호흡부호 보기
강세부호 보기
장단부호 보기
작은 Iota 보기
모든 부호 보기
τραπομένων δὲ τούτων, ὡσ κατεῖδε τὸν κονιορτὸν ὁ Πομπήϊοσ καὶ τὸ περὶ τοὺσ ἱππέασ πάθοσ εἴκασεν, ᾧ μὲν ἐχρήσατο λογισμῷ χαλεπὸν εἰπεῖν, μάλιστα δὲ ὅμοιοσ παράφρονι καὶ παραπλῆγι τὴν διάνοιαν, καὶ μηδ’ ὅτι Μάγνοσ ἐστὶ Πομπήϊοσ ἐννοοῦντι, μηδένα προσειπὼν ἀπῄει βάδην εἰσ τὸν χάρακα, πάνυ τοῖσ ἔπεσι πρέπων ἐκείνοισ· Ζεὺσ δὲ πατὴρ Αἰάνθ’ ὑψίζυγοσ ἐν φόβον ὦρσε·
στῆ δὲ ταφών, ὄπιθεν δὲ σάκοσ βάλεν ἑπταβόειον, τρέσσε δὲ παπτήνασ ἐφ’ ὁμίλου. "οὐκοῦν καὶ ἐπὶ τὴν παρεμβολήν ; ἄλλο δὲ μηδὲν εἰπών ἀναστὰσ καὶ λαβὼν ἐσθῆτα τῇ παρούσῃ τύχῃ πρέπουσαν ὑπεξῆλθεν. ἔφυγε δὲ καὶ τὰ λοιπὰ τάγματα, καὶ φόνοσ ἐν τῷ στρατοπέδῳ πολὺσ ἐγένετο σκηνοφυλάκων καὶ θεραπόντων στρατιώτασ δὲ μόνουσ ἑξακισχιλίουσ πεσεῖν φησιν Ἀσίννιοσ Πολλίων, μεμαχημένοσ ἐκείνην τὴν μάχην μετὰ Καίσαροσ.
αἱροῦντεσ δὲ τὸ στρατόπεδον ἐθεῶντο τὴν ἄνοιαν καὶ κουφότητα τῶν πολεμίων, πᾶσα γὰρ σκηνὴ μυρσίναισ κατέστεπτο καὶ στρωμναῖσ ἀνθιναῖσ ἤσκητο καὶ τραπέζαισ ἐκπωμάτων μεσταῖσ καὶ κρατῆρεσ οἴνου προὔκειντο, καὶ παρασκευὴ καὶ κόσμοσ ἦν τεθυκότων καὶ πανηγυριζόντων μᾶλλον ἢ πρὸσ μάχην ἐξοπλιζομένων.
οὕτω ταῖσ ἐλπίσι διεφθαρμένοι καὶ γέμοντεσ ἀνοήτου θράσουσ ἐπὶ τὸν πόλεμον ἐχώρουν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기