헬라어 문장 검색 - Διοδορ́Λιβραρψ́6́55́

(디오도로스 시켈로스, Library, book xiii, chapter 96)

εὐθὺ γὰρ τοὺσ χρημάτων μὲν ἐνδεεῖσ, τῇ δὲ ψυχῇ θρασεῖσ ἐπιλέξασ, ὑπὲρ τοὺσ χιλίουσ, ὅπλοισ τε πολυτελέσι καθώπλισε καὶ ταῖσ μεγίσταισ ἐπαγγελίαισ ἐμετεώρισε, τοὺσ δὲ μισθοφόρουσ ἀνακαλούμενοσ καὶ φιλανθρώποισ λόγοισ χρώμενοσ ἰδίουσ κατεσκεύαζεν. μετετίθει δὲ καὶ τὰσ τάξεισ, τοῖσ πιστοτάτοισ τὰσ ἡγεμονίασ παραδιδούσ, καὶ Δέξιππον τὸν Λακεδαιμόνιον ἀπέλυσεν εἰσ τὴν Ἑλλάδα· ὑφεωρᾶτο γὰρ τὸν ἄνδρα τοῦτον, μὴ καιροῦ λαμβανόμενοσ ἀνακτήσηται τοῖσ Συρακοσίοισ τὴν ἐλευθερίαν. μετεπέμψατο δὲ καὶ τοὺσ ἐν Γέλᾳ μισθοφόρουσ, καὶ πανταχόθεν συνῆγε τοὺσ φυγάδασ καὶ ἀσεβεῖσ, ἐλπίζων διὰ τούτων βεβαιότατα τηρηθήσεσθαι τὴν τυραννίδα.

οὐ μὴν ἀλλὰ παραγενόμενοσ εἰσ Συρακούσασ κατεσκήνωσεν ἐν τῷ ναυστάθμῳ, φανερῶσ αὑτὸν ἀναδείξασ τύραννον. οἱ δὲ Συρακόσιοι βαρέωσ φέροντεσ ἠναγκάζοντο τὴν ἡσυχίαν ἔχειν· οὐδὲν γὰρ ἔτι περαίνειν ἠδύναντο· ἥ τε γὰρ πόλισ ἔγεμεν ὅπλων ξενικῶν, τούσ τε Καρχηδονίουσ ἐδεδοίκεισαν τηλικαύτασ ἔχοντασ δυνάμεισ. ὁ δ’ οὖν Διονύσιοσ εὐθέωσ ἔγημε τὴν Ἑρμοκράτουσ θυγατέρα τοῦ καταπολεμήσαντοσ Ἀθηναίουσ, καὶ τὴν ἀδελφὴν ἔδωκε Πολυξένῳ τῆσ Ἑρμοκράτουσ γυναικὸσ ἀδελφῷ·

τοῦτο δ’ ἔπραξε βουλόμενοσ οἰκίαν ἐπίσημον εἰσ οἰκειότητα προσλαβέσθαι πρὸσ τὸ τὴν τυραννίδα ποιῆσαι βεβαίαν. μετὰ δὲ ταῦτα συναγαγὼν ἐκκλησίαν τῶν ἀντιπραξάντων αὐτῷ τοὺσ δυνατωτάτουσ ὄντασ, Δαφναῖον καὶ Δήμαρχον, ἀνεῖλεν. Διονύσιοσ μὲν οὖν ἐκ γραμματέωσ καὶ τοῦ τυχόντοσ ἰδιώτου τῆσ μεγίστησ πόλεωσ τῶν Ἑλληνίδων ἐγενήθη τύραννοσ·

διετήρησε δὲ τὴν δυναστείαν ἄχρι τῆσ τελευτῆσ, τυραννήσασ ἔτη δύο λείποντα τῶν τεσσαράκοντα. τὰσ δὲ κατὰ μέροσ αὐτοῦ πράξεισ καὶ τὴν αὔξησιν τῆσ ἀρχῆσ ἐν τοῖσ οἰκείοισ χρόνοισ διέξιμεν· δοκεῖ γὰρ οὗτοσ μεγίστην τῶν ἱστορουμένων τυραννίδα περιπεποιῆσθαι δι’ ἑαυτοῦ καὶ πολυχρονιωτάτην. οἱ δὲ Καρχηδόνιοι μετὰ τὴν ἅλωσιν τῆσ πόλεωσ τὰ μὲν ἀναθήματα καὶ τοὺσ ἀνδριάντασ καὶ τἄλλα τὰ πολυτελέστατα μετήνεγκαν εἰσ Καρχηδόνα, τὰ δ’ ἱερὰ κατακαύσαντεσ καὶ τὴν πόλιν διαρπάσαντεσ αὐτοῦ παρεχείμασαν.

ἐπὶ δὲ τὴν ἐαρινὴν ὡρ́αν παρεσκευάζοντο μηχανήματα καὶ βέλη παντοδαπά, διανοούμενοι πρώτην πολιορκῆσαι τὴν τῶν Γελῴων πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 96

(디오도로스 시켈로스, Library, book xiii, chapter 96)

상위

목록

SEARCH

MENU NAVIGATION