헬라어 문장 검색 - ΗεροδόΤηεΗιστ́7́175́

(헤로도토스, The Histories, book 7, chapter 157)

τοιούτῳ μὲν τρόπῳ τύραννοσ ἐγεγόνεε μέγασ ὁ Γέλων· τότε δ’ ὡσ οἱ ἄγγελοι τῶν Ἑλλήνων ἀπίκατο ἐσ τὰσ Συρηκούσασ, ἐλθόντεσ αὐτῷ ἐσ λόγουσ ἔλεγον τάδε. "ἔπεμψαν ἡμέασ Λακεδαιμόνιοι καὶ οἱ τούτων σύμμαχοι παραλαμψομένουσ σε πρὸσ τὸν βάρβαρον· τὸν γὰρ ἐπιόντα ἐπὶ τὴν Ἑλλάδα πάντωσ κου πυνθάνεαι, ὅτι Πέρσησ ἀνὴρ μέλλει, ζεύξασ τὸν Ἑλλήσποντον καὶ ἐπάγων πάντα τὸν ἠῷον στρατὸν ἐκ τῆσ Ἀσίησ, στρατηλατήσειν ἐπὶ τὴν Ἑλλάδα, πρόσχημα μὲν ποιεύμενοσ ὡσ ἐπ’ Ἀθήνασ ἐλαύνει, ἐν νόῳ δὲ ἔχων πᾶσαν τὴν Ἑλλάδα ὑπ’ ἑωυτῷ ποιήσασθαι. σὺ δὲ δυνάμιόσ τε γὰρ ἥκεισ μεγάλωσ καὶ μοῖρά τοι τῆσ Ἑλλάδοσ οὐκ ἐλαχίστη μέτα ἄρχοντί γε Σικελίησ, βοήθεέ τε τοῖσι ἐλευθεροῦσι τὴν Ἑλλάδα καὶ συνελευθέρου.

ἁλὴσ μὲν γὰρ γενομένη πᾶσα ἡ Ἑλλὰσ χεὶρ μεγάλη συνάγεται, καὶ ἀξιόμαχοι γινόμεθα τοῖσι ἐπιοῦσι· ἢν δὲ οἳ μὲν ἡμέων καταπροδιδῶσι οἳ δὲ μὴ θέλωσι τιμωρέειν, τὸ δὲ ὑγιαῖνον τῆσ Ἑλλάδοσ ᾖ ὀλίγον, τοῦτο δὲ ἤδη δεινὸν γίνεται μὴ πέσῃ πᾶσα ἡ Ἑλλάσ. μὴ γὰρ ἐλπίσῃσ, ἢν ἡμέασ καταστρέψηται ὁ Πέρσησ μάχῃ κρατήσασ, ὡσ οὐκὶ ἥξει παρὰ σέ γε, ἀλλὰ πρὸ τούτου φύλαξαι·

βοηθέων γὰρ ἡμῖν σεωυτῷ τιμωρέεισ. τῷ δὲ εὖ βουλευθέντι πρήγματι τελευτὴ ὡσ τὸ ἐπίπαν χρηστὴ ἐθέλει ἐπιγίνεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 157

(헤로도토스, The Histories, book 7, chapter 157)

상위

목록

SEARCH

MENU NAVIGATION