Plutarch, Pompey, chapter 45

(플루타르코스, Pompey, chapter 45)

τοῦ δὲ θριάμβου τῷ μεγέθει, καίπερ εἰσ ἡμέρασ δύο μερισθέντοσ, ὁ χρόνοσ οὐκ ἐξήρκεσεν, ἀλλὰ τῶν παρεσκευασμένων πολλὰ τῆσ θέασ ἐξέπεσεν, ἑτέρασ ἀποχρῶντα πομπῆσ ἀξίωμα καὶ κόσμοσ εἶναι, γράμμασι δὲ προηγουμένοισ ἐδηλοῦτο τὰ γένη καθ’ ὧν ἐθριάμβευεν. ἦν δὲ τάδε·

πόντοσ, Ἀρμενία, Καππαδοκία, Παφλαγονία, Μηδία, Κολχίσ, Ἴβηρεσ, Ἀλβανοί, Συρία, Κιλικία, Μεσοποταμία, τὰ περὶ Φοινίκην καὶ Παλαιστίνην. Ιοὐδαία, Ἀραβία, τὸ πειρατικὸν ἅπαν ἐν γῇ καὶ θαλάσσῃ καταπεπολεμημένον. ἐν δὲ τούτοισ φρούρια μὲν ἡλωκότα χιλίων οὐκ ἐλάττονα, πόλεισ δὲ οὐ πολὺ τῶν ἐνακοσίων ἀποδέουσαι, πειρατικαὶ δὲ νῆεσ ὀκτακόσιαι, κατοικίαι δὲ πόλεων μιᾶσ δέουσαι τετταράκοντα. αἰχμάλωτοι δ’ ἐπομπεύθησαν, ἄνευ τῶν ἀρχιπειρατῶν, υἱὸσ Τιγράνου τοῦ Ἀρμενίου μετὰ γυναικὸσ καὶ θυγατρόσ, αὐτοῦ τε Τιγράνου τοῦ βασιλέωσ γυνὴ Ζωσίμη, καὶ βασιλεὺσ Ιοὐδαίων Ἀριστόβουλοσ, Μιθριδάτου δὲ ἀδελφὴ καὶ πέντε τέκνα, καὶ Σκυθίδεσ γυναῖκεσ, Ἀλβανῶν δὲ καὶ Ἰβήρων ὅμηροι καὶ τοῦ Κομμαγηνῶν βασιλέωσ, καὶ τρόπαια πάμπολλα καὶ ταῖσ μάχαισ ἰσάριθμα πάσαισ ἃσ ἢ αὐτὸσ ἢ διὰ τῶν στρατηγῶν ἐνίκησε.

μέγιστον δὲ ὑπῆρχε πρὸσ δόξαν καὶ μηδενὶ τῶν πώποτε Ῥωμαίων γεγονόσ, ὅτι τὸν τρίτον θρίαμβον ἀπὸ τῆσ τρίτησ ἠπείρου κατήγαγεν.

ἐπεὶ τρίσ γε καὶ πρότερον ἦσαν ἕτεροι τεθριαμβευκότεσ· ἐκεῖνοσ δὲ τὸν μὲν πρῶτον ἐκ Λιβύησ, τὸν δὲ δεύτερον ἐξ Εὐρώπησ, τοῦτον δὲ τὸν τελευταῖον ἀπὸ τῆσ Ἀσίασ εἰσαγαγὼν τρόπον τινὰ τὴν οἰκουμένην ἐδόκει τοῖσ τρισὶν ὑπῆχθαι θριάμβοισ.

일치하는 문장이 없습니다.

SEARCH

MENU NAVIGATION