Ancient Greek Text

Plutarch, Pompey, chapter 59

(플루타르코스, Pompey, chapter 59)

ἐκ τούτου τὰσ ἐσθῆτασ ὡσ ἐπὶ πένθει μετεβάλοντο. "ὦ Πομπήϊε, βοηθεῖν τῇ πατρίδι καὶ χρῆσθαι ταῖσ παρεσκευασμέναισ δυνάμεσι καὶ καταλέγειν ἑτέρασ. τὰ δ’ αὐτὰ ταῦτα καὶ Λέντλοσ ἔλεγε, τῶν ἀποδεδειγμένων εἰσ τὸ μέλλον ὑπάτων ἅτεροσ. ἀρξαμένου δὲ τοῦ Πομπηϊού καταλέγειν οἱ μὲν οὐχ ὑπήκουον, ὀλίγοι δὲ γλίσχρωσ καὶ ἀπροθύμωσ συνῄεσαν, οἱ δὲ πλείουσ διαλύσεισ ἐβόων.

καὶ γὰρ ἀνέγνω τινὰ Καίσαροσ ἐπιστολὴν Ἀντώνιοσ ἐν τῷ δήμῳ, βιασάμενοσ τὴν βουλήν, ἔχουσαν ἐπαγωγοὺσ ὄχλου προκλήσεισ, ἠξίου γὰρ ἀμφοτέρουσ ἐκβάντασ τῶν ἐπαρχιῶν καὶ τὰσ στρατιωτικὰσ δυνάμεισ ἀφέντασ ἐπὶ τῷ δήμῳ γενέσθαι καὶ τῶν πεπραγμένων εὐθύνασ ὑποσχεῖν. οἱ δὲ περὶ Λέντλον ὑπατεύοντεσ ἤδη βουλὴν οὐ συνῆγον ἄρτι δὲ ἐκ Κιλικίασ ἀφιγμένοσ Κικέρων ἔπραττε διαλλαγάσ, ὅπωσ Καῖσαρ, ἐξελθὼν Γαλατίασ καὶ τὴν ἄλλην στρατιὰν ἀφεὶσ πᾶσαν, ἐπὶ δυσὶ τάγμασι καὶ τῷ Ἰλλυρικῷ τὴν δευτέραν ὑπατείαν περιμένῃ.

Πομπηϊού δὲ δυσκολαίνοντοσ ἐπείσθησαν οἱ Καίσαροσ φίλοι θάτερον ἀφεῖναι·

Λέντλου δὲ ἀντικρούσαντοσ καὶ Κάτωνοσ αὖθισ ἁμαρτάνειν τὸν Πομπήϊον ἐξαπατώμενον βοῶντοσ οὐκ ἔσχον αἱ διαλύσεισ πέρασ.