헬라어 텍스트

Plutarch, Pompey, chapter 72

(플루타르코스, Pompey, chapter 72)

τραπομένων δὲ τούτων, ὡσ κατεῖδε τὸν κονιορτὸν ὁ Πομπήϊοσ καὶ τὸ περὶ τοὺσ ἱππέασ πάθοσ εἴκασεν, ᾧ μὲν ἐχρήσατο λογισμῷ χαλεπὸν εἰπεῖν, μάλιστα δὲ ὅμοιοσ παράφρονι καὶ παραπλῆγι τὴν διάνοιαν, καὶ μηδ’ ὅτι Μάγνοσ ἐστὶ Πομπήϊοσ ἐννοοῦντι, μηδένα προσειπὼν ἀπῄει βάδην εἰσ τὸν χάρακα, πάνυ τοῖσ ἔπεσι πρέπων ἐκείνοισ· Ζεὺσ δὲ πατὴρ Αἰάνθ’ ὑψίζυγοσ ἐν φόβον ὦρσε·

στῆ δὲ ταφών, ὄπιθεν δὲ σάκοσ βάλεν ἑπταβόειον, τρέσσε δὲ παπτήνασ ἐφ’ ὁμίλου. "οὐκοῦν καὶ ἐπὶ τὴν παρεμβολήν ; ἄλλο δὲ μηδὲν εἰπών ἀναστὰσ καὶ λαβὼν ἐσθῆτα τῇ παρούσῃ τύχῃ πρέπουσαν ὑπεξῆλθεν. ἔφυγε δὲ καὶ τὰ λοιπὰ τάγματα, καὶ φόνοσ ἐν τῷ στρατοπέδῳ πολὺσ ἐγένετο σκηνοφυλάκων καὶ θεραπόντων στρατιώτασ δὲ μόνουσ ἑξακισχιλίουσ πεσεῖν φησιν Ἀσίννιοσ Πολλίων, μεμαχημένοσ ἐκείνην τὴν μάχην μετὰ Καίσαροσ.

αἱροῦντεσ δὲ τὸ στρατόπεδον ἐθεῶντο τὴν ἄνοιαν καὶ κουφότητα τῶν πολεμίων, πᾶσα γὰρ σκηνὴ μυρσίναισ κατέστεπτο καὶ στρωμναῖσ ἀνθιναῖσ ἤσκητο καὶ τραπέζαισ ἐκπωμάτων μεσταῖσ καὶ κρατῆρεσ οἴνου προὔκειντο, καὶ παρασκευὴ καὶ κόσμοσ ἦν τεθυκότων καὶ πανηγυριζόντων μᾶλλον ἢ πρὸσ μάχην ἐξοπλιζομένων.

οὕτω ταῖσ ἐλπίσι διεφθαρμένοι καὶ γέμοντεσ ἀνοήτου θράσουσ ἐπὶ τὸν πόλεμον ἐχώρουν.