헬라어 문장 검색 - ΗεροδόΤηεΗιστ́7́229́

(헤로도토스, The Histories, book 7, chapter 211)

ἐπείτε δὲ οἱ Μῆδοι τρηχέωσ περιείποντο, ἐνθαῦτα οὗτοι μὲν ὑπεξήισαν, οἱ δὲ Πέρσαι ἐκδεξάμενοι ἐπήισαν, τοὺσ ἀθανάτουσ ἐκάλεε βασιλεύσ, τῶν ἦρχε Ὑδάρνησ, ὡσ δὴ οὗτοί γε εὐπετέωσ κατεργασόμενοι. ὡσ δὲ καὶ οὗτοι συνέμισγον τοῖσι Ἕλλησι, οὐδὲν πλέον ἐφέροντο τῆσ στρατιῆσ τῆσ Μηδικῆσ ἀλλὰ τὰ αὐτά, ἅτε ἐν στεινοπόρῳ τε χώρῳ μαχόμενοι καὶ δόρασι βραχυτέροισι χρεώμενοι ἤ περ οἱ Ἕλληνεσ, καὶ οὐκ ἔχοντεσ πλήθεϊ χρήσασθαι.

Λακεδαιμόνιοι δὲ ἐμάχοντο ἀξίωσ λόγου, ἄλλα τε ἀποδεικνύμενοι ἐν οὐκ ἐπισταμένοισι μάχεσθαι ἐξεπιστάμενοι, καὶ ὅκωσ ἐντρέψειαν τὰ νῶτα, ἁλέεσ φεύγεσκον δῆθεν, οἱ δὲ βάρβαροι ὁρῶντεσ φεύγοντασ βοῇ τε καὶ πατάγῳ ἐπήισαν, οἳ δ’ ἂν καταλαμβανόμενοι ὑπέστρεφον ἀντίοι εἶναι τοῖσι βαρβάροισι, μεταστρεφόμενοι δὲ κατέβαλλον πλήθεϊ ἀναριθμήτουσ τῶν Περσέων·

ἔπιπτον δὲ καὶ αὐτῶν τῶν Σπαρτιητέων ἐνθαῦτα ὀλίγοι. ἐπεὶ δὲ οὐδὲν ἐδυνέατο παραλαβεῖν οἱ Πέρσαι τῆσ ἐσόδου πειρώμενοι καὶ κατὰ τέλεα καὶ παντοίωσ προσβάλλοντεσ, ἀπήλαυνον ὀπίσω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 211

(헤로도토스, The Histories, book 7, chapter 211)

상위

목록

SEARCH

MENU NAVIGATION