Plutarch, Pompey, chapter 67

(플루타르코스, Pompey, chapter 67)

ἔνιοι δέ φασι διὰ τοῦτο καὶ Κάτωνι μηδὲν ἄξιον σπουδῆσ χρήσασθαι Πομπήϊον, ἀλλὰ καὶ πορευόμενον ἐπὶ Καίσαρα πρὸσ θαλάσσῃ καταλιπεῖν ἐπὶ τῆσ ἀποσκευῆσ, φοβηθέντα μὴ Καίσαροσ ἀναιρεθέντοσ ἀναγκάσῃ κἀκεῖνον εὐθὺσ ἀποθέσθαι τὴν ἀρχήν, οὕτω δὲ παρακολουθῶν ἀτρέμα τοῖσ πολεμίοισ ἐν αἰτίαισ ἦν καὶ καταβοήσεσιν ὡσ οὐ Καίσαρα καταστρατηγῶν, ἀλλὰ τὴν πατρίδα καὶ τὴν βουλήν, ὅπωσ διὰ παντὸσ ἄρχῃ καὶ μηδέποτε παύσηται τοῖσ ἀξιοῦσι τῆσ οἰκουμένησ ἄρχειν χρώμενοσ ὑπηρέταισ καὶ δορυφόροισ. Δομέτιοσ δὲ αὐτὸν Αἠνόβαρβοσ Ἀγαμέμνονα καλῶν καὶ βασιλέα βασιλέων ἐπίφθονον ἐποίει.

καὶ Φαώνιοσ οὐχ ἧττον ἦν ἀηδὴσ τῶν παρρησιαζομένων· "οὐδὲ τῆτεσ ἔσται τῶν ἐν Τουσκλάνῳ σύκων μεταλαβεῖν; Λεύκιοσ δὲ Ἀφράνιοσ ὁ τὰσ ἐν Ἰβηρίᾳ δυνάμεισ ἀποβαλὼν ἐν αἰτίᾳ προδοσίασ γεγονώσ, τότε δὲ τὸν Πομπήϊον ὁρῶν φυγομαχοῦντα, θαυμάζειν ἔλεγε τοὺσ κατηγοροῦντασ αὐτοῦ, πῶσ πρὸσ τὸν ἔμπορον τῶν ἐπαρχιῶν οὐ μάχονται προελθόντεσ. ταῦτα καὶ τὰ τοιαῦτα πολλὰ λέγοντεσ ἄνδρα δόξησ ἥττονα καὶ τῆσ πρὸσ τοὺσ φίλουσ αἰδοῦσ τὸν Πομπήϊον ἐξεβιάσαντο καὶ συνεπεσπάσαντο ταῖσ ἑαυτῶν ἐλπίσι καὶ ὁρμαῖσ ἐπακολουθῆσαι, προέμενον τοὺσ ἀρίστουσ λογισμούσ, ὅπερ οὐδὲ πλοίου κυβερνήτῃ, μήτιγε τοσούτων ἐθνῶν καὶ δυνάμεων αὐτοκράτορι στρατηγῷ παθεῖν ἦν προσῆκον.

ὁ δὲ τῶν μὲν ἰατρῶν τοὺσ μηδέποτε χαριζομένουσ ταῖσ ἐπιθυμίαισ ἐπῄνεσεν, αὐτὸσ δὲ τῷ νοσοῦντι τῆσ στρατιᾶσ ἐνέδωκε, δείσασ ἐπὶ σωτηρίᾳ λυπηρὸσ γενέσθαι, πῶσ γὰρ ἄν τισ φήσειεν ὑγιαίνειν ἐκείνουσ τοὺσ ἄνδρασ, ὧν οἱ μὲν ὑπατείασ ἤδη καὶ στρατηγίασ ἐν τῷ στρατοπέδῳ περινοστοῦντεσ ἐμνῶντο, Σπινθῆρι δὲ καὶ Δομετίῳ καὶ Σκηπίωνι περὶ τῆσ Καίσαροσ ἀρχιερωσύνησ ἔριδεσ ἦσαν καὶ φιλονεικίαι καὶ δεξιώσεισ;

ὥσπερ αὐτοῖσ Τιγράνου τοῦ Ἀρμενίου παραστρατοπεδεύοντοσ ἢ τοῦ Ναβαταίων βασιλέωσ, ἀλλ’ οὐ Καίσαροσ ἐκείνου καὶ τῆσ δυνάμεωσ ᾗ χιλίασ μὲν ᾑρήκει πόλεισ κατὰ κράτοσ, ἔθνη δὲ πλείονα τριακοσίων ὑπῆκτο, Γερμανοῖσ δὲ καὶ Γαλάταισ μεμαχημένοσ ἀήττητοσ ὅσασ οὐκ ἄν τισ ἀριθμήσαι μάχασ ἑκατὸν μυριάδασ αἰχμαλώτων ἔλαβεν, ἑκατὸν δὲ ἀπέκτεινε τρεψάμενοσ ἐκ παρατάξεωσ.

일치하는 문장이 없습니다.

SEARCH

MENU NAVIGATION