Plutarch, Pompey, chapter 9

(플루타르코스, Pompey, chapter 9)

ἐπεὶ τοίνυν ἐκράτησε τῆσ Ἰταλίασ ὁ Σύλλασ καὶ δικτάτωρ ἀνηγορεύθη, τοὺσ μὲν ἄλλουσ ἡγεμόνασ καὶ στρατηγοὺσ ἠμείβετο πλουσίουσ ποιῶν καὶ προάγων ἐπὶ ἀρχὰσ καὶ χαριζόμενοσ ἀφθόνωσ καὶ προθύμωσ ὧν ἕκαστοσ ἐδεῖτο, Πομπήϊον δὲ θαυμάζων δι’ ἀρετὴν καὶ μέγα νομίζων ὄφελοσ εἶναι τοῖσ ἑαυτοῦ πράγμασιν, ἐσπούδασεν ἁμῶσ γέ πωσ οἰκειότητι προσθέσθαι. συμβουλομένησ δὲ τῆσ γυναικὸσ αὐτοῦ τῆσ Μετέλλησ, πείθουσι τὸν Πομπήϊον ἀπαλλαγέντα τῆσ Ἀντιστίασ λαβεῖν γυναῖκα τὴν Σύλλα πρόγονον Αἰμιλίαν, ἐκ Μετέλλησ καὶ Σκαύρου γεγενημένην, ἀνδρὶ δὲ συνοικοῦσαν ἤδη καὶ κύουσαν τότε.

ἦν οὖν τυραννικὰ τὰ τὸν γάμου καὶ τοῖσ Σύλλα καιροῖσ μᾶλλον ἢ τοῖσ Πομπηϊού τρόποισ πρέποντα, τῆσ μὲν Αἰμιλίασ ἀγομένησ ἐγκύμονοσ παρ’ ἑτέρου πρὸσ αὐτόν, ἐξελαυνομένησ δὲ τῆσ Ἀντιστίασ ἀτίμωσ καὶ οἰκτρῶσ, ἅτε δὴ καὶ τοῦ πατρὸσ ἔναγχοσ ἐστερημένησ διὰ τὸν ἄνδρα·

일치하는 문장이 없습니다.

SEARCH

MENU NAVIGATION