헬라어 텍스트

Plutarch, Pompey, chapter 44

(플루타르코스, Pompey, chapter 44)

ἐπεὶ δὲ ὁ νόμοσ οὐκ εἰά πρὸ τοῦ θριάμβου παρελθεῖν εἰσ τὴν πόλιν, ἔπεμψεν ἀξιῶν εἰσ τὴν βουλὴν ἀναβαλέσθαι τὰσ τῶν ὑπάτων ἀρχαιρεσίασ, καὶ δοῦναι ταύτην αὐτῷ τὴν χάριν ὅπωσ παρὼν Πείσωνι συναρχαιρεσιάσῃ. Κάτωνοσ δὲ πρὸσ τὴν ἀξίωσιν ἐνστάντοσ οὐκ ἔτυχε τοῦ βουλεύματοσ, θαυμάσασ δὲ τὴν παρρησίαν αὐτοῦ καὶ τὸν τόνον ᾧ μόνοσ ἐχρῆτο φανερῶσ ὑπὲρ τῶν δικαίων, ἐπεθύμησεν ἁμῶσ γέ πωσ κτήσασθαι τὸν ἄνδρα·

καὶ δυεῖν οὐσῶν ἀδελφιδῶν τῷ Κάτωνι τὴν μὲν αὐτὸσ ἐβούλετο λαβεῖν γυναῖκα, τὴν δὲ τῷ παιδὶ συνοικίσαι. τοῦ δὲ Κάτωνοσ ὑπιδομένου τὴν πεῖραν, ὡσ διαφθορὰν οὖσαν αὐτοῦ τρόπον τινὰ δεκαζομένου διὰ τῆσ οἰκειότητοσ, ἥ τε ἀδελφὴ καὶ ἡ γυνὴ χαλεπῶσ ἔφερον εἰ Πομπήϊον Μάγνον ἀποτρίψεται κηδεστήν.

ἐν τούτῳ δὲ βουλόμενοσ ὕπατον ἀποδεῖξαι Πομπήϊοσ Ἀφράνιον ἀργύριον εἰσ τὰσ φυλὰσ ἀνήλισκεν ὑπὲρ αὐτοῦ, καὶ τοῦτο κατιόντεσ εἰσ τοὺσ Πομπηϊού κήπουσ ἐλάμβανον, ὥστε τὸ πρᾶγμα περιβόητον εἶναι καὶ τὸν Πομπήϊον ἀκούειν κακῶσ, ἧσ αὐτὸσ ἀρχῆσ ἐφ’ οἷσ κατώρθωσεν ὡσ μεγίστησ ἔτυχε, ταύτην ὤνιον ποιοῦντα τοῖσ δι’ ἀρετῆσ κτήσασθαι μὴ δυναμένοισ. "τῶν ὀνειδῶν κοινωνητέον οἰκείοισ Πομπηϊού γενομένοισ.

αἱ δὲ ἀκούσασαι συνέγνωσαν βέλτιον αὐτῶν ἐκεῖνον λογίζεσθαι περὶ τοῦ πρέποντοσ.