헬라어 문장 검색 - Πλυταρ́Πομπεψ́58́

(플루타르코스, Pompey, chapter 58)

ἤδη δὲ καὶ Καῖσαρ ἐπεφύετο τοῖσ πράγμασιν ἐρρωμενέστερον, αὐτὸσ μὲν οὐκέτι μακρὰν τῆσ Ἰταλίασ ἀπαίρων, εἰσ δὲ τὴν πόλιν ἀεὶ τοὺσ στρατιώτασ ἀποστέλλων ἀρχαιρεσιάσοντασ, χρήμασι δὲ πολλοὺσ ὑποικουρῶν καὶ διαφθείρων ἄρχοντασ· "ἀλλὰ τοῦτο δώσει.

καὶ τὰ πραττόμενα καὶ τὰ παρασκευαζόμενα ταύτην εἶχε τὴν διάνοιαν. αἱ μέντοι Κουρίωνοσ ἀξιώσεισ καὶ παρακλήσεισ ὑπὲρ Καίσαροσ ἐφαίνοντο δημοτικώτεραι.

δυεῖν γὰρ ἠξίου θάτερον, ἢ καὶ Πομπήϊον ἀπαιτεῖν ἢ μηδὲ Καίσαροσ ἀφαιρεῖσθαι τὸ στρατιωτικόν ἢ γὰρ ἰδιώτασ γενομένουσ ἐπὶ τοῖσ δικαίοισ ἢ μένοντασ ἀντιπάλουσ ἐφ’ οἷσ ἔχουσιν ἀτρεμήσειν ὁ δὲ τὸν ἕτερον ἀσθενῆ ποιῶν ἣν φοβεῖται δύναμιν διπλασιάζει, πρὸσ ταῦτα Μαρκέλλου τοῦ ὑπάτου λῃστὴν ἀποκαλοῦντοσ τὸν Καίσαρα, καὶ ψηφίζεσθαι πολέμιον κελεύοντοσ εἰ μὴ καταθήσεται τὰ ὅπλα, Κουρίων ὅμωσ ἴσχυσε μετὰ Ἀντωνίου καὶ Πείσωνοσ ἐξελέγξαι τὴν σύγκλητον, ἐκέλευσε γὰρ μεταστῆναι τοὺσ Καίσαρα μόνον τὰ ὅπλα καταθέσθαι κελεύοντασ, Πομπήϊον δὲ ἄρχειν· καὶ μετέστησαν οἱ πλείουσ.

αὖθισ δὲ μεταστῆναι κελεύσαντοσ ὅσοισ ἀμφοτέρουσ ἀρέσκει τὰ ὅπλα καταθέσθαι καὶ μηδέτερον ἄρχειν, Πομπηϊῴ μὲν εἴκοσι καὶ δύο μόνον, Κουρίωνι δὲ πάντεσ οἱ λοιποὶ προσέθεντο.

κἀκεῖνοσ μὲν ὡσ νενικηκὼσ λαμπρὸσ ὑπὸ χαρᾶσ εἰσ τὸν δῆμον ἐξήλατο, κρότῳ καὶ βολαῖσ στεφάνων καὶ ἀνθῶν δεξιούμενον αὐτόν, ἐν δὲ τῇ βουλῇ Πομπήϊοσ οὐ παρῆν οἱ γὰρ ἄρχοντεσ στρατοπέδων εἰσ τὴν πόλιν οὐκ εἰσίασι. Μάρκελλοσ δὲ ἀναστὰσ οὐκ ἔφη λόγων ἀκροάσεσθαι καθήμενοσ, ἀλλ’ ὁρῶν ὑπερφαινόμενα τῶν Ἄλπεων ἤδη δέκα τάγματα βαδίζειν, καὶ αὐτὸσ ἐκπέμψειν τὸν ἀντιταξόμενον αὐτοῖσ ὑπὲρ τῆσ πατρίδοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Pompey, chapter 58

(플루타르코스, Pompey, chapter 58)

상위

목록

SEARCH

MENU NAVIGATION