헬라어 문장 검색 - Πλυταρ́Πομπεψ́54́

(플루타르코스, Pompey, chapter 54)

καίτοι Πομπήϊοσ εἶπέ ποτε δημηγορῶν ὅτι πᾶσαν ἀρχήν λάβοι πρότερον ἢ προσεδόκησε καὶ κατάθοιτο θᾶττον ἢ προσεδοκήθη. καὶ νὴ Δία μαρτυρούσασ εἶχεν ἀεὶ τὰσ διαλύσεισ τῶν στρατοπέδων. τότε δὲ τὸν Καίσαρα δοκῶν οὐ προήσεσθαι τὴν δύναμιν ἐζήτει ταῖσ πολιτικαῖσ ἀρχαῖσ ὀχυρὸσ εἶναι πρὸσ αὐτόν, ἄλλο δὲ οὐδὲν ἐνεωτέριζεν, οὐδὲ ἐβούλετο δοκεῖν ἀπιστεῖν, ἀλλ’ ὑπερορᾶν μᾶλλον καὶ καταφρονεῖν. ἐπεὶ δὲ τὰσ ἀρχὰσ οὐ κατὰ γνώμην ἑώρα βραβευομένασ, δεκαζομένων τῶν πολιτῶν, ἀναρχίαν ἐν τῇ πόλει περιεῖδε γενομένην καὶ λόγοσ εὐθὺσ ἐχώρει πολὺσ ὑπὲρ δικτάτοροσ, ὃν πρῶτοσ εἰσ μέσον ἐξενεγκεῖν ἐτόλμησε Λουκίλλιοσ ὁ δήμαρχοσ, τῷ δήμῳ παραινῶν ἑλέσθαι δικτάτορα Πομπήϊον.

ἐπιλαβομένου δὲ Κάτωνοσ οὗτοσ μὲν ἐκινδύνευσε τὴν δημαρχίαν ἀποβαλεῖν, ὑπὲρ δὲ Πομπηϊού πολλοὶ τῶν φίλων ἀπελογοῦντο παριόντεσ ὡσ οὐ δεομένου τῆσ ἀρχῆσ ἐκείνησ οὐδὲ βουλομένου. Κάτωνοσ δὲ Πομπήϊον ἐπαινέσαντοσ καὶ προτρεψαμένου τῆσ εὐκοσμίασ ἐπιμεληθῆναι, τότε μὲν αἰδεσθεὶσ ἐπεμελήθη, καὶ κατεστάθησαν ὕπατοι Δομέτιοσ καὶ Μεσσάλασ, ὕστερον δὲ πάλιν ἀναρχίασ γινομένησ καὶ πλειόνων ἤδη τὸν περὶ τοῦ δικτάτοροσ λόγον ἐγειρόντων ἰταμώτερον, φοβηθέντεσ οἱ περὶ Κάτωνα μὴ βιασθῶσιν, ἔγνωσαν ἀρχήν τινα τῷ Πομπηϊῴ προέμενοι νόμιμον ἀποτρέψαι τῆσ ἀκράτου καὶ τυραννικῆσ ἐκείνησ, καὶ Βύβλοσ ἐχθρὸσ ὢν Πομπηϊῴ πρῶτοσ ἀπεφήνατο γνώμην ἐν συγκλήτῳ Πομπήϊον μόνον ἑλέσθαι ὕπατον·

ἢ γὰρ ἀπαλλαγήσεσθαι τῆσ παρούσησ τὴν πόλιν ἀκοσμίασ, ἢ δουλεύσειν τῷ κρατίστῳ.

φανέντοσ δὲ παραδόξου τοῦ λόγου διὰ τὸν εἰπόντα, Κάτων ἀναστὰσ καὶ παρασχὼν δόκησιν ὡσ ἀντιλέξοι, γενομένησ σιωπῆσ εἶπε τὴν προκειμένην γνώμην αὐτὸσ μὲν οὐκ ἂν εἰσενεγκεῖν, εἰσενηνεγμένῃ δὲ ὑφ’ ἑτέρου πείθεσθαι κελεύειν, πᾶσαν μὲν ἀρχήν μᾶλλον αἱρούμενοσ ἀναρχίασ, Πομπηϊού δὲ μηδένα βέλτιον ἄρξειν ἐν ταραχαῖσ τηλικαύταισ νομίζων. δεξαμένησ δὲ τῆσ βουλῆσ, καὶ ψηφισαμένησ ὅπωσ ὕπατοσ αἱρεθεὶσ ὁ Πομπήϊοσ ἄρχοι μόνοσ, εἰ δὲ αὐτὸσ συνάρχοντοσ δεηθείη, μὴ θᾶττον δυοῖν μηνοῖν δοκιμάσασ ἕλοιτο, κατασταθεὶσ οὕτωσ καὶ ἀποδειχθεὶσ διὰ Σουλπικίου μεσοβασιλέωσ ὕπατοσ ἠσπάζετο φιλοφρόνωσ τὸν Κάτωνα, πολλὴν ὁμολογῶν χάριν ἔχειν καὶ παρακαλῶν γίνεσθαι σύμβουλον ἰδίᾳ τῆσ ἀρχῆσ.

Κάτων δὲ χάριν μὲν ἔχειν αὐτῷ τὸν Πομπήϊον οὐκ ἠξίου·

δι’ ἐκεῖνον γὰρ ὧν εἶπεν οὐδὲν εἰπεῖν, διὰ δὲ τὴν πόλιν ἔσεσθαι δὲ σύμβουλοσ ἰδίᾳ παρακαλούμενοσ, ἐὰν δὲ μὴ παρακαλῆται, δημοσίᾳ φράσειν τὸ φαινόμενον. τοιοῦτοσ μὲν οὖν Κάτων ἐν πᾶσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 54

(플루타르코스, Pompey, chapter 54)

상위

목록

SEARCH

MENU NAVIGATION