헬라어 문장 검색 - Πλυταρ́Πομπεψ́77́

(플루타르코스, Pompey, chapter 77)

ὡσ δ’ οὖν ἐνίκα φεύγειν εἰσ τὴν Αἴγυπτον, ἀναχθεὶσ ἀπὸ Κύπρου Σελευκίδι τριήρει μετὰ τῆσ γυναικόσ τῶν δ’ ἄλλων οἱ μὲν ἐν μακραῖσ ὁμοίωσ ναυσίν, οἱ δὲ ἐν ὁλκάσιν ἅμα συμπαρέπλεον, τὸ μὲν πέλαγοσ διεπέρασεν ἀσφαλῶσ, πυθόμενοσ δὲ τὸν Πτολεμαῖον ἐν Πηλουσίῳ καθῆσθαι μετὰ στρατιᾶσ, πολεμοῦντα πρὸσ τὴν ἀδελφήν, ἐκεῖ κατέσχε, προπέμψασ τὸν φράσοντα τῷ βασιλεῖ καὶ δεησόμενον. ὁ μὲν οὖν Πτολεμαῖοσ ἦν κομιδῇ νέοσ·

ὁ δὲ πάντα διέπων τὰ πράγματα Ποθεινὸσ ἤθροισε βουλὴν τῶν δυνατωτάτων ἐδύναντο δὲ μέγιστον οὓσ ἐκεῖνοσ ἐβούλετο· καὶ λέγειν ἐκέλευσεν ἣν ἔχει γνώμην ἕκαστοσ, ἦν οὖν δεινὸν περὶ Πομπηϊού Μάγνου βουλεύεσθαι Ποθεινὸν τὸν εὐνοῦχον καὶ Θεόδοτον τὸν Χῖον, ἐπὶ μισθῷ ῥητορικῶν λόγων διδάσκαλον ἀνειλημμένον, καὶ τὸν Αἰγύπτιον Ἀχιλλᾶν κορυφαιότατοι γὰρ ἦσαν ἐν κατευνασταῖσ καὶ τιθηνοῖσ τοῖσ ἄλλοισ οὗτοι σύμβουλοι. καὶ τοιούτου δικαστηρίου ψῆφον Πομπήϊοσ ἐπ’ ἀγκυρῶν πρόσω τῆσ χώρασ ἀποσαλεύων περιέμενεν, ὃν Καίσαρι σωτηρίασ χάριν οὐκ ἦν ἄξιον ὀφείλειν.

τῶν μὲν οὖν ἄλλων τοσοῦτον αἱ γνῶμαι διέστησαν ὅσον οἱ μὲν ἀπελαύνειν ἐκέλευον, οἱ δὲ καλεῖν καὶ δέχεσθαι τὸν ἄνδρα· Θεόδοτοσ δὲ δεινότητα λόγου καὶ ῥητορείαν ἐπιδεικνύμενοσ οὐδέτερον ἀπέφηνεν ἀσφαλέσ, ἀλλὰ δεξαμένουσ μὲν ἕξειν Καίσαρα πολέμιον καὶ δεσπότην Πομπήϊον, ἀπωσαμένουσ δὲ καὶ Πομπηϊῴ τῆσ ἐκβολῆσ ὑπαιτίουσ ἔσεσθαι καὶ Καίσαρι τῆσ διώξεωσ·

κράτιστον οὖν εἶναι μεταπεμψαμένουσ ἀνελεῖν τὸν ἄνδρα· καὶ γὰρ ἐκείνῳ χαριεῖσθαι καὶ τοῦτον οὐ φοβήσεσθαι. προσεπεῖπε δὲ διαμειδιάσασ, ὥσ φασιν, ὅτι νεκρὸσ οὐ δάκνει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 77

(플루타르코스, Pompey, chapter 77)

상위

목록

SEARCH

MENU NAVIGATION