Plutarch, Pompey, chapter 30

(플루타르코스, Pompey, chapter 30)

ἀπαγγελθέντοσ δὲ εἰσ Ῥώμην πέρασ ἔχειν τὸν πειρατικὸν πόλεμον καὶ σχολὴν ἄγοντα τὸν Πομπήϊον ἐπέρχεσθαι τὰσ πόλεισ, γράφει νόμου εἷσ τῶν δημάρχων Μάλλιοσ, ὅσησ Λεύκολλοσ ἄρχει χώρασ καὶ δυνάμεωσ, Πομπήϊον παραλαβόντα πᾶσαν, προσλαβόντα δὲ καὶ Βιθυνίαν, ἣν ἔχει Γλαβρίων, πολεμεῖν Μιθριδάτῃ καὶ Τιγράνῃ τοῖσ βασιλεῦσιν, ἔχοντα καὶ τὴν ναυτικὴν δύναμιν καὶ τὸ κράτοσ τῆσ θαλάσσησ ἐφ’ οἷσ ἔλαβεν ἐξ ἀρχῆσ. τοῦτο δ’ ἦν ἐφ’ ἑνὶ συλλήβδην γενέσθαι τὴν Ῥωμαίων ἡγεμονίαν ὧν γὰρ ἐδόκει μόνων ἐπαρχιῶν μὴ ἐφικνεῖσθαι τῷ προτέρῳ νόμῳ, Φρυγίασ, Λυκαονίασ, Γαλατίασ, Καππαδοκίασ, Κιλικίασ, τῆσ ἄνω Κολχίδοσ, Ἀρμενίασ, αὗται προσετίθεντο μετὰ στρατοπέδων καὶ δυνάμεων αἷσ Λεύκολλοσ κατεπολέμησε Μιθριδάτην καὶ Τιγράνην.

ἀλλὰ Λευκόλλου μὲν ἀποστερουμένου τὴν δόξαν ὧν κατειργάσατο καὶ θριάμβου μᾶλλον ἢ πολέμου διαδοχὴν λαμβάνοντοσ, ἥττων λόγοσ ἦν τοῖσ ἀριστοκρατικοῖσ, καίπερ οἰομένοισ ἄδικα καὶ ἀχάριστα πάσχειν τὸν ἄνδρα, τὴν δὲ δύναμιν τοῦ Πομπηϊού βαρέωσ φέροντεσ ὡσ τυραννίδα καθισταμένην, ἰδίᾳ παρεκάλουν καὶ παρεθάρρυνον αὑτοὺσ ἐπιλαβέσθαι τοῦ νόμου καὶ μὴ προέσθαι τὴν ἐλευθερίαν.

τὸν δῆμον φοβηθέντεσ ἐξέλιπον καὶ κατεσιώπησαν οἱ λοιποί, Κάτλοσ δὲ τὸν νόμου πολλὰ κατηγορήσασ καὶ τοῦ δημάρχου, μηδένα δὲ πείθων, ἐκέλευε τὴν βουλὴν ἀπὸ τοῦ βήματοσ κεκραγὼσ πολλάκισ ὄροσ ζητεῖν, ὥσπερ οἱ πρόγονοι, καὶ κρημνόν, ὅπου καταφυγοῦσα διασώσει τὴν ἐλευθερίαν.

ἐκυρώθη δ’ οὖν ὁ νόμοσ, ὡσ λέγουσι, πάσαισ ταῖσ φυλαῖσ, καὶ κύριοσ ἀποδέδεικτο μὴ παρὼν ὁ Πομπήϊοσ ἁπάντων σχεδὸν ὧν ὁ Σύλλασ ὅπλοισ καὶ πολέμῳ τῆσ πόλεωσ κρατήσασ.

"φεῦ τῶν ἀνηνύτων ἄθλων, ὡσ ἄρα κρεῖττον ἦν ἕνα τῶν ἀδόξων γενέσθαι, εἰ μηδέποτε παύσομαι στρατευόμενοσ μηδὲ τὸν φθόνον τοῦτον ἐκδὺσ ἐν ἀγρῷ διαιτήσομαι μετὰ τῆσ γυναικόσ. ἐφ’ οἷσ λεγομένοισ οὐδ’ οἱ πάνυ συνήθεισ ἔφερον αὐτοῦ τὴν εἰρωνείαν, γινώσκοντεσ ὅτι τῆσ ἐμφύτου φιλοτιμίασ καὶ φιλαρχίασ ὑπέκκαυμα τὴν πρὸσ Λεύκολλον ἔχων διαφορὰν μειζόνωσ ἔχαιρεν.

일치하는 문장이 없습니다.

SEARCH

MENU NAVIGATION