헬라어 문장 검색 - Πλυταρ́Πομπεψ́68́

(플루타르코스, Pompey, chapter 68)

ἀλλ’ ὅμωσ ἐγκείμενοι καὶ θορυβοῦντεσ, ἐπεὶ κατέβησαν εἰσ τὸ Φαρσάλιον πεδίον, ἠνάγκασαν βουλὴν προθεῖναι τὸν Πομπήϊον, ἐν ᾗ Λαβιηνὸσ ὁ τῶν ἱππέων ἄρχων πρῶτοσ ἀναστὰσ ὤμοσε μὴ ἀναχωρήσειν ἐκ τῆσ μάχησ, εἰ μὴ τρέψαιτο τοὺσ πολεμίουσ· τὰ δὲ αὐτὰ καὶ πάντεσ ὤμνυσαν. τῆσ δὲ νυκτὸσ ἔδοξε κατὰ τοὺσ ὕπνουσ Πομπήϊοσ εἰσ τὸ θέατρον εἰσιόντοσ αὐτόν κροτεῖν τὸν δῆμον, αὐτὸσ δὲ κοσμεῖν ἱερὸν Ἀφροδίτησ νικηφόρου πολλοῖσ λαφύροισ.

καὶ τὰ μὲν ἐθάρρει, τὰ δὲ ὑπέθραττεν αὐτὸν ἡ ὄψισ, δεδοικότα μὴ τῷ γένει τῷ Καίσαροσ εἰσ Ἀφροδίτην ἀνήκοντι δόξα καὶ λαμπρότησ ἀπ’ αὐτοῦ γένηται· καὶ πανικοί τινεσ θόρυβοι διᾴττοντεσ ἐξανέστησαν αὐτόν. ἑωθινῆσ δὲ φυλακῆσ ὑπὲρ τοῦ Καίσαροσ στρατοπέδου πολλὴν ἡσυχίαν ἄγοντοσ ἐξέλαμψε μέγα φῶσ, ἐκ δὲ τούτου λαμπὰσ ἀρθεῖσα φλογοειδὴσ ἐπὶ τὸ Πομπηϊού κατέσκηψε·

καὶ τοῦτο ἰδεῖν φησι Καῖσαρ αὐτὸσ ἐπιὼν τὰσ φυλακάσ. ἅμα δὲ ἡμέρᾳ, μέλλοντοσ αὐτοῦ πρὸσ Σκοτοῦσαν ἀναζευγνύειν καὶ τὰσ σκηνὰσ τῶν στρατιωτῶν καθαιρούντων καὶ προπεμπόντων ὑποζύγια καὶ θεράποντασ, ἧκον οἱ σκοποὶ φράζοντεσ ὅπλα πολλὰ καθορᾶν ἐν τῷ χάρακι τῶν πολεμίων διαφερόμενα, καὶ κίνησιν εἶναι καὶ θόρυβον ἀνδρῶν ἐπὶ μάχην ἐξιόντων. μετὰ δὲ τούτουσ ἕτεροι παρῆσαν εἰσ τάξιν ἤδη καθίστασθαι τοὺσ πρώτουσ λέγοντεσ, ὁ μὲν οὖν Καῖσαρ εἰπὼν τὴν προσδοκωμένην ἥκειν ἡμέραν, ἐν ᾗ πρὸσ ἄνδρασ, οὐ πρὸσ λιμὸν οὐδὲ πενίαν μαχοῦνται, κατὰ τάχοσ πρὸ τῆσ σκηνῆσ ἐκέλευσε προθεῖναι τὸν φοινικοῦν χιτῶνα·

τοῦτο γὰρ μάχησ Ῥωμαίοισ ἐστὶ σύμβολον. οἱ δὲ στρατιῶται θεασάμενοι μετὰ βοῆσ καὶ χαρᾶσ τὰσ σκηνὰσ ἀφέντεσ ἐφέροντο πρὸσ τὰ ὅπλα.

καὶ τῶν ταξιαρχῶν ἀγόντων εἰσ ἣν ἔδει τάξιν, ἕκαστοσ, ὥσπερ χορόσ, ἄνευ θορύβου μεμελετημένωσ εἰσ τάξιν καὶ πρᾴωσ καθίστατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 68

(플루타르코스, Pompey, chapter 68)

상위

목록

SEARCH

MENU NAVIGATION