헬라어 문장 검색 - Πλυταρ́Πομπεψ́32́

(플루타르코스, Pompey, chapter 32)

ἐκ τούτου Λεύκολλοσ μὲν ἀπῆρε, Πομπήϊοσ δὲ τῷ στόλῳ παντὶ τὴν μεταξὺ Φοινίκησ καὶ Βοσπόρου θάλασσαν ἐπὶ φρουρᾷ διαλαβών, αὐτὸσ ἐβάδιζεν ἐπὶ Μιθριδάτην, ἔχοντα τρισμυρίουσ πεζοὺσ ἐν φάλαγγι καὶ δισχιλίουσ ἱππεῖσ, μάχεσθαι δὲ μὴ θαρροῦντα. καὶ πρῶτον μὲν αὐτοῦ καρτερὸν ὄροσ καὶ δύσμαχον, ἐν ᾧ στρατοπεδεύων ἔτυχεν, ὡσ ἄνυδρον ἐκλιπόντοσ, αὐτὸ τοῦτο κατασχὼν ὁ Πομπήϊοσ, καὶ τῇ φύσει τῶν βλαστανόντων καὶ ταῖσ συγκλινίαισ τῶν τόπων τεκμαιρόμενοσ ἔχειν πηγὰσ τὸ χωρίον, ἐκέλευσεν ἐκβαλεῖν πανταχοῦ φρέατα, καὶ μεστὸν ἦν εὐθὺσ ὕδατοσ ἀφθόνου τὸ στρατόπεδον, ὥστε θαυμάζειν εἰ τῷ παντὶ χρόνῳ τοῦτο Μιθριδάτησ ἠγνόησεν.

ἔπειτα περιστρατοπεδεύσασ περιετείχιζεν αὐτόν.

ὁ δὲ πέντε καὶ τετταράκοντα πολιορκηθεὶσ ἡμέρασ ἔλαθεν ἀποδρὰσ μετὰ τῆσ ἐρρωμενεστάτησ δυνάμεωσ, κτείνασ τοὺσ ἀχρήστουσ καὶ νοσοῦντασ. εἶτα μέντοι περὶ τὸν Εὐφράτην καταλαβὼν αὐτὸν ὁ Πομπήϊοσ παρεστρατοπέδευσε· καὶ δεδιὼσ μὴ φθάσῃ περάσασ τὸν Εὐφράτην, ἐκ μέσων νυκτῶν ἐπῆγεν ὠιτλισμένην τὴν στρατιάν καθ’ ὃν χρόνον λέγεται τὸν Μιθριδάτην ὄψιν ἐν ὕπνοισ ἰδεῖν τὰ μέλλοντα προδηλοῦσαν. ἐδόκει γὰρ οὐρίῳ πνεύματι πλέων τὸ Ποντικὸν πέλαγοσ ἤδη Βόσπορον καθορᾶν καὶ φιλοφρονεῖσθαι τοὺσ συμπλέοντασ, ὡσ ἄν τισ ἐπὶ σωτηρίᾳ σαφεῖ καὶ βεβαίῳ χαίρων ἄφνω δὲ ἀναφανῆναι πάντων ἔρημοσ ἐπὶ λεπτοῦ ναυαγίου διαφερόμενοσ.

ἐν τοιούτοισ δὲ αὐτὸν ὄντα πάθεσι καὶ φάσμασιν ἐπιστάντεσ ἀνέστησαν οἱ φίλοι, φράζοντεσ ἐπιέναι Πομπήϊον. ἦν οὖν ἐξ ἀνάγκησ μαχητέον ὑπὲρ τοῦ χάρακοσ, καὶ προαγαγόντεσ οἱ στρατηγοὶ τὴν δύναμιν ἔταξαν, αἰσθόμενοσ δὲ τὴν παρασκευὴν αὐτῶν ὁ Πομπήϊοσ ὤκνει κατὰ σκότοσ εἰσ κίνδυνον ἐλθεῖν, καὶ κύκλῳ μόνον ᾤετο δεῖν περιελαύνειν, ὅπωσ μὴ φεύγοιεν, ἡμέρασ δὲ κρείττουσ ὄντασ ἐπιχειρεῖν.

