헬라어 문장 검색 - Παυσαν́Δεσξριπ́2́17́

(파우사니아스, Description of Greece, Κορινθιακά, chapter 17)

Μυκηνῶν δὲ ἐν ἀριστερᾷ πέντε ἀπέχει καὶ δέκα στάδια τὸ Ἡραῖον. ῥεῖ δὲ κατὰ τὴν ὁδὸν ὕδωρ Ἐλευθέριον καλούμενον· χρῶνται δὲ αὐτῷ πρὸσ καθάρσια αἱ περὶ τὸ ἱερὸν καὶ τῶν θυσιῶν ἐσ τὰσ ἀπορρήτουσ. αὐτὸ δὲ τὸ ἱερόν ἐστιν ἐν χθαμαλωτέρῳ τῆσ Εὐβοίασ· τὸ γὰρ δὴ ὄροσ τοῦτο ὀνομάζουσιν Εὔβοιαν, λέγοντεσ Ἀστερίωνι γενέσθαι τῷ ποταμῷ θυγατέρασ Εὔβοιαν καὶ Πρόσυμναν καὶ Ἀκραίαν, εἶναι δὲ σφᾶσ τροφοὺσ τῆσ Ἥρασ· καὶ ἀπὸ μὲν Ἀκραίασ τὸ ὄροσ καλοῦσι τὸ ἀπαντικρὺ τοῦ Ἡραίου, ἀπὸ δὲ Εὐβοίασ ὅσον περὶ τὸ ἱερόν, Πρόσυμναν δὲ τὴν ὑπὸ τὸ Ἡραῖον χώραν.

ὁ δὲ Ἀστερίων οὗτοσ ῥέων ὑπὲρ τὸ Ἡραῖον ἐσ φάραγγα ἐσπίπτων ἀφανίζεται. φύεται δὲ αὐτοῦ πόα πρὸσ ταῖσ ὄχθαισ· ἀστερίωνα ὀνομάζουσι καὶ τὴν πόαν· τῇ Ἥρᾳ καὶ αὐτὴν φέρουσι καὶ ἀπὸ τῶν φύλλων αὐτῆσ στεφάνουσ πλέκουσιν.

ἀρχιτέκτονα μὲν δὴ γενέσθαι τοῦ ναοῦ λέγουσιν Εὐπόλεμον Ἀργεῖον·

ὁπόσα δὲ ὑπὲρ τοὺσ κίονάσ ἐστιν εἰργασμένα, τὰ μὲν ἐσ τὴν Διὸσ γένεσιν καὶ θεῶν καὶ γιγάντων μάχην ἔχει, τὰ δὲ ἐσ τὸν πρὸσ Τροίαν πόλεμον καὶ Ἰλίου τὴν ἅλωσιν. ἀνδριάντεσ τε ἑστήκασι πρὸ τῆσ ἐσόδου καὶ γυναικῶν, αἳ γεγόνασιν ἱέρειαι τῆσ Ἥρασ, καὶ ἡρώων ἄλλων τε καὶ Ὀρέστου· τὸν γὰρ ἐπίγραμμα ἔχοντα, ὡσ εἰή βασιλεὺσ Αὔγουστοσ, Ὀρέστην εἶναι λέγουσιν. ἐν δὲ τῷ προνάῳ τῇ μὲν Χάριτεσ ἀγάλματά ἐστιν ἀρχαῖα, ἐν δεξιᾷ δὲ κλίνη τῆσ Ἥρασ καὶ ἀνάθημα ἀσπὶσ ἣν Μενέλαόσ ποτε ἀφείλετο Εὔφορβον ἐν Ἰλίῳ. τὸ δὲ ἄγαλμα τῆσ Ἥρασ ἐπὶ θρόνου κάθηται μεγέθει μέγα, χρυσοῦ μὲν καὶ ἐλέφαντοσ, Πολυκλείτου δὲ ἔργον·

