헬라어 문장 검색 - Διοδορ́Λιβραρψ́6́47́

(디오도로스 시켈로스, Library, book xiii, chapter 79)

οἱ δὲ Πελοποννήσιοι τῆσ τῶν Ἀθηναίων φιλοτιμίασ ἐλείποντο οὐδέν. ταῖσ γὰρ ναυσὶν ἀθρόαισ ἐπιπλεύσαντεσ, καὶ τοὺσ ἀρίστουσ ἄνδρασ ἐπὶ τὰ καταστρώματα τάξαντεσ, τὴν ναυμαχίαν ἅμα καὶ πεζὴν ἐποιοῦντο μάχην· βιαζόμενοι γὰρ εἰσ τὰσ τῶν ἀντιτεταγμένων ναῦσ ταῖσ πρῴραισ ἐπέβαινον τετολμηκότωσ, ὡσ οὐχ ὑποστησομένων τὸ δεινὸν τῶν προηττημένων. οἱ δ’ Ἀθηναῖοι καὶ Μιτυληναῖοι μίαν ὁρῶντεσ ἀπολειπομένην σωτηρίαν τὴν ἐκ τῆσ νίκησ, εὐγενῶσ ἀποθνήσκειν ἔσπευδον ὑπὲρ τοῦ μὴ λιπεῖν τὴν τάξιν.

κατεχούσησ δὲ φιλοτιμίασ ἀνυπερβλήτου τὰ στρατόπεδα πολὺσ ἐγένετο φόνοσ, ἁπάντων ἀφειδῶσ τὰ σώματα τοῖσ κινδύνοισ παραρριπτόντων. οἱ μὲν γὰρ ἐπὶ τῶν καταστρωμάτων ὑπὸ τοῦ πλήθουσ τῶν εἰσ αὐτοὺσ φερομένων βελῶν κατετιτρώσκοντο, καὶ τινὲσ μὲν ἐπικαίρωσ πληγέντεσ ἔπιπτον εἰσ τὴν θάλατταν, τινὲσ δ’ οὐκ αἰσθανόμενοι θερμῶν ἔτι τῶν πληγῶν οὐσῶν διηγωνίζοντο·

πλεῖστοι δ’ ὑπὸ τῶν λιθοφόρων κεραιῶν ἔπιπτον, ὡσ ἂν ἐξ ὑπερδεξίων τόπων βαλλόντων λίθουσ ὑπερμεγέθεισ τῶν Ἀθηναίων. οὐ μὴν ἀλλὰ τῆσ μάχησ ἐπὶ πολὺν χρόνον γενομένησ, καὶ πολλῶν παρ’ ἀμφοτέροισ ἀπολλυμένων, ὁ Καλλικρατίδασ ἀνεκαλέσατο τῇ σάλπιγγι τοὺσ στρατιώτασ, βουλόμενοσ αὐτοὺσ διαναπαῦσαι.

μετὰ δέ τινα καιρὸν πάλιν πληρώσασ τὰσ ναῦσ, καὶ πολὺν διαγωνισάμενοσ χρόνον, μόγισ τῷ τε πλήθει τῶν νεῶν καὶ τῇ ῥώμῃ τῶν ἐπιβατῶν ἐξέωσε τοὺσ Ἀθηναίουσ.

ὧν συμφυγόντων εἰσ τὸν ἐν τῇ πόλει λιμένα, διέπλευσε τὰ διαφράγματα, καὶ καθωρμίσθη πλησίον τῆσ πόλεωσ τῶν Μιτυληναίων. ὁ γὰρ εἴσπλουσ ὑπὲρ οὗ διηγωνίζοντο λιμένα μὲν εἶχε καλόν, ἐκτὸσ δὲ τῆσ πόλεώσ ἐστιν.

ἡ μὲν γὰρ ἀρχαία πόλισ μικρὰ νῆσόσ ἐστιν, ἡ δ’ ὕστερον προσοικισθεῖσα τῆσ ἀντιπέραν ἐστὶ Λέσβου· ἀνὰ μέσον δ’ αὐτῶν ἐστιν εὔριποσ στενὸσ καὶ ποιῶν τὴν πόλιν ὀχυράν. ὁ δὲ Καλλικρατίδασ ἐκβιβάσασ τὴν δύναμιν περιεστρατοπέδευσε τὴν πόλιν, καὶ πανταχόθεν προσβολὰσ ἐποιεῖτο.

καὶ τὰ μὲν κατὰ τὴν Μιτυλήνην ἐν τούτοισ ἦν. κατὰ δὲ Σικελίαν Συρακόσιοι πέμψαντεσ εἰσ Καρχηδόνα πρέσβεισ περί τε τοῦ πολέμου κατεμέμφοντο καὶ τὸ λοιπὸν ἠξίουν παύσασθαι τῆσ διαφορᾶσ.

οἷσ οἱ Καρχηδόνιοι τὰσ ἀποκρίσεισ ἀμφιβόλουσ δόντεσ, ἐν μὲν τῇ Λιβύῃ μεγάλασ παρεσκευάζοντο δυνάμεισ, ἐπιθυμοῦντεσ ἁπάσασ τὰσ ἐν τῇ νήσῳ πόλεισ καταδουλώσασθαι· πρὶν ἢ δὲ τὰ στρατόπεδα διαβιβάζειν, καταλέξαντεσ τῶν πολιτῶν τινασ καὶ τῶν ἄλλων Λιβύων τοὺσ βουλομένουσ ἔκτισαν ἐν τῇ Σικελίᾳ πρὸσ αὐτοῖσ τοῖσ θερμοῖσ ὕδασι πόλιν, ὀνομάσαντεσ Θέρμα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 79

(디오도로스 시켈로스, Library, book xiii, chapter 79)

상위

목록

SEARCH

MENU NAVIGATION