόντου ἀποταμεῖν τὰσ κεφαλάσ.
호흡부호 보기
강세부호 보기
장단부호 보기
작은 Iota 보기
모든 부호 보기