οἱ δὲ πρεσβύτατοι τῶν ταξιαρχῶν δεόμενοι καὶ παρακαλοῦντεσ ἐξώρμησαν αὐτόν οὐδὲ γὰρ σκότοσ ἦν παντάπασιν, ἀλλὰ ἡ σελήνη καταφερομένη παρεῖχεν ἔτι τῶν σωμάτων ἱκανὴν ἔποψιν. καὶ τοῦτο μάλιστα τοὺσ βασιλικοὺσ ἔσφηλεν. ἐπῄεσαν μὲν γὰρ οἱ Ῥωμαῖοι κατὰ νώτου τὴν σελήνην ἔχοντεσ·

πεπιεσμένου δὲ περὶ τὰσ δύσεισ τοῦ φωτόσ, αἱ σκιαὶ πολὺ τῶν σωμάτων ἔμπροσθεν προϊοῦσαι τοῖσ πολεμίοισ ἐπέβαλλον, οὐ δυναμένοισ τὸ διάστημα συνιδεῖν ἀκριβῶσ ἀλλ’ ὡσ ἐν χερσὶν ἤδη γεγονότων τοὺσ ὑσσοὺσ ἀφέντεσ μάτην οὐδενὸσ ἐφίκοντο. τοῦτο συνιδόντεσ οἱ Ῥωμαῖοι μετὰ κραυγῆσ ἐπέδραμον, καὶ μηκέτι μένειν τολμῶντασ, ἀλλ’ ἐκπεπληγμένουσ καὶ φεύγοντασ ἔκτεινον, ὥστε πολὺ πλείονασ μυρίων ἀποθανεῖν, ἁλῶναι δὲ τὸ στρατόπεδον.

αὐτὸσ δὲ Μιθριδάτησ ἐν ἀρχῇ μὲν ὀκτακοσίοισ ἱππεῦσι διέκοψε καὶ διεξήλασε τοὺσ Ῥωμαίουσ, ταχὺ δὲ τῶν ἄλλων σκεδασθέντων ἀπελείφθη μετὰ τριῶν, ἐν οἷσ ἦν Ὑψικράτεια παλλακίσ, ἀεὶ μὲν ἀνδρώδησ τισ οὖσα καὶ παράτολμοσ· Ὑψικράτην γοῦν αὐτὴν ὁ βασιλεὺσ ἐκάλει·

τότε δὲ ἀνδρὸσ ἔχουσα Πέρσου στολὴν καὶ ἵππον οὔτε τῷ σώματι πρὸσ τὰ μήκη τῶν δρόμων ἀπηγόρευσεν οὔτε θεραπεύουσα τοῦ βασιλέωσ τὸ σῶμα καὶ τὸν ἵππον ἐξέκαμεν, ἄχρι ἧκον εἰσ χωρίον Σίνωρα χρημάτων καὶ κειμηλίων βασιλικῶν μεστόν. ἐξ οὗ λαβὼν ὁ Μιθριδάτησ ἐσθῆτασ πολυτελεῖσ διένειμε τοῖσ συνδεδραμηκόσι πρὸσ αὐτὸν ἐκ τῆσ φυγῆσ, ἔδωκε δὲ καὶ τῶν φίλων ἑκάστῳ φορεῖν θανάσιμον φάρμακον, ὅπωσ ἄκων μηδεὶσ ὑποχείριοσ γένοιτο τοῖσ πολεμίοισ.

ἐντεῦθεν ὡρ́μητο μὲν ἐπ’ Ἀρμενίασ πρὸσ Τιγράνην, ἐκείνου δὲ ἀπαγορεύοντοσ καὶ τάλαντα ἑκατὸν ἐπικηρύξαντοσ αὐτῷ, παραμειψάμενοσ τὰσ πηγὰσ τοῦ Εὐφράτου διὰ τῆσ Κολχίδοσ ἔφευγε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 32

(플루타르코스, Pompey, chapter 32)

상위

목록

SEARCH

MENU NAVIGATION