헬라어 문장 검색 - Διοδορ́Λιβραρψ́6́10́

(디오도로스 시켈로스, Library, book xiii, chapter 19)

οἱ δὲ Συρακόσιοι πεντήκοντα μὲν τὰσ καταλειφθείσασ ναῦσ ἀναψάμενοι κατήγαγον εἰσ τὴν πόλιν, ἐκβιβάσαντεσ δ’ ἐκ τῶν τριήρων ἅπαντασ καὶ καθοπλίσαντεσ, μετὰ πάσησ τῆσ δυνάμεωσ ἠκολούθουν τοῖσ Ἀθηναίοισ, ἐξαπτόμενοι καὶ βαδίζειν εἰσ τοὔμπροσθεν διακωλύοντεσ. ἐπὶ τρεῖσ δ’ ἡμέρασ ἐπακολουθοῦντεσ καὶ πανταχόθεν περιλαμβάνοντεσ ἀπεῖργον εὐθυπορεῖν πρὸστὴν σύμμαχον Κατάνην, παλινοδίαν δὲ καταναγκάσαντεσ ποιήσασθαι διὰ τοῦ Ἐλωρίου πεδίου, πρὸσ τῷ Ἀσινάρῳ ποταμῷ περικυκλώσαντεσ ἀπέκτειναν μὲν μυρίουσ ὀκτακισχιλίουσ, ἐζώγρησαν δὲ ἑπτακισχιλίουσ, ἐν οἷσ καὶ τοὺσ στρατηγοὺσ Δημοσθένην καὶ Νικίαν·

οἱ δὲ λοιποὶ διηρπάσθησαν ὑπὸ τῶν στρατιωτῶν. οἱ γὰρ Ἀθηναῖοι πάντοθεν ἀποκλειομένησ τῆσ σωτηρίασ ἠναγκάσθησαν τὰ ὅπλα καὶ ἑαυτοὺσ παραδοῦναι τοῖσ πολεμίοισ.

τούτων δὲ πραχθέντων οἱ Συρακόσιοι στήσαντεσ δύο τρόπαια, καὶ τὰ τῶν στρατηγῶν ὅπλα πρὸσ ἑκάτερον προσηλώσαντεσ, ἀνέστρεψαν εἰσ τὴν πόλιν. τότε μὲν οὖν τοῖσ θεοῖσ ἔθυσαν πανδημεί, τῇ δ’ ὑστεραίᾳ συναχθείσησ ἐκκλησίασ ἐβουλεύοντο, πῶσ χρήσονται τοῖσ αἰχμαλώτοισ.

Διοκλῆσ δέ τισ, τῶν δημαγωγῶν ἐνδοξότατοσ ὤν, ἀπεφήνατο γνώμην ὡσ δέοι τοὺσ μὲν στρατηγοὺσ τῶν Ἀθηναίων μετ’ αἰκίασ ἀνελεῖν, τοὺσ δ’ ἄλλουσ αἰχμαλώτουσ ἐν μὲν τῷ παρόντι τεθῆναι πάντασ εἰσ τὰσ λατομίασ, μετὰ δὲ ταῦτα τοὺσ μὲν συμμαχήσαντασ τοῖσ Ἀθηναίοισ λαφυροπωλῆσαι, τοὺσ δ’ Ἀθηναίουσ ἐργαζομένουσ ἐν τῷ δεσμωτηρίῳ λαμβάνειν ἀλφίτων δύο κοτύλασ. ἀναγνωσθέντοσ δὲ τοῦ ψηφίσματοσ Ἑρμοκράτησ παρελθὼν εἰσ τὴν ἐκκλησίαν ἐνεχείρει λέγειν, ὡσ κάλλιόν ἐστι τοῦ νικᾶν τὸ τὴν νίκην ἐνεγκεῖν ἀνθρωπίνωσ.

