헬라어 문장 검색 - Πλυταρ́Πομπεψ́76́

(플루타르코스, Pompey, chapter 76)

ἀναλαβὼν δὲ τὴν γυναῖκα καὶ τοὺσ φίλουσ ἐκομίζετο, προσίσχων ὁρ́μοισ ἀναγκαίοισ ὕδωρ ἢ ἀγορὰν ἔχουσιν. εἰσ δὲ πόλιν εἰσῆλθε πρώτην Ἀττάλειαν τῆσ Παμφυλίασ, ἐνταῦθα δὲ αὐτῷ καὶ τριήρεισ τινὲσ ἀπήντησαν ἐκ Κιλικίασ καὶ στρατιῶται συνελέγοντο καὶ τῶν συγκλητικῶν πάλιν ἑξήκοντα περὶ αὐτὸν ἦσαν. ἀκούων δὲ καὶ τὸ ναυτικὸν ἔτι συνεστάναι, καὶ Κάτωνα πολλοὺσ στρατιώτασ ἀνειληφότα περαιοῦν εἰσ Λιβύην, ὠδύρετο πρὸσ τοὺσ φίλουσ, καταμεμφόμενοσ ἑαυτὸν ἐκβιασθέντα τῷ πεζῷ συμβαλεῖν, τῇ δὲ κρείττονι ἀδηρίτωσ δυνάμει πρὸσ μηδὲν ἀποχρήσασθαι μηδὲ περιορμίσαι τὸ ναυτικόν, ὅπου κατὰ γῆν σφαλεὶσ εὐθὺσ ἂν εἶχεν ἀντίπαλον ἐκ θαλάττησ παρεστῶσαν ἀλκὴν καὶ δύναμιν τοσαύτην.

οὐδὲν γὰρ ἁμάρτημα Πομπηϊού μεῖζον οὐδὲ δεινότερον στρατήγημα Καίσαροσ ἢ τὸ τὴν μάχην οὕτω μακρὰν ἀποσπάσασθαι τῆσ ναυτικῆσ βοηθείασ, οὐ μὴν ἀλλ’ ἐκ τῶν παρόντων κρίνειν τι καὶ πράττειν ἀναγκαζόμενοσ, ἐπὶ τὰσ πόλεισ περιέπεμπε τὰσ δ’ αὐτὸσ περιπλέων ᾔτει χρήματα καὶ ναῦσ ἐπλήρου.

τὴν δ’ ὀξύτητα τοῦ πολεμίου καὶ τὸ τάχοσ δεδοικώσ, μὴ προαναρπάσῃ τῆσ παρασκευῆσ αὐτὸν ἐπελθών, ἐσκόπει καταφυγὴν ἐπὶ τῷ παρόντι καὶ ἀναχώρησιν. δυνάμεωσ τῶν δ’ ἄλλων οἱ μὲν εἰσ Λιβύην καὶ Ιὄβαν ἔτρεπον τὴν γνώμην, Θεοφάνει δὲ τῷ Λεσβίῳ μανικὸν ἐδόκει τριῶν ἡμερῶν πλοῦν ἀπέχουσαν Αἴγυπτον ἀπολιπόντα καὶ Πτολεμαῖον, ἡλικίαν μὲν ἀντίπαιδα, φιλίασ δὲ καὶ χάριτοσ πατρῴασ ὑπόχρεων, Πάρθοισ ὑποβαλεῖν ἑαυτόν, ἀπιστοτάτῳ γένει, καὶ Ῥωμαίῳ μὲν ἀνδρὶ κηδεστῇ γενομένῳ τὰ δεύτερα λέγοντα πρῶτον εἶναι τῶν ἄλλων μὴ θέλειν μηδὲ πειρᾶσθαι τῆσ ἐκείνου μετριότητοσ, Ἀρσάκην δὲ ποιεῖσθαι κύριον ἑαυτοῦ τὸν μηδὲ Κράσσου δυνηθέντα ζῶντοσ·

καὶ γυναῖκα νέαν οἴκου τοῦ Σκηπίωνοσ εἰσ βαρβάρουσ κομίζειν ὕβρει καὶ ἀκολασίᾳ τὴν ἐξουσίαν μετροῦντασ, ᾗ, κἂν μὴ πάθῃ, δόξῃ δὲ παθεῖν, δεινόν ἐστιν ἐπὶ τοῖσ ποιῆσαι δυναμένοισ γενομένῃ, τοῦτο μόνον, ὥσ φασιν, ἀπέτρεψε τῆσ ἐπὶ τὸν Εὐφράτην ὁδοῦ Πομπήϊον εἰ δή τισ ἔτι Πομπηϊού λογισμόσ, ἀλλ’ οὐχὶ δαίμων ἐκείνην ὑφηγεῖτο τὴν ὁδόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 76

(플루타르코스, Pompey, chapter 76)

상위

목록

SEARCH

MENU NAVIGATION