Plutarch, Pompey, chapter 38

(플루타르코스, Pompey, chapter 38)

ἐντεῦθεν εἰσ Ἀμισὸν ἐλθὼν ὁ Πομπήϊοσ πάθοσ νεμεσητὸν ὑπὸ φιλοτιμίασ ἔπαθε. πολλὰ γὰρ τὸν Λεύκολλον ἐπικερτομήσασ, ὅτι τοῦ πολεμίου ζῶντοσ ἔγραφε διατάξεισ καὶ δωρεὰσ ἔνεμε καὶ τιμάσ, ἃ συνῃρημένου πολέμου καὶ πέρασ ἔχοντοσ εἰώθασι ποιεῖν οἱ νενικηκότεσ, αὐτὸσ ἐν Βοσπόρῳ Μιθριδάτου κρατοῦντοσ καὶ συνειλοχότοσ ἀξιόμαχον δύναμιν, ὡσ δὴ συντετελεσμένων ἁπάντων, ἔπραττε ταὐτά, διακοσμῶν τὰσ ἐπαρχίασ καὶ διανέμων δωρεάσ, πολλῶν μὲν ἡγεμόνων καὶ δυναστῶν, βασιλέων δὲ δώδεκα βαρβάρων ἀφιγμένων πρὸσ αὐτόν, ὅθεν οὐδὲ ἠξίωσε τὸν Πάρθον ἀντιγράφων, ὥσπερ οἱ λοιποί, βασιλέα βασιλέων προσαγορεῦσαι, τοῖσ ἄλλοισ χαριζόμενοσ. αὐτὸν δέ τισ ἔρωσ καὶ ζῆλοσ εἶχε Συρίαν ἀναλαβεῖν καὶ διὰ τῆσ ’ Ἀραβίασ ἐπὶ τὴν ἐρυθρὰν ἐλάσαι θάλασσαν, ὡσ τῷ περιϊόντι τὴν οἰκουμένην πανταχόθεν Ὠκεανῷ προσμίξειε νικῶν καὶ γὰρ ἐν Λιβύῃ πρῶτοσ ἄχρι τῆσ ἐκτὸσ θαλάσσησ κρατῶν προῆλθε, καὶ τὴν ἐν Ἰβηρίᾳ, πάλιν ἀρχὴν ὡρίσατο Ῥωμαίοισ τῷ Ἀτλαντικῷ πελάγει, καὶ τρίτον ἔναγχοσ Ἀλβανοὺσ διώκων ὀλίγον ἐδέησεν ἐμβαλεῖν εἰσ τὴν Ὑρκανίαν θάλασσαν, ὡσ οὖν συνάψων τῇ ἐρυθρᾷ τὴν περίοδον τῆσ στρατείασ ἀνίστατο.

καὶ γὰρ ἄλλωσ τὸν Μιθριδάτην ἑώρα δυσθήρατον ὄντα τοῖσ ὅπλοισ καὶ φεύγοντα χαλεπώτερον ἢ μαχόμενον.

일치하는 문장이 없습니다.

SEARCH

MENU NAVIGATION