θορυβοῦντοσ δὲ τοῦ δήμου καὶ τὴν δημηγορίαν οὐχ ὑπομένοντοσ, Νικόλαόσ τισ,ἐστερημένοσ ἐν τῷ πολέμῳ δυεῖν υἱῶν, ἀνέβαινεν ἐπὶ τὸ βῆμα κατεχόμενοσ ὑπὸ τῶν οἰκετῶν διὰ τὸ γῆρασ·

ὃν ὡσ εἶδεν ὁ δῆμοσ, ἔληξε τοῦ θορύβου, νομίζων κατηγορήσειν τῶν αἰχμαλώτων. γενομένησ οὖν σιωπῆσ ὁ πρεσβύτεροσ ἐντεῦθεν ἤρξατο τῶν λόγων. τῶν κατὰ τὸν πόλεμον ἀτυχημάτων, ἄνδρεσ Συρακόσιοι, μέροσ οὐκ ἐλάχιστον ἐγὼ μετέσχηκα·

δυεῖν γὰρ υἱῶν γενόμενοσ πατὴρ ἐξέπεμψα μὲν αὐτοὺσ εἰσ τὸν ὑπὲρ τῆσ πατρίδοσ κίνδυνον, ὑπεδεξάμην δ’ ἀντ’ αὐτῶν ἀγγελίαν, ἣ τὸν ἐκείνων θάνατον ἐμήνυεν. διὸ καὶ καθ’ ἡμέραν ἐπιζητῶν τὴν συμβίωσιν, καὶ τὴν τελευτὴν ἀναλογιζόμενοσ, ἐκείνουσ μὲν μακαρίζω, τὸν ἐμαυτοῦ δὲ βίον ἐλεῶ, πάντων ἡγούμενοσ εἶναι δυστυχέστατοσ.

ἐκεῖνοι μὲν γὰρ τὸν ὀφειλόμενον τῇ φύσει θάνατον εἰσ πατρίδοσ σωτηρίαν ἀναλώσαντεσ ἀθάνατον ἑαυτῶν δόξαν καταλελοίπασιν, ἐγὼ δ’ ἐπὶ τῆσ ἐσχάτησ ἡλικίασ ἔρημοσ ὢν τῶν θεραπευσόντων τὸ γῆρασ διπλοῦν ἔχω τὸ πένθοσ, τὴν συγγένειαν ἅμα καὶ ἀρετὴν ἐπιζητῶν·

ὅσῳ γὰρ εὐγενέστερον ἐτελεύτησαν, τοσούτῳ ποθεινοτέραν τὴν ὑπὲρ αὐτῶν μνήμην καταλελοίπασιν.

εἰκότωσ οὖν μισῶ τοὺσ Ἀθηναίουσ, δι’ ἐκείνουσ οὐχ ὑπὸ τῶν τέκνων, ἀλλ’ ὑπὸ οἰκετῶν, ὡσ ὁρᾶτε, χειραγωγούμενοσ. εἰ μὲν οὖν ἑώρων, ὦ ἄνδρεσ Συρακόσιοι, τὴν παροῦσαν ἐνεστηκέναι βουλὴν ὑπὲρ Ἀθηναίων, εἰκότωσ ἂν καὶ διὰ τὰσ κοινὰσ τῆσ πατρίδοσ συμφορὰσ καὶ διὰ τὰσ ἰδίασ ἀτυχίασ πικρῶσ ἂν αὐτοῖσ προσηνέχθην·

ἐπεὶ δ’ ἅμα τῷ πρὸσ τοὺσ ἠτυχηκότασ ἐλέῳ κρίνεται τό τε κοινῇ συμφέρον καὶ ἡ πρὸσ ἅπαντασ ἀνθρώπουσ ὑπὲρ τοῦ δήμου τῶν Συρακοσίων ἐξενεχθησομένη δόξα, ἀκέραιον ποιήσομαι τὴν τοῦ συμφέροντοσ συμβουλίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 19

(디오도로스 시켈로스, Library, book xiii, chapter 19)

상위

목록

SEARCH

MENU NAVIGATION