Plutarch, Pompey, chapter 15

(플루타르코스, Pompey, chapter 15)

Σύλλασ δὲ ἠνιᾶτο μὲν ὁρῶν εἰσ ὅσον δόξησ πρόεισι καί δυνάμεωσ, αἰσχυνόμενοσ δὲ κωλύειν ἡσυχίαν ἦγε· "ὦ νεανία, χαίροντα τῇ νίκῃ·

"πῶσ γὰρ οὐχὶ γενναῖα ταῦτα καί καλά, Κάτλου τὸν πάντων ἀρίστου Λέπιδον τὸν πάντων κάκιστον ἀποδειχθῆναι πρότερον ὕπατον, σοῦ τὸν δῆμον οὕτω παρασκευάσαντοσ; "ὡρ́α μέντοι σοι μὴ καθεύδειν, ἀλλὰ προσέχειν τοῖσ πράγμασιν· "ἰσχυρότερον γὰρ τὸν ἀνταγωνιστὴν σεαυτῷ κατεσκεύακασ. ἐδήλωσε δὲ μάλιστα Σύλλασ ὅτι πρὸσ Πομπήϊον οὐκ εὐμενῶσ εἶχε ταῖσ διαθήκαισ ἃσ ἔγραψεν. ἑτέροισ γὰρ φίλοισ δωρεὰσ ἀπολιπών, καί τοῦ παιδὸσ ἀποδείξασ ἐπιτρόπουσ, τὸν Πομπήϊον ὅλωσ παρῆλθεν.

ἤνεγκε μέντοι τοῦτο μετρίωσ πάνυ καί πολιτικῶσ ἐκεῖνοσ, ὥστε Λεπίδου καί τινων ἄλλων ἐνισταμένων μὴ ταφῆναι τὸν νεκρὸν ἐν τῷ πεδίῳ, μηδὲ δημοσίᾳ τὴν ἐκφορὰν γενέσθαι, βοηθῆσαι καί παρασχεῖν δόξαν ἅμα ταῖσ ταφαῖσ καί ἀσφάλειαν.

일치하는 문장이 없습니다.

SEARCH

MENU NAVIGATION