헬라어 문장 검색 - Πλυταρ́Πομπεψ́04́

(플루타르코스, Pompey, chapter 4)

ἅμα δὲ τῷ τελευτῆσαι τὸν Στράβωνα, δίκην κλοπῆσ ἔσχεν ὑπὲρ αὐτοῦ δημοσίων χρημάτων ὁ Πομπήϊοσ, καὶ τὰ μὲν πλεῖστα φωράσασ ἕνα τῶν ἀπελευθέρων ὁ Πομπήϊοσ νενοσφισμένον Ἀλέξανδρον, ἀπέδειξε τοῖσ ἄρχουσιν, αὐτὸσ δὲ λίνα θηρατικὰ καὶ βιβλία τῶν ἐν Ἄσκλῳ ληφθέντων ἔχειν κατηγορεῖτο. ταῦτα δὲ ἔλαβε μὲν παρὰ τοῦ πατρὸσ ἑλόντοσ τὸ Ἄσκλον, ἀπώλεσε δὲ τῶν Κίννα δορυφόρων, ὅτε κατῆλθεν, ὠσαμένων εἰσ τὴν οἰκίαν αὐτοῦ καὶ διαρπασάντων. ἐγίνοντο δὲ τῆσ δίκησ αὐτῷ προαγῶνεσ οὐκ ὀλίγοι πρὸσ τὸν κατήγορον.

ἐν οἷσ ὀξὺσ ἅμα καὶ παρ’ ἡλικίαν εὐσταθὴσ φαινόμενοσ δόξαν ἔσχε μεγάλην καὶ χάριν, ὥστε Ἀντίστιον στρατηγοῦντα καὶ βραβεύοντα τὴν δίκην ἐκείνην ἐρασθῆναι τοῦ Πομπηϊού καὶ γυναῖκα διδόναι τὴν ἑαυτοῦ θυγατέρα καὶ περὶ τούτου τοῖσ φίλοισ διαλέγεσθαι. δεξαμένου δὲ Πομπηϊού καὶ γενομένων ἐν αὐτοῖσ ἀπορρήτων ὁμολογιῶν, ὅμωσ οὐκ ἔλαθε τοὺσ πολλοὺσ τὸ πρᾶγμα διὰ τὴν τοῦ Ἀντιστίου σπουδήν.

τέλοσ δὲ τὴν γνώμην ἀναγορεύσαντοσ αὐτοῦ τῶν δικαστῶν ἀπολύουσαν, ὥσπερ ἐκ παραγγέλματοσ ὁ δῆμοσ ἐπεφώνησε τοῦτο δὴ τὸ τοῖσ γαμοῦσιν ἐπιφωνούμενον ἐξ ἔθουσ παλαιοῦ, Ταλασίῳ. τὸ δὲ ἔθοσ ἀρχὴν λαβεῖν φασὶ τοιαύτην.

ὅτε τὰσ θυγατέρασ τῶν Σαβίνων ἐπὶ θέαν ἀγῶνοσ εἰσ Ῥώμην παραγενομένασ οἱ πρωτεύοντεσ ἀρετῇ Ῥωμαίων ἡρ́παζον ἑαυτοῖσ γυναῖκασ, ἄδοξοί τινεσ πελάται καὶ βοτῆρεσ ἀράμενοι κόρην καλὴν καὶ μεγάλην ἐκόμιζον. ὅπωσ οὖν μὴ προστυχών τισ ἀφέληται τῶν κρειττόνων, ἐβόων θέοντεσ ἅμα Ταλασίῳ τῶν δὲ χαριέντων καὶ γνωρίμων τισ ἦν ὁ Ταλάσιοσ, ὥστε τοὺσ ἀκούσαντασ τοὔνομα κροτεῖν καὶ βοᾶν οἱο͂ν συνηδομένουσ καὶ συνεπαινοῦντασ. ἐκ τούτου φασὶ καὶ γὰρ εὐτυχὴσ ὁ γάμοσ ἀπέβη τῷ Ταλασίῳ ταύτην τὴν ἐπιφώνησιν μετὰ παιδιᾶσ γενέσθαι τοῖσ γαμοῦσιν.

οὗτοσ ὁ λόγοσ πιθανώτατόσ ἐστι τῶν περὶ τοῦ Ταλασίου λεγομένων, ὀλίγαισ δ’ οὖν ὕστερον ἡμέραισ ὁ Πομπήϊοσ ἠγάγετο τὴν Ἀντιστίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 4

(플루타르코스, Pompey, chapter 4)

상위

목록

SEARCH

MENU NAVIGATION