호흡부호 보기
강세부호 보기
장단부호 보기
작은 Iota 보기
모든 부호 보기
οἱ δὲ Θηβαῖοι, τῶν ὁ Λεοντιάδησ ἐστρατήγεε, τέωσ μὲν μετὰ τῶν Ἑλλήνων ἐόντεσ ἐμάχοντο ὑπ’ ἀναγκαίησ ἐχόμενοι πρὸσ τὴν βασιλέοσ στρατιήν· ὡσ δὲ εἶδον κατυπέρτερα τῶν Περσέων γινόμενα τὰ πρήγματα, οὕτω δή, τῶν σὺν Λεωνίδῃ Ἑλλήνων ἐπειγομένων ἐπὶ τὸν κολωνόν, ἀποσχισθέντεσ τούτων χεῖράσ τε προέτεινον καὶ ἠίσαν ἆσσον τῶν βαρβάρων, λέγοντεσ τὸν ἀληθέστατον τῶν λόγων, ὡσ καὶ μηδίζουσι καὶ γῆν τε καὶ ὕδωρ ἐν πρώτοισι ἔδοσαν βασιλέι, ὑπὸ δὲ ἀναγκαίησ ἐχόμενοι ἐσ Θερμοπύλασ ἀπικοίατο καὶ ἀναίτιοι εἰε͂ν τοῦ τρώματοσ τοῦ γεγονότοσ βασιλέι.
호흡부호 보기
강세부호 보기
장단부호 보기
작은 Iota 보기
모든 부호 보기