헬라어 문장 검색 - Διοδορ́Λιβραρψ́6́24́

(디오도로스 시켈로스, Library, book xiii, chapter 45)

κατὰ δὲ τὴν Ἑλλάδα Δωριεὺσ ὁ Ῥόδιοσ, ναύαρχοσ ὢν τῶν ἐξ Ἰταλίασ τριήρων, ἐπειδὴ κατέστησε τὴν ἐν Ῥόδῳ ταραχήν, ἐξέπλευσεν ἐφ’ Ἑλλήσποντον, σπεύδων συμμῖξαι τῷ Μινδάρῳ· οὗτοσ γὰρ ἐν Ἀβύδῳ διατρίβων συνῆγε πανταχόθεν τὰσ συμμαχούσασ ναῦσ τοῖσ Πελοποννησίοισ. ἤδη δὲ τοῦ Δωριέωσ ὄντοσ περὶ τὸ Σίγειον τῆσ Τρῳάδοσ, οἱ περὶ Σηστὸν ὄντεσ Ἀθηναῖοι πυθόμενοι τὸν παράπλουν ἀνήχθησαν ἐπ’ αὐτοὺσ πάσαισ ταῖσ ναυσίν, οὔσαισ ἑβδομήκοντα καὶ τέσσαρσιν.

ὁ δὲ Δωριεὺσ μέχρι μέν τινοσ ἀγνοήσασ τὸ γινόμενον ἔπλει μετέωροσ·

κατανοήσασ δὲ τὸ μέγεθοσ τοῦ στόλου κατεπλάγη, καὶ σωτηρίαν ἄλλην οὐδεμίαν ὁρῶν κατέφυγεν εἰσ Δάρδανον. ἐκβιβάσασ δὲ τοὺσ στρατιώτασ καὶ τοὺσ φρουροῦντασ τὴν πόλιν προσλαβόμενοσ, βέλη τε παμπληθῆ ταχέωσ παρεκόμισε καὶ τῶν στρατιωτῶν οὓσ μὲν ἐπὶ τὰσ πρῴρασ ἐπέστησεν, οὓσ δ’ ἐπὶ τῆσ γῆσ εὐκαίρωσ ἔταξεν.

οἱ δ’ Ἀθηναῖοι κατὰ πολλὴν σπουδὴν καταπλεύσαντεσ ἐνεχείρησαν ἀποσπᾶν τὰσ ναῦσ, καὶ πανταχόθεν τῷ πλήθει περιχυθέντεσ κατεπόνουν τοὺσ ἐναντίουσ.

ἃ δὴ πυθόμενοσ Μίνδαροσ ὁ τῶν Πελοποννησίων ναύαρχοσ, εὐθέωσ ἐξ Ἀβύδου μετὰ παντὸσ ἀνήχθη τοῦ στόλου, καὶ κατέπλει πρὸσ τὸ Δαρδάνειον μετὰ νεῶν τεσσάρων πρὸσ ταῖσ ὀγδοήκοντα, βοηθήσων τοῖσ μετὰ τοῦ Δωριέωσ·

συμπαρῆν δὲ καὶ τὸ πεζὸν στράτευμα τοῦ Φαρναβάζου, βοηθοῦν τοῖσ Λακεδαιμονίοισ. ὡσ δ’ ἐγγὺσ ἀλλήλων ἐγενήθησαν οἱ στόλοι, διέταξαν ἀμφότεροι τὰσ τριήρεισ εἰσ ναυμαχίαν·

καὶ Μίνδαροσ μὲν ἔχων ἑπτὰ πρὸσ ταῖσ ἐνενήκοντα ναυσὶν ἐπὶ μὲν τὸ λαιὸν κέρασ ἔταξε Συρακοσίουσ, τοῦ δεξιοῦ δ’ αὐτὸσ εἶχε τὴν ἡγεμονίαν· τῶν δ’ Ἀθηναίων τοῦ μὲν δεξιοῦ μέρουσ Θρασύβουλοσ ἡγεῖτο, τοῦ δ’ ἑτέρου Θράσυλλοσ. τοῦτον δὲ τὸν τρόπον αὐτῶν ἐξηρτυμένων, οἱ μὲν ἡγεμόνεσ αὐτῶν ἦραν τὸ σύσσημον τῆσ μάχησ, οἱ σαλπικταὶ δὲ ἀφ’ ἑνὸσ παραγγέλματοσ ἤρξαντο σημαίνειν τὸ πολεμικόν·

καὶ τῶν μὲν ἐρετῶν οὐθὲν ἐλλειπόντων προθυμίασ, τῶν δὲ κυβερνητῶν ἐντέχνωσ τοῖσ οἰάξι χρωμένων, καταπληκτικὸν συνέβαινε γίνεσθαι τὸν ἀγῶνα. ὁπότε γὰρ αἱ τριήρεισ εἰσ ἐμβολὴν ἐπιφέροιντο, τηνικαῦτα οἱ κυβερνῆται πρὸσ αὐτὴν τὴν τοῦ καιροῦ ῥοπὴν ἐπέστρεφον τὰσ ναῦσ πραγματικῶσ, ὥστε τὰσ πληγὰσ γίνεσθαι κατ’ ἐμβολήν.

οἱ μὲν οὖν ἐπιβάται θεωροῦντεσ πλαγίασ τὰσ ἑαυτῶν ναῦσ συνεπιφερομένασ ταῖσ τῶν πολεμίων τριήρεσι, περιδεεῖσ ἐγίνοντο, περὶ σφῶν ἀγωνιῶντεσ·

ὁπότε δ’ οἱ κυβερνῆται ταῖσ ἐμπειρίαισ ἐκκρούσειαν τὰσ ἐπιφοράσ, πάλιν ἐγίνοντο περιχαρεῖσ καὶ μετέωροι ταῖσ ἐλπίσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 45

(디오도로스 시켈로스, Library, book xiii, chapter 45)

상위

목록

SEARCH

MENU NAVIGATION