헬라어 문장 검색 - Πλυταρ́Πομπεψ́70́

(플루타르코스, Pompey, chapter 70)

ἤδη δὲ συνθήματοσ διδομένου παρὰ ἀμφοτέρων καί τῆσ σάλπιγγοσ ἀρχομένησ ἐγκελεύεσθαι πρὸσ τὴν σύστασιν, τῶν μὲν πολλῶν ἕκαστοσ ἐσκόπει τὸ καθ’ αὑτόν, ὀλίγοι δὲ Ῥωμαίων οἱ βέλτιστοι καί τινεσ Ἑλλήνων παρόντεσ ἔξω τῆσ μάχησ, ὡσ ἐγγὺσ ἦν τὸ δεινόν, ἐλογίζοντο τὴν πλεονεξίαν καί φιλονεικίαν, ὅπου φέρουσα τὴν ἡγεμονίαν ἐξέθηκεν. ὅπλα γὰρ συγγενικὰ καί τάξεισ ἀδελφαὶ καί κοινὰ σημεῖα καί μιᾶσ πόλεωσ εὐανδρία τοσαύτη καί δύναμισ αὐτὴ πρὸσ ἑαυτὴν συνέπιπτεν, ἐπιδεικνυμένη τὴν ἀνθρωπίνην φύσιν, ὡσ ἐν πάθει γενομένη τυφλόν ἐστι καὶ μανιῶδεσ, ἦν μὲν γὰρ ἤδη καθ’ ἡσυχίαν χρῄζουσιν ἄρχειν καί ἀπολαύειν τῶν κατειργασμένων τὸ πλεῖστον καί κράτιστον ἀρετῇ γῆσ καί θαλάσσησ ὑπήκοον, ἦν δ’ ἔτι τροπαίων καί θριάμβων ἔρωτι βουλομένουσ χαρίζεσθαι καί διψῶντασ ἐμπίπλασθαι Παρθικῶν πολέμων ἢ Γερμανικῶν.

πολὺ δὲ καί Σκυθία λειπόμενον ἔργον καί Ἰνδοί, καὶ πρόφασισ οὐκ ἄδοξοσ ἐπὶ ταῦτα τῆσ πλεονεξίασ ἡμερῶσαι τὰ βαρβαρικά, τίσ δ’ ἂν ἢ Σκυθῶν ἵπποσ ἢ τοξεύματα Πάρθων ἢ πλοῦτοσ Ἰνδῶν ἐπέσχε μυριάδασ ἑπτὰ Ῥωμαίων ἐν ὅπλοισ ἐπερχομένασ Πομπηϊού καί Καίσαροσ ἡγουμένων, ὧν ὄνομα πολὺ πρότερον ἤκουσαν ἢ τὸ Ῥωμαίων;

οὕτωσ ἄμικτα καί ποικίλα καί θηριώδη φῦλα νικῶντεσ ἐπῆλθον. τότε δὲ ἀλλήλοισ μαχούμενοι συνῄεσαν, οὐδὲ τὴν δόξαν αὑτῶν, δι’ ἣν τῆσ πατρίδοσ ἠφείδουν, οἰκτείραντεσ, ἄχρι τῆσ ἡμέρασ ἐκείνησ ἀνικήτων προσαγορευομένων.

ἡ μὲν γὰρ γενομένη συγγένεια καί τὰ Ιοὐλίασ φίλτρα καί γάμοσ ἐκεῖνοσ εὐθὺσ ἦν ἀπατηλὰ καί ὕποπτα κοινωνίασ ἐπὶ χρείᾳ συνισταμένησ ὁμηρεύματα, φιλίασ δ’ ἀληθινῆσ οὐ μετέσχεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 70

(플루타르코스, Pompey, chapter 70)

상위

목록

SEARCH

MENU NAVIGATION