헬라어 문장 검색 - Διοδορ́Λιβραρψ́6́50́

(디오도로스 시켈로스, Library, book xiii, chapter 87)

Ἰμίλκων δὲ πυθόμενοσ τὴν τῶν πολεμίων ἔφοδον, ἀπέστειλεν αὐτοῖσ ἀπαντᾶν τούσ τε Ἴβηρασ καὶ Καμπανοὺσ καὶ τῶν ἄλλων οὐκ ἐλάττουσ τετρακισμυρίων. ἤδη δὲ τῶν Συρακοσίων τὸν Ἱμέραν ποταμὸν διαβεβηκότων ἀπήντησαν οἱ βάρβαροι, καὶ παρατάξεωσ γενομένησ ἐπὶ πολὺν χρόνον ἐνίκησαν οἱ Συρακόσιοι καὶ πλείουσ τῶν ἑξακισχιλίων ἀνεῖλον. τελέωσ δὲ ὅλον τὸ στρατόπεδον διέφθειραν ἂν καὶ μέχρι τῆσ πόλεωσ κατεδίωξαν, ἀλλὰ τῶν στρατιωτῶν ἀτάκτωσ διωκόντων ὁ στρατηγὸσ εὐλαβήθη, μήποτε μετὰ τοῦ λοιποῦ στρατεύματοσ Ἰμίλκασ ἐπιφανεὶσ ἀναλάβῃ τὴν ἧτταν.

καὶ γὰρ τοὺσ Ἱμεραίουσ ἐγίνωσκε παρὰ τὴν αὐτὴν αἰτίαν τοῖσ ὅλοισ ἐπταικότασ. οὐ μὴν ἀλλὰ τῶν βαρβάρων φευγόντων εἰσ τὴν πρὸσ Ἀκράγαντι παρεμβολήν, οἱ κατὰ τὴν πόλιν στρατιῶται θεωροῦντεσ τὴν τῶν Καρχηδονίων ἧτταν ἐδέοντο τῶν στρατηγῶν ἐξάγειν αὐτούσ, καιρὸν εἶναι φάσκοντεσ τοῦ φθεῖραι τὴν τῶν πολεμίων δύναμιν. οἱ δ’, εἴτε χρήμασιν ἐφθαρμένοι, καθάπερ ἦν λόγοσ, εἴτε φοβηθέντεσ μὴ τῆσ πόλεωσ ἐρημωθείσησ Ἰμίλκων αὐτὴν καταλάβηται, τῆσ ὁρμῆσ ἐπέσχον τοὺσ στρατιώτασ.

οἱ μὲν οὖν φεύγοντεσ μετὰ πάσησ ἀσφαλείασ διεσώθησαν εἰσ τὴν πρὸσ τῇ πόλει παρεμβολήν. ὁ δὲ Δαφναῖοσ μετὰ τῆσ δυνάμεωσ παραγενηθεὶσ εἰσ τὴν ὑπὸ τῶν βαρβάρων ἐκλελειμμένην στρατοπεδείαν, ἐν ταύτῃ παρενέβαλεν. εὐθὺ δὲ καὶ τῶν ἐκ τῆσ πόλεωσ στρατιωτῶν ἐπιμιχθέντων καὶ τοῦ Δεξίππου συγκαταβάντοσ αὐτοῖσ, ἀπὸ συνδρομῆσ εἰσ ἐκκλησίαν τὰ πλήθη συνῆλθεν·

πάντων δ’ ἀγανακτούντων ἐπὶ τῷ παρεῖσθαι τὸν καιρὸν καὶ κεκρατηκότασ τῶν βαρβάρων τὴν προσήκουσαν τιμωρίαν παρ’ αὐτῶν μὴ λαβεῖν, ἀλλὰ δυναμένουσ τοὺσ ἐκ τῆσ πόλεωσ στρατηγοὺσ ἐπεξελθεῖν καὶ διαφθεῖραι τὴν τῶν πολεμίων δύναμιν ἀφεικέναι τοσαύτασ μυριάδασ· θορύβου δὲ καὶ πολλῆσ κραυγῆσ ἐπεχούσησ τὴν ἐκκλησίαν, παρελθὼν Μένησ ὁ Καμαριναῖοσ ἐφ’ ἡγεμονίασ τεταγμένοσ κατηγόρησε τῶν Ἀκραγαντίνων στρατηγῶν καὶ πάντασ οὕτω παρώξυνεν, ὥστε τῶν κατηγορουμένων ἐγχειρούντων ἀπολογεῖσθαι μηδένα προσδέχεσθαι τοὺσ λόγουσ, καὶ τὸ πλῆθοσ ὁρμῆσαν ἐπὶ τὸ βάλλειν τοῖσ λίθοισ τέσσαρασ αὐτῶν καταλεῦσαι, τὸν δὲ πέμπτον, Ἀργεῖον καλούμενον, τὴν δ’ ἡλικίαν παντελῶσ ὄντα νεώτερον, ἀφεθῆναι·

βλασφημίασ δὲ τυγχάνειν καὶ τὸν Λακεδαιμόνιον Δέξιππον, ὅτι τεταγμένοσ ἐφ’ ἡγεμονίασ καὶ δοκῶν εἶναι τῶν πολεμικῶν ἔργων οὐκ ἄπειροσ τοῦτ’ ἔπραξε προδοσίασ ἕνεκα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 87

(디오도로스 시켈로스, Library, book xiii, chapter 87)

상위

목록

SEARCH

MENU NAVIGATION