ἔπεστι δέ οἱ στέφανοσ Χάριτασ ἔχων καὶ Ὥρασ ἐπειργασμένασ, καὶ τῶν χειρῶν τῇ μὲν καρπὸν φέρει ῥοιᾶσ, τῇ δὲ σκῆπτρον. τὰ μὲν οὖν ἐσ τὴν ῥοιὰν ‐ ἀπορρητότεροσ γάρ ἐστιν ὁ λόγοσ ‐ ἀφείσθω μοι· κόκκυγα δὲ ἐπὶ τῷ σκήπτρῳ καθῆσθαί φασι λέγοντεσ τὸν Δία, ὅτε ἤρα παρθένου τῆσ Ἥρασ, ἐσ τοῦτον τὸν ὄρνιθα ἀλλαγῆναι, τὴν δὲ ἅτε παίγνιον θηρᾶσαι. τοῦτον τὸν λόγον καὶ ὅσα ἐοικότα εἴρηται περὶ θεῶν οὐκ ἀποδεχόμενοσ γράφω, γράφω δὲ οὐδὲν ἧσσον. λέγεται δὲ παρεστηκέναι τῇ Ἥρᾳ τέχνη Ναυκύδουσ ἄγαλμα Ἥβησ, ἐλέφαντοσ καὶ τοῦτο καὶ χρυσοῦ·

παρὰ δὲ αὐτήν ἐστιν ἐπὶ κίονοσ ἄγαλμα Ἥρασ ἀρχαῖον. τὸ δὲ ἀρχαιότατον πεποίηται μὲν ἐξ ἀχράδοσ, ἀνετέθη δὲ ἐσ Τίρυνθα ὑπὸ Πειράσου τοῦ Ἄργου, Τίρυνθα δὲ ἀνελόντεσ Ἀργεῖοι κομίζουσιν ἐσ τὸ Ἡραῖον· ὃ δὴ καὶ αὐτὸσ εἶδον, καθήμενον ἄγαλμα οὐ μέγα.

ἀναθήματα δὲ τὰ ἄξια λόγου βωμὸσ ἔχων ἐπειργασμένον τὸν λεγόμενον Ἥβησ καὶ Ἡρακλέουσ γάμον·

οὗτοσ μὲν ἀργύρου, χρυσοῦ δὲ καὶ λίθων λαμπόντων Ἀδριανὸσ βασιλεὺσ ταὼν <ἀνέθηκεν· > ἀνέθηκε δέ, ὅτι τὴν ὄρνιθα ἱερὰν τῆσ Ἥρασ νομίζουσι. κεῖται δὲ καὶ στέφανοσ χρυσοῦσ καὶ πέπλοσ πορφύρασ, Νέρωνοσ ταῦτα ἀναθήματα. ἔστι δὲ ὑπὲρ τὸν ναὸν τοῦτον τοῦ προτέρου ναοῦ θεμέλιά τε καὶ εἰ δή τι ἄλλο ὑπελίπετο ἡ φλόξ.

κατεκαύθη δὲ τὴν ἱέρειαν τῆσ Ἥρασ Χρυσηίδα ὕπνου καταλαβόντοσ, ὅτε ὁ λύχνοσ πρὸ τῶν στεφανωμάτων ἥπτετο. καὶ Χρυσηὶσ μὲν ἀπελθοῦσα ἐσ Τεγέαν τὴν Ἀθηνᾶν τὴν Ἀλέαν ἱκέτευεν· Ἀργεῖοι δὲ καίπερ κακοῦ τηλικούτου παρόντοσ σφίσι τὴν εἰκόνα οὐ καθεῖλον τῆσ Χρυσηίδοσ, ἀνάκειται δὲ καὶ ἐσ τόδε τοῦ ναοῦ τοῦ κατακαυθέντοσ ἔμπροσθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 17

(파우사니아스, Description of Greece, Κορινθιακά, chapter 17)

상위

목록

SEARCH

MENU NAVIGATION