Plutarch, Pompey, chapter 31

(플루타르코스, Pompey, chapter 31)

ἀμέλει δὲ καὶ τὰ ἔργα ταχέωσ αὑτὸν ἀπεκάλυπτε, πανταχοῦ γὰρ ἐκτιθεὶσ διαγράμματα τοὺσ στρατιώτασ ἀνεκαλεῖτο καὶ μετεπέμπετο τοὺσ ὑπηκόουσ δυνάστασ καὶ βασιλεῖσ ὡσ ἑαυτόν, ἐπιών τε τὴν χώραν οὐδὲν ἀκίνητον εἰά τῶν ὑπὸ τοῦ Λευκόλλου γεγονότων, ἀλλὰ καὶ κολάσεισ ἀνῆκε πολλοῖσ καὶ δωρεὰσ ἀφείλετο καὶ πάντα ὅλωσ ἔπραττεν ἐπιδεῖξαι τὸν ἄνδρα φιλονεικῶν τοῖσ θαυμάζουσιν οὐδενὸσ ὄντα κύριον. ἐγκαλοῦντοσ δ’ ἐκεῖνον διὰ τῶν φίλων, ἔδοξε συνελθεῖν εἰσ ταὐτό·

καὶ συνῆλθον περὶ τὴν Γαλατίαν. οἱᾶ δὲ μεγίστων στρατηγῶν καὶ μέγιστα κατωρθωκότων δάφναισ ἀνεστεμμένασ ἔχοντεσ ὁμοῦ καὶ τὰσ ῥάβδουσ οἱ ὑπηρέται ἀπήντων ἀλλὰ Λεύκολλοσ μὲν ἐκ τόπων χλοερῶν καὶ κατασκίων προσῄει, Πομπήϊοσ δὲ πολλὴν ἄδενδρον καὶ κατεψυγμένην ἔτυχε διεληλυθώσ. ἰδόντεσ οὖν οἱ τοῦ Λευκόλλου ῥαβδοφόροι τὸν Πομπηϊού τὰσ δάφνασ ἀθαλλεῖσ καὶ μεμαραμμένασ παντάπασιν, ἐκ τῶν ἰδίων προσφάτων οὐσῶν μεταδιδόντεσ ἐπεκόσμησαν καὶ κατέστεψαν τὰσ ἐκεῖνον ῥάβδουσ.

ὃ σημεῖον ἔδοξεν εἶναι τοῦ τὰ Λευκόλλου νικητήρια καὶ τὴν δόξαν οἰσόμενον ἔρχεσθαι Πομπήϊον· ἦν δὲ Λεύκολλοσ μὲν ἐν ὑπατείασ τε τάξει καὶ καθ’ ἡλικίαν πρεσβύτεροσ, τὸ δὲ τὸν Πομπηϊού μεῖζον ἀξίωμα τοῖσ δνσὶ θριάμβοισ.

οὐ μὴν ἀλλὰ τὴν πρώτην ἔντευξιν ὡσ ἐνῆν μάλιστα πολιτικῶσ καὶ φιλοφρόνωσ ἐποιήσαντο, μεγαλύνοντεσ ἀλλήλων τὰ ἔργα καὶ συνηδόμενοι τοῖσ κατορθώμασιν ἐν δὲ τοῖσ λόγοισ πρὸσ οὐδὲν ἐπιεικὲσ οὐδὲ μέτριον συμβάντεσ, ἀλλὰ καὶ λοιδορήσαντεσ, ὁ μὲν εἰσ φιλαργυρίαν τὸν Λεύκολλον, ὁ δὲ εἰσ φιλαρχίαν ἐκεῖνον, ὑπὸ τῶν φίλων μόλισ διελύθησαν. πρὸσ δὲ τούτοισ διασύρων τὰ ἔργα ἐμφανῶσ ἔλεγε τραγῳδίαισ καὶ σκιαγραφίαισ πεπολεμηκέναι βασιλικαῖσ τὸν Λεύκολλον, αὑτῷ δὲ πρὸσ ἀληθινὴν καὶ σεσωφρονισμένην τὸν ἀγῶνα λείπεσθαι δύναμιν, εἰσ θυρεοὺσ καὶ ξίφη καὶ ἵππουσ Μιθριδάτου καταφεύγοντοσ, ἀμυνόμενοσ δὲ ὁ Λεύκολλοσ εἰδώλῳ καὶ σκιᾷ πολέμου τὸν Πομπήϊον ἔφη μαχούμενον βαδίζειν, εἰθισμένον ἀλλοτρίοισ νεκροῖσ, ὥσπερ ὄρνιν ἀργόν, ἐπικαταίρειν καὶ λείψανα πολέμων σπαράσσειν.

οὕτω γὰρ αὑτὸν ἐπιγράψαι Σερτωρίῳ, Λεπίδῳ, τοῖσ Σπαρτακείοισ, τὰ μὲν Κράσσου, τὰ δὲ Μετέλλου, τὰ δὲ Κάτλου κατωρθωκότοσ.

ὅθεν οὐ θαυμάζειν εἰ τῶν Ἀρμενιακῶν καὶ Ποντικῶν πολέμων ὑποβάλλεται τὴν δόξαν, ἄνθρωποσ ἑαυτὸν εἰσ δραπετικὸν θρίαμβον ἁμῶσ γέ πωσ ἐμβαλεῖν μηχανησάμενοσ.

일치하는 문장이 없습니다.

SEARCH

MENU NAVIGATION