Plutarch, Pompey, chapter 47

(플루타르코스, Pompey, chapter 47)

τότε δὲ Καῖσαρ ἐλθὼν ἀπὸ στρατείασ ἥψατο πολιτεύματοσ ὃ πλείστην μὲν αὐτῷ χάριν ἐν τῷ παρόντι καὶ δύναμιν εἰσαῦθισ ἤνεγκε, μέγιστα δὲ Πομπήϊον ἔβλαψε καὶ τὴν πόλιν. ὑπατείαν μὲν γὰρ μετῄει πρώτην ὁρῶν δὲ ὅτι Κράσσου πρὸσ Πομπήϊον διαφερομένου θατέρῳ προσθέμενοσ ἐχθρῷ χρήσεται τῷ ἑτέρῳ, τρέπεται πρὸσ διαλλαγὰσ ἀμφοῖν, πρᾶγμα καλὸν μὲν ἄλλωσ καὶ πολιτικόν, αἰτίᾳ δὲ φαύλῃ καὶ μετὰ δεινότητοσ ὑπ’ ἐκείνου συντεθὲν ἐπιβούλωσ. ἡ γὰρ ὥσπερ ἓν σκάφει τὰσ ἀποκλίσεισ ἐπανισοῦσα τῆσ πόλεωσ ἰσχὺσ εἰσ ἓν συνελθοῦσα καὶ γενομένη μία τὴν πάντα πράγματα καταστασιάσασαν καὶ καταβαλοῦσαν ἀνανταγώνιστον ῥοπὴν ἐποίησεν.

ὁ γοῦν Κάτων τοὺσ λέγοντασ ὑπὸ τῆσ ὕστερον γενομένησ πρὸσ Καίσαρα Πομπηϊῴ διαφορᾶσ ἀνατραπῆναι τὴν πόλιν ἁμαρτάνειν ἔλεγεν αἰτιωμένουσ τὸ τελευταῖον οὐ γὰρ τὴν στάσιν οὐδὲ τὴν ἔχθραν, ἀλλὰ τὴν σύστασιν καὶ τὴν ὁμόνοιαν αὐτῶν τῇ πόλει κακὸν πρῶτον γενέσθαι καὶ μέγιστον. ᾑρέθη μὲν γὰρ ὕπατοσ Καῖσαρ·

εὐθὺσ δὲ θεραπεύων τὸν ἄπορον καὶ πένητα κατοικίασ πόλεων καὶ νομὰσ ἀγρῶν ἔγραφεν, ἐκβαίνων τὸ τῆσ ἀρχῆσ ἀξίωμα καὶ τρόπον τινὰ δημαρχίαν τὴν ὑπατείαν καθιστάσ, ἐναντιουμένου δὲ τοῦ συνάρχοντοσ αὐτῷ Βύβλου, καὶ Κάτωνοσ ἐρρωμενέστατα τῷ Βύβλῳ παρεσκευασμένου βοηθεῖν, προαγαγὼν ὁ Καῖσαρ ἐπὶ τοῦ βήματοσ Πομπήϊον ἐμφανῆ καὶ προσαγορεύσασ ἠρώτησεν εἰ τοὺσ νόμουσ ἐπαινοίη· "ἄν τισ τοὺσ νόμουσ βιάζηται, εἰσ τὸν δῆμον ἀφίξῃ βοηθῶν;

"ἀφίξομαι, πρὸσ τοὺσ ἀπειλοῦντασ τὰ ξίφη μετὰ ξίφουσ καὶ θυρεὸν κομίζων.

τούτου Πομπήϊοσ οὐδὲν οὔτε εἰπεῖν οὔτε ποιῆσαι μέχρι τῆσ ἡμέρασ ἐκείνησ φορτικώτερον ἔδοξεν, ὥστε καὶ τοὺσ φίλουσ ἀπολογεῖσθαι φάσκοντασ ἐκφυγεῖν αὐτὸν ἐπὶ καιροῦ τὸ ῥῆμα. τοῖσ μέντοι μετὰ ταῦτα πραττομένοισ φανερὸσ ἦν ἤδη παντάπασιν ἑαυτὸν τῷ Καίσαρι χρήσασθαι παραδεδωκώσ. Ιοὐλίαν γὰρ τὴν Καίσαροσ θυγατέρα, Καιπίωνι καθωμολογημένην καὶ γαμεῖσθαι μέλλουσαν ὀλίγων ἡμερῶν, οὐδενὸσ ἂν προσδοκήσαντοσ ἔγημε Πομπήϊοσ, μείλιγμα Καιπίωνι τῆσ ὀργῆσ τὴν ἑαυτοῦ θυγατέρα καταινέσασ, Φαύστῳ τῷ παιδὶ Σύλλα πρότερον ἐγγεγυημένην.

αὐτὸσ δὲ Καῖσαρ ἔγημε Καλπουρνίαν τὴν Πείσωνοσ.

일치하는 문장이 없습니다.

SEARCH

MENU NAVIGATION