헬라어 문장 검색 - Πλυταρ́Πομπεψ́28́

(플루타르코스, Pompey, chapter 28)

οἱ δὲ πλεῖστοι καὶ δυνατώτατοι γενεὰσ μὲν αὑτῶν καὶ χρήματα καὶ τὸν ἄχρηστον ὄχλον ἐν φρουρίοισ καὶ πολίσμασι καρτεροῖσ περὶ τὸν Ταῦρον εἶχον ἀποκείμενα, τὰσ δὲ ναῦσ πληρώσαντεσ αὐτοὶ περὶ τὸ Κορακήσιον τῆσ Κιλικίασ ἐπιπλέοντα τὸν Πομπήϊον ἐδέξαντο· καὶ μάχησ γενομένησ νικηθέντεσ ἐπολιορκοῦντο. τέλοσ δὲ πέμψαντεσ ἱκετηρίασ παρέδωκαν ἑαυτοὺσ καὶ πόλεισ καὶ νήσουσ ὧν ἐπεκράτουν ἐντειχισάμενοι, χαλεπὰσ βιασθῆναι καὶ δυσπροσπελάστουσ. κατελύθη μὲν οὖν ὁ πόλεμοσ καὶ τὰ πανταχοῦ λῃστήρια τῆσ θαλάσσησ ἐξέπεσεν οὐκ ἐν πλείονι χρόνῳ τριῶν μηνῶν, ναῦσ δὲ πολλὰσ μὲν ἄλλασ, ἐνενήκοντα δὲ χαλκεμβόλουσ παρέλαβεν.

αὐτοὺσ δὲ δισμυρίων πλείονασ γενομένουσ ἀνελεῖν μὲν οὐδὲ ἐβουλεύσατο, μεθεῖναι δὲ καὶ περιϊδεῖν σκεδασθέντασ ἢ συστάντασ αὖθισ, ἀπόρουσ καὶ πολεμικοὺσ καὶ πολλοὺσ ὄντασ, οὐκ ᾤετο καλῶσ ἔχειν. ἐννοήσασ οὖν ὅτι φύσει μὲν ἄνθρωποσ οὔτε γέγονεν οὔτ’ ἔστιν ἀνήμερον ζῷον οὐδ’ ἄμικτον, ἀλλ’ ἐξίσταται τῇ κακίᾳ παρὰ φύσιν χρώμενοσ, ἔθεσι δὲ καὶ τόπων καὶ βίων μεταβολαῖσ ἐξημεροῦται, καὶ θηρία δὲ διαίτησ κοινωνοῦντα πρᾳοτέρασ ἐκδύεται τὸ ἄγριον καὶ χαλεπόν, ἔγνω τοὺσ ἄνδρασ εἰσ γῆν μεταφέρειν ἐκ τῆσ θαλάσσησ καὶ βίου γεύειν ἐπιεικοῦσ, συνεθισθέντασ ἐν πόλεσιν οἰκεῖν καὶ γεωργεῖν.

ἐνίουσ μὲν οὖν αἱ μικραὶ καὶ ὑπέρημοι τῶν Κιλίκων πόλεισ ἐδέξαντο καὶ κατέμιξαν ἑαυταῖσ χώραν προσλαβοῦσαι, τὴν δὲ Σολίων ἠρημωμένην ἔναγχοσ ὑπὸ Τιγράνου τοῦ Ἀρμενίων βασιλέωσ ἀναλαβὼν ἵδρυσε πολλοὺσ ἐν αὐτῇ.

τοῖσ δὲ πολλοῖσ οἰκητήριον ἔδωκε Δύμην τὴν Ἀχαΐδα, χηρεύουσαν ἀνδρῶν τότε, γῆν δὲ πολλὴν καὶ ἀγαθὴν ἔχουσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 28

(플루타르코스, Pompey, chapter 28)

상위

목록

SEARCH

MENU NAVIGATION