호흡부호 보기
강세부호 보기
장단부호 보기
작은 Iota 보기
모든 부호 보기
"ἐγὼ γεγονότα συστρατιώτην ἐμὸν ἀμφιγνοῶ ; κἀκεῖνοσ ἐπένευσε τῇ κεφαλῇ μόνον, οὐδὲν προσειπὼν οὐδὲ φιλοφρονηθείσ, πολλῆσ οὖν πάλιν οὔσησ σιωπῆσ ὁ Πομπήϊοσ ἔχων ἐν βιβλίῳ μικρῷ γεγραμμένον ὑπ’ αὐτοῦ λόγον Ἑλληνικόν, ᾧ παρεσκεύαστο χρῆσθαι πρὸσ τὸν Πτολεμαῖον, ἀνεγίνωσκεν.
ὡσ δὲ τῇ γῇ προσεπέλαζον, ἡ μὲν Κορνηλία μετὰ τῶν φίλων ἐκ τῆσ τριήρουσ περιπαθὴσ οὖσα τὸ μέλλον ἀπεσκοπεῖτο, καὶ θαρρεῖν ἤρχετο πολλοὺσ ὁρῶσα πρὸσ τὴν ἀπόβασιν τῶν βασιλικῶν οἱο͂ν ἐπὶ τιμῇ καὶ δεξιώσει συνερχομένουσ, ἐν τούτῳ δὲ τὸν Πομπήϊον τῆσ τοῦ Φιλίππου λαμβανόμενον χειρόσ, ὅπωσ ῥᾷον ἐξανασταίη, Σεπτίμιοσ ὄπισθεν τῷ ξίφει διελαύνει πρῶτοσ, εἶτα Σάλβιοσ μετ’ ἐκεῖνον, εἶτα Ἀχιλλᾶσ ἐσπάσαντο τὰσ μαχαίρασ.
δὲ ταῖσ χερσὶν ἀμφοτέραισ τὴν τήβεννον ἐφελκυσάμενοσ κατὰ τοῦ προσώπου, μηδὲν εἰπὼν ἀνάξιον ἑαυτοῦ μηδὲ ποιήσασ, ἀλλὰ στενάξασ μόνον, ἐνεκαρτέρησε ταῖσ πληγαῖσ, ἑξήκοντα μὲν ἑνὸσ δέοντα βεβιωκὼσ ἔτη, μιᾷ δ’ ὕστερον ἡμέρᾳ τῆσ γενεθλίου τελευτήσασ τὸν βίον.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기